2 Petrus 2:4 - Taaz Weru Witu u Nunuwu'en Tombulu

⁴ Pahpaan sé malaekat mahsingkéla' én zéi'kan niampungan ni Opo Empung. Ni séra é méilombo'-Nama witi naraka am buin witu un tuleng makaz witu un endo ni séra in totozen im wana am pahwangunen néra.

2 Petrus 2:4 ပူးပေါင်းရင်းမြစ်များ

Matius 25:41

Ang kuan-Na wia sé tou witu ung kawihi-Na, ‘Tumingkasa im witu u sinaru-Ku, é kamu sé tou tinoro un epa'! Muntepoma witu un api zéi'kan mahpaté u niimek in iwéhé wia si tonaas né sétang wo sé malaekatna.

Matius 8:29

A sé sétang simelaz wia ni séra kuméréta, “É Oki' ni Opo Empung! Apa un éyé-Nu wia ni kai? Apa ni Ko niméyé é mézuméha ni kai puunala un oras tinotozo?”

Markus 5:7

A si tou itii kumérété, “É Yesus, Oki' ni Opo Empung si Totoz Rakék! Apa um pemandungen-Nu wia ni aku? Karia u ngaran ni Opo Empung, pahaléiengku, tia' pahzézéhan aku!”

Lukas 10:18

Ang kuan ni Yesus wia ni séra, “Niilek-Ku si tonaas né sétang nimagogomé im witi langit tanu an tila'pong.

Lukas 8:31

Sé sétang itii mahaléi wia si Yesus in tia' pahpeperénta-Na séra i muntep witu um woso um patéan, um pahukuman sé sétang.

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

Roma 11:21

Pahpaan sa si Opo Empung zéi'kan mene'sel in tumia' sé tou Yahudi sé tanumokan pangana ang kai méitanem-Na, tia' ni kamu mahgenangla i ni Sia é mene'sel in tumia' ni kamu.

Roma 8:32

Si Opo Empung én zéi'kan sume'sel si Oki'-Na in esa taan si Oki'-Na itii é méiwéhé-Na wia ni kita péléng, kura kahuman ni Sia zéi'kan tumambéré péléng am péléng wia ni kita karia ni Oki'-Na itii?

2 Petrus 2:11

Zozo' ung kaenté'an wo ung kawasa né malaekat é lumouspé'mé sé méster towo itii, taan sé malaekat én zéi'kan kawisa wo mahséro' i mahtoké wia sé pahloozen wo pahsigi'en witi kasendukan im witu u sinaru ni Opo Empung.

2 Petrus 2:5

Téntu kangkasii si Opo Empung é nimukum sé tou menou-nou wia ung kaayahan im puuna sé zéi'kan pandung ni Sia karia un ampuhan. Akaz uman si Nuh, si mahwoka' ung kaulitan wo sé pitu tou walina sé tinulung-Na im witu un ampuhan itii.

2 Petrus 2:9

Niana péléng an tumuzu'mé wia ni kita, i si Opo Empung é mata'u in tumulung sé tou sé mahkiit um paaz-Na, sa séra wana am pema'wa'en. Wo ni Sia kangkasii é mata'u i muntep sé tou léwo' witi bui in zézéhan witu un endo i ni Sia tumotoz am pinahmuali néramé,

1 Yohanes 3:8

Séi si memua-mualipé' a singkéla', ni sia ém wia si tonaas né sétang a méyé, pahpaan rengané im puuna si tonaas né sétang én zéi'kan kumana' i memua-muali a singkéla'. Pahpaano niia, si Kristus, si Oki' ni Opo Empung é mapailek un tou-Na, wo am pinaayang ni tonaas né sétang ém pakaléwo'en-Na.

Yudas 1:13

Tanu u sempa' makaindé'en witi tasik, u mahsewumé, ni séra kangkasii é mapailek am pahmualin néra ang kaizangnokané. Ni séra én tanumokan sé tototi'en mahéra-éra sé méimeko ni Opo Empung ung karimbengbengan witi lalem ung kaayahan makaz ing kauré-uré.

Yudas 1:6

Sé malaekat kangkasii sé simala' i nimaké ung kawasa méiwéhé wia ni séra an tumula'umé um pahwéha-wéhan néra é niapus-Na karia un aapus un zéi'kan mahwuka-wukala makaz ing kauré-uré, witu ung karimbengbengan witi lalem ung kaayahan makaz witu un endo wangko', in totozen ulit kaapa zéi'kan am pinahwangun néramé.

Wahyu 20:10

Si tonaas né sétang si limulu sé tou itii é méiwerita witu un tasik api wo walélang melaya-layas, um wineritan kasii si binatang makaindé'en wo si nabi towo. Im witu ni séra péléng ém pahzézéhan endo wo wengi makaz ing kauré-uré.