2 Korintus 9:3 - Taaz Weru Witu u Nunuwu'en Tombulu

³ Taan zozo'pé' in téntu, si Titus wo sé zua katuari esa pa'émanen é méiatuku i mangé wia ni kamu i sumawang ni kamu. Karia in téntu, u méipeloo-loozkumola tumoro ni kamu én zéi'kan sirita towo uman. Kapaazku an zoit sasawang é rinéwokola, un tumuzu'mé i ni kamu é nimimekola tanu u méipahkuakula.

2 Korintus 9:3 ပူးပေါင်းရင်းမြစ်များ

2 Korintus 7:14

I si Titus zéi'kampé' nimangé wia ni kamu, ni kamu é méipahloo-loozku wia ni sia, wo ni kamu én zéi'kan mapaiza-izang ni aku. Péléng a méikua nai wia ni kamu én ulit. Téntu kangkasii péléng a méipahloo-looz nai tumoro ni kamu wia si Titus én ulit.

2 Korintus 7:4

Ni aku én totoz ma'éman wia ni kamu, lumouspé'tarémé niitu ni kamu én ipahloo-loozku. Im wana péléng an zézéha nai, ni kamu é mahenté' un atéku wo totoz mahwéhé a makapaazen.

2 Korintus 8:6

Pahpaano niitu, si Titus pahlusun nai mangé wia ni kamu i sumampet um paayangenna um wangun u méito'tolnama i mahsawang ni kamu mahréwok an zoit sasawang makaz niana nimaréwok.

Titus 3:1

Titus, ipapagenangmula wia sé jamaat wo séra mahsigi-sigi' wia sé pemerénta wo sé mahkawasa. Ni séra kasii é léwo'zéi' i mahtali-talinga wo paaz i maayang péléng am papaayangen wangun.