2 Petrus 2:9 - Taaz Weru Witu u Nunuwu'en Tombulu

⁹ Niana péléng an tumuzu'mé wia ni kita, i si Opo Empung é mata'u in tumulung sé tou sé mahkiit um paaz-Na, sa séra wana am pema'wa'en. Wo ni Sia kangkasii é mata'u i muntep sé tou léwo' witi bui in zézéhan witu un endo i ni Sia tumotoz am pinahmuali néramé,

2 Petrus 2:9 ပူးပေါင်းရင်းမြစ်များ

Matius 10:15

Uli-ulit ikua-Kuma wia ni kamu: Im witu un endo si Opo Empung in tumotoz ulit kaapa zéi'kan am pahlé'osen né tou, un ukuman wia sé tou witipé' Sodom wo Gomora u rorak taan un ukuman wia sé tou witu um wanua tua'na itii.”

Matius 6:13

wo tia'mo ipahwali ni kai witu um pema'waan, taan ipiloté ni kai im wia si léwo'. [Pahpaan ni Komo si makaanu ung Kakolanoan, wo ung kawasa, wo ung kawangko'an makaz ing kauré-uré. Amin.]

Roma 2:5

Pahpaan ung kaketéhan un atému i soo tumula'u a singkéla', niitu u nimangun uman taré un upi' ni Opo Empung éng kalousna im wia ni ko, makaz ni Sia mapailek un ukuman-Na un zéi'kan mahsanaweka wia ni ko witu un endo tinotoz-Namo.

1 Korintus 10:13

Ni kamu ém pahwa'wa'en karia am pema'wa'en ang kinanaram im pahpendanen né tou, un toro pengalin niou. Pahpaan si Opo Empung zéi'kan maliuz wana a méitaaz-Na, niitumo zéi'kan iwaya-Na ni kamu im pema'wa'en karia am pema'wa'en an zéi'kan kawawaan niou. Sekez kamu i mahsaru am pema'wa'en, si Opo Empung é méhé lalan wia ni kamu makaz ni kamu makawawa i mahsaru am pema'wa'en itii.

2 Timutius 3:12

Ulit im peléng sé tou sé paaz mahragés mengiité u ngaran ni Kristus Yesus é mazézéhan,

Titus 2:14

Ni Sia é nimayomola un tou-Na i milot ni kita im wana péléng a léwo'an wo mangun ni kita maéndo tou lenas wo maéndo tou-Na sé zéi'kan mazéi' mahlé'os am wangun.

2 Petrus 2:4

Pahpaan sé malaekat mahsingkéla' én zéi'kan niampungan ni Opo Empung. Ni séra é méilombo'-Nama witi naraka am buin witu un tuleng makaz witu un endo ni séra in totozen im wana am pahwangunen néra.

2 Petrus 3:7

Taan karia u Nuwu'-Na, u langit wo ung kaayahan in tarékan én zéi'kan linéwo' karia un api. Im witumokan un endo ni Sia in tumotoz am pahwangunen né tou in ulit kaapa zéi'kan, ni Sia é luméwo' sé tou zéi'kan pandung ni Sia wo kasii luma'ung u langit wo ung kaayahan.

Yudas 1:6

Sé malaekat kangkasii sé simala' i nimaké ung kawasa méiwéhé wia ni séra an tumula'umé um pahwéha-wéhan néra é niapus-Na karia un aapus un zéi'kan mahwuka-wukala makaz ing kauré-uré, witu ung karimbengbengan witi lalem ung kaayahan makaz witu un endo wangko', in totozen ulit kaapa zéi'kan am pinahwangun néramé.

Wahyu 3:10

Pahpaan ni kamu én zéi'kan mazéi' i mahkiit a nuwu'-Ku in ezen ma'ento' ni Aku, niitumo, ni kamu éng kelungang-Ku im wana am pema'wa'en a mamuali wia péléng ung kaayahan i méma'wa' sé tou memia-mia ung kaayahan.