2 Petrus 1:8 - Taaz Weru Witu u Nunuwu'en Tombulu

⁸ Pahpaan sa kamu zéi'kan mazéi' mahwangun niana péléng, nianamo u sumawang ni kamu i makawawa mahtata'u wo lamata'u si Yesus Kristus Mahpiarata.

2 Petrus 1:8 ပူးပေါင်းရင်းမြစ်များ

Matius 13:22

Am watuna tatanemen méikagogo wana an zukut menulah é sé tou sé timalinga u Nuwu' itii, taan tahlous maarét ung katou-touan néra wo tawi mapahléla'en im wana a sangkum. Niitumo u Nuwu' ni Opo Empung é méisé'sé' umanla a lelo wo ang genang wana ang kawa'ilanan wia ung kaayahan taka-takazan zéi'kan nimua'mé.

Matius 20:3

Woo jam kasiou im woondo, sia mondola sumaup an ilekennala im witi pasar ém wéwéhampé' sé woopira tou zéi'kan siapa paayangen.

Matius 20:6

Woo jam kalima im wengindo, sia mondol kasiima sumaup, a sia mahilekala wo sé tou walina sé zéi'kan kasii siapa paayangen. Kuana wia ni séra, ‘Kaa kamu zéi'kan nimaayangla i sana endo kenu?’

Matius 25:26

Ang kuan ni tuangna wia ni sia, ‘Ni ko én ata léwo' wo soo mawendu. Kata'uannumo ndéén sa ni aku é mahupu' wana an zéi'kan méikerozku wo mengéngéndo wana an zéi'kan méitanemku.

Yohanes 15:2

Péléng am panga zéi'kan memumua' ém pahketoren-Na wo péléng am panga wéwéhan wua'na ém pahweresin-Na wo um wua'na é malakez.

Yohanes 17:3

Ung kenumo ung katou-touan makaz ing kauré-uré, i sé tou mata'u si Ama', si Ama' é si Opo Empung si esa uman si ulit wo mata'u ni Aku, si Yesus Kristus si méiatumé ni Ama'.

Yohanes 5:42

Taan tumoro ni kamu, uli-ulit kata'uang-Ku im witu un até niou, ni kamu én zéi'kan siapa raraatéan wia si Opo Empung.

Roma 12:11

Ma'ulitla i mahpaayang. Ni kamu én tia'mo soo i mahtututu'. Maayangla wia si Mahpiara karia ung kaenté'an u méiwéhémé ni Roh ni Opo Empung si mahkawasa.

1 Korintus 15:58

Niitumo, katuari-katuari ikararaatéku, rumendaila menté-enté', tia' mahzua-zua genang i ma'éman. Mahtututu'la i mahpaayang am paayangen méiwéhé ni Mahpiara wia ni kamu, pahpaan kata'uan niouo im witu u sinaru ni Mahpiara, zéi'kan siapa am pinaayang niou an zéi'kan siapa torona.

2 Korintus 13:5

Amoké wa'wa'en nioula un tou niou, wo kata'uan nioula sa ni kamu én uli-ulit ma'éman wia si Kristus kaapa zéi'kan. Pahtata'ula un até niou, ni kamu én uli-ulit mata'u i si Kristus Yesus ém witu un até niou kaapa zéi'kan! Pahpaan sa kamu zéi'kan uli-ulit mahkiit si Kristus, um pa'émanen niou én zéi'kan malekep im pema'wa'en.

2 Korintus 8:2

Ni séra ém pema'wa'en karia an zézéha totoz wutez taan ni séra é mahpaa-paaz, wo zozo' ni séra zéi'kan siapa apa, taan un até néra ém wa'ilan karia ung karipu'an i mahsawang sé tou walina.

2 Korintus 8:7

Niitumo, ni kamu ém wa'ilano im wana am péléng, tanu ang kenu: um pa'émanen niou én enté'mo, tulapo i mahnuwu', lakezo ang kata'uan tumoro si Opo Empung, totoz paaz i mahsawang sé tou walina wo ni kai én totoz ikararaaté niou. Ni kamu in téntu ém wa'ilano, téntu kangkasii ni kamu éng kalousna i mahpaayang am wangun kenu i mahsawang sé tou walina.

2 Korintus 9:14

Ni séra é rumaraaté ni kamu, makaz ni kamu én ipahpengaléi néra, pahpaan ung kamang méitambér ni Opo Empung é lakezo wia ni kamu.

Filipi 1:9

Ung kenumo um pengaléiengku wia si Opo Empung tumoro ni kamu, mengalé-ngaléi uman u raraatéan niou wia sé tou walina éng kalakezna wo ung kata'uan karia ung katulapan niou é malake-lakez im wana am péléng.

Filipi 2:5

Mahtututu'la wo ung genang niou én tanu ung genang ni Kristus Yesus.

Filipi 3:8

Zéi'kan uman niitu, pahpaan in tarékan kata'uangkumo u lumouspé'mé ung kawangunan am walina i ni aku mata'umo si Kristus Yesus, si Mahpiaraku. Pahpaan ni aku mata'umo si Kristus, niitumo péléng am puuna pahgenangengkula ém wéwéhan torona wo mahalimé ung kauntungan wia ni aku witu u sinaru ni Opo Empung é méitula'ukumola. Péléng a mahalimé ung kauntungan wia ni aku im puuna ém pahgenangengkula i rimberek wo ni aku toro makailek si Kristus.

Kolose 1:10

Karia in téntu, ung katou-touan niou ém wangun im witu u sinaru ni Mahpiara wo ni kamu éng kapaaz-Na im wana am péléng wo mua'mé am wangun im wana péléng am pahpaayangen niou, wo kalousna i mata'u tumoro ang kapaaz ni Opo Empung.

Kolose 2:7

Um pa'émanen niou é léwo'zéi' in enté' tanu un ahmut ung kai in timeptep witu un tana', menou-nou mahkiit uman ni Sia. Um pa'émanen niou kangkasii é léwo'zéi' ing kaenté'na tanu u mémoituzu' wia ni kamu, wo ni kamu kangkasii én tia' mazéi' i mahkua u makasé.

Kolose 3:16

U Nuwu' ni Kristus é léwo'zéi' malake-lakez ing kimawasa witu péléng ung katou-touan niou, taka-takazan karia péléng ung katulapan, ni kamu mahtuzu' wo mahsésésaan si esa wo si esa karia i mahkantar a mazmur wo ang kakantaren lolooz wo ang kakantaren né tou ma'éman, wo mahkua u makasé wia si Opo Empung witu un até niou.

1 Tesalonika 3:12

Mengalé-ngaléi uman si Mahpiara é mangun ni kamu kalousna i mahraa-raatéan wo kasii kalousna i rumaraaté sé tou walina, tanu u raraatéan nai wia ni kamu.

1 Tesalonika 4:1

Ing kamurian katuari-katuari, ni kai é niméhémola ung kékéréan wangun wia ni kamu tumoro kura ung katou-touan niou u mahwangun un até ni Opo Empung mahpaa-paaz. Ni kamu é nimenou-noumola tanu niitu. In tarékan karia ung kawasa ni Yesus Mahpiara, ni kai totoz mahaléi wo menutu' wia ni kamu, wo kamu kalousna mahtututu' i mahwangun si Opo Empung mahpaa-paaz.

2 Tesalonika 1:3

Katuari-katuari, pahpaan ni kamu ni kai sekezé é léwo'zéi' ing kumua u makasé wia si Opo Empung. Ni kai é léwo'zéi' i mahwangun un téntu pahpaan ni kamu éng kalousnamo i ma'éman wia si Yesus wo ni kamu si esa wo sé walina éng kalousnamo i mahraa-raatéan,

1 Timutius 5:13

Wo kasii pahpaan séra i menero-neroi uman wana am walé né tou, ni séra nimangun un tou néra i soo kumura. Zéi'kan uman i soo kumura, taan ni séra kasii é mahtawuruk a ngaran né tou walina, menembo-nembor am pahpaayangen né tou walina wo kasii mahnuwu' an zéi'kan wangun i nuwu'en.

Titus 3:14

Wo sé touta kangkasii é léwo'zéi' mahtata'ula i mahpaayang am paayangen wangun i mahwuwutul am pemandungen néra i mendo-endo, wo ung katou-touan néra ém wéwéhan un torona.

Filemon 1:6

Ni aku mengaléi, mengalé-ngaléi uman um pahtuarianta in tou ma'éman kenu é mangun ung kata'uanta tumoro péléng am wangun éng kalousna pahpaan nimaesa karia ni Kristus.

Ibrani 6:12

Kasoo nai ni kamu i maéndo tou sé soo kumura. Taan ikapaaz nai ni kamu menou-nou tanu sé tou nimakailek u méitaaz ni Opo Empung pahpaan ni séra é ma'éman ni Sia wo pahpaan ung kaezenan néra.

2 Petrus 1:2

Mengalé-ngaléi uman si Opo Empung én tumambéré ang kamang wo ung kaluasan un até un zéi'kan si akazna wia ni kamu, pahpaan ni kamu é mata'umo si Opo Empung wo si Yesus Kristus Mahpiarata.

2 Petrus 1:3

Pahpaan karia ung kawasa-Na, si Opo Empung én timambér wia ni kita péléng am pemandungen, wo kita toro menou-nou mahkiit am paaz-Na. Péléng niitu é méiwéhé-Na wia ni kita pahpaan ni kita é mata'umo ni Sia si timawah ni kita karia ung kawasa-Na un totoz wangko' wo ung kalé'osan-Na.

2 Petrus 2:20

Pahpaan i nimata'umola si Yesus Kristus é si Mahpiarata wo si nimilot ni kita im witu un ukuman wana a singkéla', niitumo ni séra é méikapilotomé im witu u lelo léwo' un awak um wia ung kaayahan kenu. Taan sa séra ikawurila sumaup i mahkiit uman u lelo léwo' un awak um wia ung kaayahan kenu, ung katou-touan néra in tarékan é luméwo'pé'mé ung katou-touan néra im puuna in zéi'kampé' mata'u si Yesus Kristus.

2 Petrus 3:18

Taan, ni kamu é mahtututu'la wo kalousna i mé'an ung kamang tatambér ni Yesus Kristus Mahpiara wo si nimilot ni kita im witu un ukuman wana a singkéla'. Mahtututu'la wo ni kamu totoz mata'u ni Sia. U looz wo sigi' ém wia uman ni Sia, in tarékan makaz ing kauré-uré. Amin.