2 Petrus 1:1 - Taaz Weru Witu u Nunuwu'en Tombulu

¹ Um pinantik kenu ém pinantikku, Simon Petrus, ata wo aatu ni Yesus Kristus, iwéhé wia sé mahwali-wali karia nai sé ma'émano. Ni kita nima'éman wia si Yesus Kristus pahpaan ni Sia é si Opo Empung wo si nimilot ni kita im witu un ukuman wana a singkéla' wo si zéi'kan mahsanaweka.

2 Petrus 1:1 ပူးပေါင်းရင်းမြစ်များ

Matius 10:2

A ngaran né mapulu' wo zua pahtuzu'en-Na itii é: Si kataré é si Simon si pahkuan kangkasii im Petrus wo si Andreas katuarina, si Yakobus wo si Yohanes sé oki' ni Zebedeus,

Matius 4:18

I si Yesus mahlampang witi tembir u louz Galilea, ileken-Nama sé zua mahtuari, ni séra é si Simon si pahkuan kangkasii im Petrus wo si Andreas katuarina. Ni séra éng karegas i mahlombo' u lolombo' witu u louz, pahpaan ni séra é melolombo'.

Lukas 1:47

un atéku kangkasii é mahpaa-paaz, pahpaan si Opo Empung si milot ni aku im witu un ukuman wana a singkéla'.

Lukas 11:49

Niitumo, totoz tulap si Opo Empung ing kimua, ‘Iatu-Ku sé nabi wo sé aatu-Ku i mangé wia sé tou Israel. Taan im wia sé nabi wo wia sé aatu-Ku, wéwéhan sé mazézéhan néra wo wéwéhan sé winunu' néra.’

Yohanes 1:42

Si Simon é méipahwalima ni Andreas wia si Yesus. I si Yesus nimileka wia si Simon a Sia kumua, “Ni ko é Simon, oki' ni Yohanes. Ni ko é mangaranan Kefas (Kefas é masuat wo Petrus).”

Yohanes 12:26

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

Yohanes 20:21

A si Yesus makasapé' kasii ing kimuama, “Ung kaluasan witu un até é menaté-natér ni kamu! Tanu si Ama' nimatumé ni Aku, téntu kangkasii in tarékan ni Aku matuma ni kamu.”

Kisah Rasul-rasul 15:14

Si Simon é simiritamoma i si Opo Empung rengan ing kataré-taré é nimapailekoma u raraatéan-Na wia sé tou zéi'kan Yahudi. Ni Sia niméléng sé tou im wia ni séra i maéndo tou-Na.

Roma 1:1

Um pinantik kenu ém wia ni aku Paulus, ata ni Kristus Yesus, si tinawah ni Opo Empung i maéndo aatu ni Yesus Kristus wo tinotoz i mahwoka' u Nuwu' Lé'os ni Opo Empung.

Roma 1:12

Ung kalakoana, sa ni aku mahwali-wali karia niou, ni kita én toro maheenté'an un até karia um pa'émanenta.

Roma 1:17

Pahpaan im witu u Nuwu' Lé'os itii, ikatuzu'mé kura si tou i niéndo ulit ni Opo Empung pahpaan i ma'éman wia ni Sia, rengan im puuna makaz ing kauré-uré. Tanu u méipantik witu um Pinantik Lenas in téntii, “Si tou niéndo ulit ni Opo Empung pahpaan um pa'émanenna, é mamenou-nou.”

1 Korintus 1:30

Si Opo Empung si nimangun ni kamu nimaesa karia ni Kristus Yesus wo si Kristus Yesus nimangun ni kita makailek ung katulapan ni Opo Empung. Ni kita nimaéndo ulit im witu u sinaru ni Opo Empung, nimaéndo tou linenas ni Opo Empung wo timubus ni kita.

1 Korintus 15:9

Ni aku én zéi'kan wangun ing kuan aatu ni Yesus, pahpaan ni aku i makasa é mahzézéha sé jamaat ni Opo Empung. Niitumo, im wia sé aatu ni Yesus, ni akumo si totoz roros.

1 Korintus 9:1

Katuari-katuari, ni aku én toro mahwangun péléng ang kapaazku. Ni aku én uli-ulit aatu ni Yesus Kristus. Ni aku é nimileko si Yesus, si Mahpiarata. Ni kamu ém wua'na am pinaayangku wia si Opo Empung.

2 Korintus 4:13

Taan pahpaan um pa'émanenta é masuat, tanu u méipantik witu um Pinantik Lenas in téntii, “Ni aku é ma'éman, pahpaano niitu ni aku é mahnuwu'”, niitumo, pahpaan ni kai kangkasii é ma'éman, ni kai é mahnuwu'ma.

2 Korintus 5:21

Si Kristus én zéi'kan nimahwangu-wangunla a singkéla', taan winangun ni Opo Empung, si Kristus masaan a singkéla' winangunta. Téntu um winangun ni Opo Empung wia si Kristus, wo séi uman si ma'éman wia si Kristus, si tou itii én éndon ulit ni Opo Empung witu u sinaru-Na.

Galatia 2:8

Pahpaan si Opo Empung si nimangun si Petrus makawawa i maéndo aatu ni Yesus Kristus wia sé tou Yahudi sé sinunat, ni Sia kasii si nimangun ni aku makawawa i maéndo aatu ni Yesus Kristus wia sé tou zéi'kan Yahudi.

Efesus 3:5

un im puuna én zéi'kan méipahkua-kuala wia sé tou taan in tarékan é méikuamo ni Roh ni Opo Empung wia sé aatu wo wia sé nabi-Na, sé linenas ni Opo Empung.

Efesus 4:11

Ni Siamo si timambér wia sé tou i makawawa maéndo aatu-Na, maéndo nabi, wéwéhan sé maéndo mahwoka' u Nuwu' Lé'os, sé maéndo tonaas i mahahkit wo mahtuzu' sé jamaat.

Efesus 4:5

Si Mahpiara én esa uman, um pa'émanen én esa uman wo u sasarani én esa uman,

Filipi 1:1

Um pinantik kenu ém wia ni aku Paulus wo si Timotius a mangé. Ni kai én ata ni Kristus Yesus. Um pinantik kenu én iwéhé wia sé tou linenas ni Opo Empung pahpaan nimaesa karia ni Kristus Yesus sé witi Filipi wo wia sé tonaas né jamaat wo wia sé diaken.

Filipi 1:29

Pahpaan, ni kamu én tinambéran ung kamang zéi'kan uman i ma'éman si Kristus, taan ni kamu kasii én tinambéran ung kamang i mazéha pahpaan ma'éman ni Sia.

Filipi 3:9

Pahpaan ni aku ma'éman wo nimaesamo karia ni Kristus, ni aku é niéndo ulit witu u sinaru ni Opo Empung. Ni aku niéndo ulit witu u sinaru ni Opo Empung zéi'kan pahpaan i mahkiit un ukum Torat taan pahpaan ma'éman wia si Kristus. Niitumo, si Opo Empung nimangun ni aku maéndo ulit witu u sinaru-Na pahpaan ni aku ma'éman si Kristus.

2 Timutius 1:5

Kagenangangkula i ni ko én uli-ulit ma'éman wia si Kristus tanu um pa'émanen ing kataré-taré ni nénému Lois wo ni ina'mu Eunike. Wo totoz kata'uangku sa um pa'émanennu én tanu um pa'émanen néra.

Titus 1:1

Um pinantik kenu ém wia ni aku Paulus a mangé, ata ni Opo Empung wo aatu ni Yesus Kristus. Ni aku é méiatu in tumuzu' sé tou pinéléng ni Opo Empung wo um pa'émanen néra é maenté', wo kasii séra toro mata'u tumoro an tutuzu' ulit am pengingilekenta im wana am peraragésanta wia si Opo Empung.

Titus 1:4

Titus, ni ko én tanumokan oki'ku in esa pahpaan ni kita zua é ma'éman wia si Kristus Yesus. Mengalé-ngaléi uman ung kamang tatambér wo ung kaluasan witu un até, um wia si Opo Empung Ama'ta wo si Yesus Kristus, si Nimilot ni kita im witu un ukuman wana a singkéla' é menaté-natér ni kamu.

Titus 2:13

Karegas niitu, ni kita ma'ento' un endo mawuta-wuta ung kamang, um pengéré-ngéré'enta i lekepené. Witu un endo itii ni kita é milek ung kawangko'an-Na si Totoz wangko' wo si Yesus Kristus si Milot ni kita im witu un ukuman wana a singkéla'.

Yakobus 1:1

U sigi'ku Yakobus, si ata ni Opo Empung wo ni Yesus Kristus si Mahpiara. Um pinantik kenu iwéhé wia sé mapulu' wo zua suzu ni Israel sé ma'émano wia si Kristus sé wana a séséngkotan.

1 Petrus 1:1

Um pinantik kenu ém pinantikku, Petrus si aatu ni Yesus Kristus, iwéhé wia sé tou mahlepu-lepu wo méikasera im wia sé tou zéi'kampé' mata'u si Opo Empung sé witi tana': Pontus, Galatia, Kapadokia, Asia oki' wo Bitinia.

1 Petrus 1:7

Wana am pema'wa'en itiimo toro ikatuzu'mé sa ni kamu uli-ulit ma'éman wia ni Sia kaapa zéi'kan. Um pa'émanen niou itiipé' u mahal taan u mas un toro uman maléwo'. U mas é léwo'zéi' in tunumpé'la i mahtata'u sa niitu wangun kaapa zéi'kan. Um pa'émanen niou wia ni Sia é lumouspé'mé niitu, u léwo'zéi' im wa'wa'en wo niitu maenté'. Karia in téntu ni kamu é loozen wo sigi'en im witu un oras si Yesus Kristus i mawurimé sumaup.

1 Petrus 2:7

Im wia ni kamu in tou ma'éman, um watu itii én totoz mahal. Taan im wia sé tou zéi'kan ma'éman, téntii u méipantik witu um Pinantik Lenas, “Um watu méitia' né memamangun am walé é nimaéndomola watu to'tolan totoz ipahpuu-puuna, wo kasii nimaéndo watu pahkasunduian wo watu pahkasangkilan.”

1 Petrus 5:1

Ni aku ém penatua tanu ni kamu wo ni aku éng kumuama a niilekku wo an tinalingaku tumoro an zézéha pinahpendané ni Kristus im puuna. Ni aku kangkasii é lamakailek wéténg im witu ung kawangko'an-Na i si Kristus mémapailek ung kawangko'an-Na. Niitumo ni aku é sumésama wia ni kamu:

2 Petrus 1:4

Karia in téntu, ni Sia én timambéro wia ni kita an taaz zéi'kan kakuaan wo totoz wangko' u mangun ung katou-touan niou ikapiloté witu ung genang u mahkiit uman a lelo léwo' un awak niou u mahléwo' ung kaayahan kenu, wo am pahwangunen niou én tanu am pahwangunen ni Opo Empung.

Yudas 1:1

Um pinantik kenu ém pinantikku, Yudas, ata ni Yesus Kristus wo katuari ni Yakobus, iwéhé wia sé tou tinawah wo ikararaaté ni Opo Empung Ama'ta wo sé pahtéizan-Na i maéndo anu ni Yesus Kristus.