2 Korintus 7:8 - Taaz Weru Witu u Nunuwu'en Tombulu

⁸ Niitumo, zozo' um pinantikku nimangunola un até niou i rumara, ni aku én zéi'kan mene'sel. Totoz ulit ni aku é mene'sel i nimantika um pinantik itii, pahpaan kata'uangku niitu é nimangunola un até niou rumara zozo' in zéi'kan uré.

2 Korintus 7:8 ပူးပေါင်းရင်းမြစ်များ

Wahyu 3:19

Sé tou ikararaaté-Ku éng kakoro'ang-Ku wo ukumeng-Ku sa séra simala'. Niitumo, ni kamu én uli-ulit mahkiitla si Opo Empung wo itula'umola a singkéla' niou.

2 Korintus 7:11

Amoké pakagena-genangen nioula! Pahpaan u merara un até ung kapaaz ni Opo Empung nimamuali wia ni kamu, nimangun ni kamu kalousna mahtututu', mapailek i ni kamu zéi'kan mahsingkéla' wo u nimangun ni kamu maupi' wia sé tou mahwangun a singkéla' wo maindé' sa zéi'kan uli-ulit mahkiit si Opo Empung. Niitu kangkasii u nimangun ni kamu i lumelo wo totoz mahtututu' i mahwangun a lé'os, kapaaz niou sé tou mahsingkéla' én ukumen. Im wana niana péléng tumuzu'mé i ni kamu én zéi'kan siapa a sinala'.

2 Korintus 7:6

Taan si Opo Empung si mahenté' an até né tou sé kimana'mola i mengalé-ngaléi é nimenté' un até nai i si Titus niméyé.

Yohanes 21:17

Kuan ni Yesus wia ni sia ing katelu, “Simon oki' ni Yohanes, apa ni ko rumaraaté ni Aku?” Pahpaan si Yesus kimua, “Apa ni ko rumaraaté ni Aku?” ing katelumo, niitumo un até ni Petrus é rumara. A sia kumuala wia si Yesus, “Tuang, ni Ko é mata'u péléng am péléng, kata'uan-Nu i ni aku é rumaraaté ni Ko.” A si Yesus kumuala wia ni sia, “Piarala sé domba-Ku.

Yohanes 16:6

Taan un até niou in tarékan é rumara pahpaan ni Aku kimuama niitu wia ni kamu.

2 Korintus 7:7

Zéi'kan uman si Titus i niméyé u nimenté' un até nai, taan u nimenté' un até nai kangkasii éng kura ni kamu i mahenté' un aténa. Méikuana ni kamu én totoz lumelo i mahilekan kariaku, totoz pene'selen niou am winangun nioula, pahtututu'en niou i mahkelung ni aku. Pahpaano niana, ni aku én totoz mahpaa-paaz.

2 Korintus 7:9

Taan in tarékan ni aku é mahpaa-paaz, zéi'kan pahpaan im winangunkuma un até niou i rumara, taan pahpaan un até niou i rumara a ni kamu tumula'ula a singkéla' niou ang kumiit um paaz ni Opo Empung. U merara un até niou itii ung kapaaz ni Opo Empung. Niitumo, zéi'kan siapa u nimaina'mé wia ni kamu zozo' in toyo' uman pahpaan um pinantikku itii.

2 Korintus 7:12

Niitumo, ni aku i nimantik um pinantik méiwéhé wia ni kamu, zéi'kan pahpaan si tou simala', kaapa si tou zézéha pahpaan a sinala' itii. Ni aku i nimantik um pinantik itii, ung kalakoana ni kamu én toro mata'ula i ni kamu én uli-ulit mahwéhé genang wia ni kai witu u sinaru ni Opo Empung.