2 Petrus 1:3 - Taaz Weru Witu u Nunuwu'en Tombulu

³ Pahpaan karia ung kawasa-Na, si Opo Empung én timambér wia ni kita péléng am pemandungen, wo kita toro menou-nou mahkiit am paaz-Na. Péléng niitu é méiwéhé-Na wia ni kita pahpaan ni kita é mata'umo ni Sia si timawah ni kita karia ung kawasa-Na un totoz wangko' wo ung kalé'osan-Na.

2 Petrus 1:3 ပူးပေါင်းရင်းမြစ်များ

Matius 28:18

A si Yesus rumétéla ni séra ang kumuama, “Péléng ang kawasa witi kasendukan wo wia ung kaayahan é mémoiwéhé wia ni Aku.

Roma 8:32

Si Opo Empung én zéi'kan sume'sel si Oki'-Na in esa taan si Oki'-Na itii é méiwéhé-Na wia ni kita péléng, kura kahuman ni Sia zéi'kan tumambéré péléng am péléng wia ni kita karia ni Oki'-Na itii?

Roma 9:24

Ni kitamo sé tinawah-Na, zéi'kan uman kita in tou Yahudi taan kangkasii sé zéi'kan tou Yahudi,

1 Korintus 1:9

Si Opo Empung én zéi'kan maliuz wana a méitaaz-Na. Ni Sia én timawah ni kamu makaz ni kamu nimaesa karia ni Oki'-Na, si Yesus Kristus Mahpiarata.

2 Korintus 12:9

Taan winingkot umané ni Opo Empung, “Ung kamang méitambér-Ku wia ni ko én toromo. Pahpaan, i ni ko zéi'kan enté' ung kawasa-Ku totoz nimalekep.” Niitumo, ni aku mahpaa-paaz i mahlooz un touku in zéi'kan enté', wo kapenda-pendanangku ung kawasa ni Kristus é memali-mali kariaku.

Efesus 4:1

Niitumo, ni aku, si binui pahpaan mahwangun a méiatu ni Mahpiara, mahaléi wia ni kamu, wo ni kamu in tou tinawahmo i ma'éman wia si Opo Empung é menou-noula mengiit ung kapaaz ni Opo Empung tanu in taré ma'émanla wia ni Sia.

Efesus 4:4

Ni kamu é nimaéndomo tanu esa awak, esa Roh wo esa pahéré'an i mangun um paaz ni Opo Empung i ni Sia timawah ni kamu.

Filipi 3:8

Zéi'kan uman niitu, pahpaan in tarékan kata'uangkumo u lumouspé'mé ung kawangunan am walina i ni aku mata'umo si Kristus Yesus, si Mahpiaraku. Pahpaan ni aku mata'umo si Kristus, niitumo péléng am puuna pahgenangengkula ém wéwéhan torona wo mahalimé ung kauntungan wia ni aku witu u sinaru ni Opo Empung é méitula'ukumola. Péléng a mahalimé ung kauntungan wia ni aku im puuna ém pahgenangengkula i rimberek wo ni aku toro makailek si Kristus.

Filipi 4:8

Ung kamurian katuari-katuari, péléng an ulit, péléng am wangun im pahloozen, péléng an zéi'kan mahsanaweka, péléng am weresi, péléng an tombal, péléng an tariis im pahtalingan, péléng am wéwéhan torona wo an toro pahloozen, niana péléng é léwo'zéi' ing genangen nioula.

Kolose 1:16

Pahpaan si Yesus nimaesa karia ni Opo Empung am wangunen péléng am witi kasendukan wo am wia ang kaayahan, ang kaile-ilekan wo an zéi'kan kaile-ilekan, a rurumezan né kolano wo ung kakolanoan, téntu kangkasii sé roh mahkakawasa wo mahpeperénta. Péléng niana ém winangun ni Opo Empung mengiité si Kristus wo méiwéhé wia ni Sia.

1 Tesalonika 2:12

wo totoz mahaléi wia ni kamu i menou-nou mengiit um paaz ni Opo Empung. Ni Siamo si Opo Empung si timawah ni kamu i muntep witu ung Kakolanoan-Na wo witu ung kawangko'an-Na.

1 Tesalonika 4:7

Si Opo Empung én timawah ni kita i menou-nou karia ung kalenasan, zéi'kan i mahwangun ang kasamekan.

2 Tesalonika 2:14

Pahpaano niitu, si Opo Empung én timawahmo ni kamu mengiité u Nuwu' Lé'os tumoro si Yesus u mémoipahwoka' nai wia ni kamu, wo ni kamu toro makailek u sigi' wo looz ni Yesus Kristus, si Mahpiarata.

1 Timutius 4:8

I mahnanaram un awak wo enté' ém wéwéhan un torona taan toyo' uman. Taan i mahnanaram un tou i mahragés wia si Opo Empung ém wéwéhan torona im wana am péléng, pahpaan niitu é mahalimé ung kamang witu ung katou-touan in tarékan wo in tumondong.

2 Timutius 1:9

Ni Siamo si nimilot ni kita im witu un ukuman wana a singkéla' wo timawah ni kita menou-nou in tou linenas-Na, zéi'kan mengiit am pahwangunenta, taan mengiit ung ginenang-Na wo ung kamang méitambér-Na, u mémoiwéhé wia ni kita mengiité si Kristus Yesus puunala ung kaayahan kenu im winangun.

Ibrani 1:3

Ni Siamo si mahsena'mé u sena' ni Opo Empung wo mengiité ni Sia kita toro milek si Opo Empung. Karia u Nuwu'-Na un totoz mahkawasa, si Yesus mahtéiz péléng am wia ung kaayahan. Kumawusa Sia i miloté sé tou im witu un ukuman wana a singkéla', ni Sia rimumez witu ung kakan ni Opo Empung si totoz wangko' witi tampa totoz rakék.

1 Petrus 1:15

Taan péléng ung katou-touan niou é léwo'zéi' i lenas masuat wo si Opo Empung si timawah ni kamu é lenas.

1 Petrus 1:5

Péléng niitu én iwéhé wia ni kamu sé penaté-natéren karia ung kawasa ni Opo Empung pahpaan ma'éman wia ni Sia. Ni Sia é menaté-natér ni kamu, akaz ni kamu ipilot im witu un ukuman wana a singkéla'. Niitu é niimek-Na wia ni kamu witu ung kaakazan ung kaayahan.

1 Petrus 2:21

Ni kamu én tinawah-Namé i mahwangun a lé'os zozo' in zézéha. Pahpaan si Kristus kangkasii é nimazézéhamé pahpaan ni kamu wo timula'umoma ung kékéréan ing kiitan niou.

1 Petrus 2:9

Taan ni kamumo sé pinéléng ni Opo Empung, walian i mahpaayang wia si Opo Empung si Kolano, tahsasana wanua linenas, nimaéndo tou méisanapa' wia ni Sia, wo ni kamu mahwoka' am pahwangunen ni Opo Empung an totoz wangko'. Si Opo Empung si timawahmomé ni kamu mondolé im witu ung karimbengbengan a muntep witu un ayah-Na un totoz makakompo'en.

1 Petrus 3:9

Tia' u léwo'an ém waéran niou karia u léwo'an, kaapa u sasalou karia u sasalou. Taan, ipengaléi nioula wia si Opo Empung wo séra kamangené, pahpaan ni kamu én tinawah-Na i maéndo kamang wia sé tou walina, wo karia in téntu ni kamu é makailek ung kamang.

1 Petrus 5:10

Si Opo Empung si mahtambéré ung kamang, si timawahmo ni kamu sé ma'éman si Kristus witu ung kawangko'an-Na makaz ing kauré-uré é mangun ung katou-touan niou ing kawangunna, menté' am pa'émanen niou, menté' an até niou, wo mangun um pa'émanen niou wia si Kristus zéi'kan mawalina, kumawusla kamu i mendana an zézéha zéi'kan mauréma.

2 Petrus 1:10

Niitumo, katuari-katuariku, totoz mahtututu'la i mapailek sa kamu én uli-ulit pinéléng ni Opo Empung wo tinawah-Na ing kumiit ni Sia. Pahpaan sa kamu mahwangun niana péléng, zéi'kan itula'u niou um pa'émanen niou masuat wo ni kamu én zéi'kan ikasangkil karegas i mahlampang.

2 Petrus 1:2

Mengalé-ngaléi uman si Opo Empung én tumambéré ang kamang wo ung kaluasan un até un zéi'kan si akazna wia ni kamu, pahpaan ni kamu é mata'umo si Opo Empung wo si Yesus Kristus Mahpiarata.

2 Petrus 1:5

Pahpaano niitu, uli-ulit pahtututu'en nioula im pahawesala um pa'émanen niou karia ung katou-touan wangun, wo ung katou-touan wangun ém pahawesala karia ung katulapan tumoro si Opo Empung,

2 Petrus 1:6

wo witu ung katulapan tumoro si Opo Empung ém pahawesala karia u mata'u mahime-imek un tou. Wo u mata'u mahime-imek un tou ém pahawesala karia un ezen im wana an zézéha, wo un ezen im wana an zézéha ém pahawesala karia u mahkiit ang kapaaz ni Opo Empung.

2 Petrus 1:8

Pahpaan sa kamu zéi'kan mazéi' mahwangun niana péléng, nianamo u sumawang ni kamu i makawawa mahtata'u wo lamata'u si Yesus Kristus Mahpiarata.

2 Petrus 2:20

Pahpaan i nimata'umola si Yesus Kristus é si Mahpiarata wo si nimilot ni kita im witu un ukuman wana a singkéla', niitumo ni séra é méikapilotomé im witu u lelo léwo' un awak um wia ung kaayahan kenu. Taan sa séra ikawurila sumaup i mahkiit uman u lelo léwo' un awak um wia ung kaayahan kenu, ung katou-touan néra in tarékan é luméwo'pé'mé ung katou-touan néra im puuna in zéi'kampé' mata'u si Yesus Kristus.

2 Petrus 3:18

Taan, ni kamu é mahtututu'la wo kalousna i mé'an ung kamang tatambér ni Yesus Kristus Mahpiara wo si nimilot ni kita im witu un ukuman wana a singkéla'. Mahtututu'la wo ni kamu totoz mata'u ni Sia. U looz wo sigi' ém wia uman ni Sia, in tarékan makaz ing kauré-uré. Amin.