2 Petrus 1:4 - Taaz Weru Witu u Nunuwu'en Tombulu

⁴ Karia in téntu, ni Sia én timambéro wia ni kita an taaz zéi'kan kakuaan wo totoz wangko' u mangun ung katou-touan niou ikapiloté witu ung genang u mahkiit uman a lelo léwo' un awak niou u mahléwo' ung kaayahan kenu, wo am pahwangunen niou én tanu am pahwangunen ni Opo Empung.

2 Petrus 1:4 ပူးပေါင်းရင်းမြစ်များ

Roma 9:4

Pahpaan ni séra én tou Israel sé pinéléng ni Opo Empung i maéndo oki'-Na, wo ni séra é nimileko ung kawangko'an kawasa-Na. Si Opo Empung é nimangun um pinataazan karia né nimaopo néra wo niméhé un ukum Torat wo ni séra mata'umo kura i mahragés wia si Opo Empung wo ni séra é nimakaileko an taaz ni Opo Empung.

2 Korintus 1:20

Si Kristus ni Siamo si ‘Éné’ im wana péléng a méitaaz ni Opo Empung. Ni kai mahkua ‘Amin’ pahpaan si Kristus i mahsigi' wo mahlooz si Opo Empung.

2 Korintus 3:18

Ni kita péléng sé ma'éman, zéi'mo siapa u nimapé' um pakahgena-genangta. Niitumo, ni kita én toro milek ung kawangko'an ni Mahpiara, ni kita én tanu u lélénoan u sumena'ma ung kawangko'an ni Mahpiara. Si Mahpiara sekezé é mahweru ung katou-touanta makaz ni kita kauréna éng kasena'na i mahsena'ma u sena' ni Mahpiara. Ni Sia si nimangun ni kita nimaténtu, ni Siamo si Roh Lenas.

2 Korintus 6:17

Pahpaano niitu, Mondolé ni kamu im witu un unez né tou zéi'kan ma'éman, wo tumampasé im wia ni séra, Nuwu' ni Opo Empung. Wo tia' kamu memua-muali a singkéla' u mangun ni kamu i makati'tiren, wo kamu sungkuleng-Ku.

Galatia 3:16

Péléng an taaz itii é méikuamo wia si Abraham wo wia si suzuna. Si Opo Empung ing kimua un taaz itii én zéi'kan kimua “wia sé suzuna”, pahpaan sa méikua “wia sé suzuna” ung kalakoana é lakez sé makailek un taaz itii, taan si Opo Empung éng kimua “wia si suzumu”, ung kalakoana én esa uman si makailek un taaz itii, ni siamo si Kristus.

Galatia 6:8

Pahpaan séi si mahkiit uman u lelo un awakna i mahwangun a léwo', ni sia é makailek um patéan pahpaan u lelo un awakna i mahwangun a léwo', taan sé mahkiit um paaz ni Roh Lenas, ni sia é makailek ung katou-touan makaz ing kauré-uré un ipahwéhémé ni Roh Lenas itii.

Efesus 4:13

akaz ni kita péléng nimaesaan pahpaan um pa'émanen wo ung kata'uanta un ulit tumoro si Oki' ni Opo Empung. Ni kita maéndo tou uli-ulit lutu'mo sé kauréna éng kalekepna masuat karia ni Kristus.

Kolose 3:10

Ni kamu in tarékan é nimakaileko ung katou-touan weru wo zéi'kan mazéi' im pahwerun ni Opo Empung si nimanguné ni kamu wo ni kamu maéndo tanu ni Sia. Karia in téntu ni kamu é mata'u ni Sia makauli-ulit.

Ibrani 12:10

Sé tu'ata sé wia ung kaayahan é mukum ni kita zéi'kan mauréma mengiit um wangun ung ginenang néra. Taan si Opo Empung i mukum ni kita wo kita makailek am wangun wo kita zéi'kan siapa pahséro'an tanu ni Sia in zéi'kan siapa pahséro'an.

Ibrani 9:15

Pahpaano niitu, si Kristus nimahalimé um pinataazan weru niénéan ni Opo Empung wia sé tou. Karia in téntu, péléng sé tinawah ni Opo Empung é makailek ung kamang zéi'kan mahléwo-léwo'la makaz ing kauré-uré u méitaaz-Na, pahpaan si Kristus nimatémo i maér sé tou im witu un ukuman patéan pahpaan péléng a singkéla' néra, i ni séra mahkiitpé' um pinataazan kataré.

Yakobus 1:27

Un uli-ulit mahragés wo zéi'kan siapa um pahséro'an witu u sinaru ni Opo Empung, Ama'ta é mahileké sé zéi'mo siapa tu'a wo sé wéwéné mahesa-esamokan im wana ang kasusaan néra. Téntu kangkasii ni kamu, mile-ilekla én taa kamu ikakiitla i mahwangun a léwo'an wia ung kaayahan.

2 Petrus 1:1

Um pinantik kenu ém pinantikku, Simon Petrus, ata wo aatu ni Yesus Kristus, iwéhé wia sé mahwali-wali karia nai sé ma'émano. Ni kita nima'éman wia si Yesus Kristus pahpaan ni Sia é si Opo Empung wo si nimilot ni kita im witu un ukuman wana a singkéla' wo si zéi'kan mahsanaweka.

2 Petrus 3:13

Taan ni kita sé ma'éman é ma'ento' u langit weru wo ung kaayahan weru u méitaaz ni Opo Empung, u mapahwéha-wéhan né tou niéndo ulit ni Opo Empung.

2 Petrus 3:9

Si Mahpiara én zéi'kan mahuré-uré i mangun a méitaaz-Na, zozo' im wéwéhan sé tou mahkua ni Sia én tahlous uré. Taan ni Sia én ezen im wia ni kamu, pahpaan kasoo-Na zozo' in esa wéwéhan sé tou maikaléwo'. Kapaaz-Na péléng sé tou én tumula'ula a singkéla' wo mawuri sumaup i mahlé'os ang kapaaz-Na.

1 Yohanes 2:25

Ang kenumo a mémoitaaz-Na in esa wia ni kita, niitu éng katou-touan makaz ing kauré-uré.

1 Yohanes 3:2

Katuari-katuari ikararaatéku, in tarékan ni kita én oki' ni Opo Empung, taan zéi'kampé' kata'uanta u mamuali wia ni kita. Taan kata'uanta sa si Kristus mapailekomé un tou-Na, ni kita é maéndo tanu ni Sia. Pahpaan ni kita é mamilek un ulitna ung katou-touan-Na.