2 Petrus 2:10 - Taaz Weru Witu u Nunuwu'en Tombulu

¹⁰ sé ipahpuu-puuna é sé tou sé mahkiit uman a lelo léwo' un awak néra a mahwangun ni séra in zéi'kan wangun wo mahséro' ung kawasa ni Opo Empung. Sé méster towo itii én totoz wuaya wo wera', makaz ni séra én zéi'mo maindé' i mahséro' sé pahloozen wo pahsigi'en witi kasendukan.

2 Petrus 2:10 ပူးပေါင်းရင်းမြစ်များ

Yudas 1:16

Sé tou itii é sé mengengu-ngengut wo mema'o-ma'os tumoro am pengalin néra, menou-nou mahkiit a lelo léwo' un awak néra. A sumah néra é mahkua ang kaweraan néra wo meloo-looz sé tou i mahlalakez am pahkailekan néra.

Yudas 1:10

Taan ni séra é mahséro' uman wana péléng an zéi'kan kata'uan néra. Ni séra é mahkiit uman ang genang néra tanu sé binatang lemou. Nianamo a nimangun ni séra ikaléwo'.

Yudas 1:18

Pahpaan ni séra éng kimuamo wia ni kamu, “Merétéma ung kaakazan ung kaayahan, mondolé sé menénéro', sé menou-nou mahkiit uman a lelo léwo' un awak néra.”

2 Petrus 3:3

Un ipahpuu-puuna ing kata'uan nioula én téntii: Im wana an endo kaakazan ung kaayahan, mahondolé sé tou tampenéro' karia a séséro' néra, sé menou-nou mahkiit uman a lelo léwo' un awak.

Yudas 1:4

Pahpaan mémoikatuzu'mé im wéwéhano sé tou mahwuni-wuni kimariala ni kamu. Ni séra én urémo tinotoz in ukumen. Ni séra é sé tou zéi'kan pandung si Opo Empung wo mahséa' u raraatéan-Na, wo séra toro menou-nou mengiit u lelo léwo' un awak. Ni séra kasii é soo makaulit i si Yesus Kristus si Mahkawasa wo si Mahpiarata én esa uman.

Efesus 5:5

Pahpaan, totoz im pahwéhanla genang ang kenu: Sé tou samek, sé memua-muali a sinéro' im pahmualin né zéi'kampé' kimawéng, kaapa malo'it, ni séra é masuatokan i mahongkot wia sé opo-opo, sé tou téntu én zéi'kan siapa si maéndo tou ni Kristus wo tou witi Kakolanoan ni Opo Empung.

Lukas 19:14

Taan sé kawanuana é soo ni sia, a séra matuma tou tumondonga i makumua, ‘Kasoo nai si tou kenu i maéndo kolano nai.’

Ibrani 13:4

Péléng sé tou é léwo'zéi' i mahsigi'la u mahkawéng wo tia' ung kokolo'an maéndo tampa pahsamekan, pahpaan si Opo Empung é mukum sé samek wo sé tou sangaya.

Titus 1:7

Si tonaas né jamaat é mahimek um walé ni Opo Empung, niitumo ni sia é léwo'zéi' in zéi'kan siapa pahséro'an, zéi'kan wera', zéi'kan raranguan, zéi'kan matetewelen, zéi'kan tangkoro'en wo zéi'kan uman megena-genang an zoit,

Kolose 3:5

Niitumo, zéi'ela im wia ni kamu péléng am paaz i memangu-mangun an ipahkiit uman um paaz ung kaayahan, tanu a mahsamek, a makati'tiren, a lelo léwo' un awak, am paaz i memangu-mangun a léwo'an wo kasii an angkum an tanumokan i mahongkot wo mahsigi' sé opo-opo.

1 Korintus 6:9

Kaapa zéi'kan kata'uan niou wé, i sé tou zéi'kan ulit én zéi'kan iwéhé ni Opo Empung i maéndo tou witi Kakolanoan-Na? Tia' kamu ikalulu! Sé tou: memua-muali a sinéro' im pahmualin né zéi'kampé' kimawéng, mahsigi' sé opo-opo, samek, sé tuama mahsamek karia né katuama néra, sé mahwangun a makaizangen wia sé kasuat néra,

Kisah Rasul-rasul 23:5

A si Paulus mingkotla, “É katuari-katuari, zéi'kan kata'uangku sa ni sia ém Walian Wangko'. Ulit im wéwéhan u méipantik witu ung kitap Torat in téntii, ‘Ni kamu én tia' menuwu-nuwu' a léwo'an tumoro si tonaas niou.’ ”

1 Tesalonika 4:7

Si Opo Empung én timawah ni kita i menou-nou karia ung kalenasan, zéi'kan i mahwangun ang kasamekan.

2 Korintus 10:3

Zozo' ni kai é menou-noupé' wia ung kaayahan, taan um pakahsaru nai sé tou mahtuzu' an zéi'kan ulit én zéi'kan tanu um pakahsaru né tou wia ung kaayahan.

Roma 8:1

Niitumo, in tarékan én zéi'mo siapa un ukuman wia sé menou-nou nimaesamo karia ni Kristus Yesus.

Efesus 4:19

Ni séra én zéi'mo siapa izangna, taka-takazan séra mahkiit uman u lelo un awak néra wo mahsamek mahkiit um paaz néra.

2 Timutius 3:2

Sé tou é mahgenang uman un touna in esa wo nimaéndo ata an zoit. Ni séra i mahnuwu' é mahrakék un tou néra wo loozan, mahkua a léwo'an tumoro si kasuat tou wo mahsasarumokan sé tu'a, soo kumua u makasé wo zéi'mo pandung witu um pa'émanen,

Lukas 11:25

A sia mawurima witu. Mailekenna, um pinahento'annamé itii ém weresi wo niimek.