2 Korintus 7:7 - Taaz Weru Witu u Nunuwu'en Tombulu

⁷ Zéi'kan uman si Titus i niméyé u nimenté' un até nai, taan u nimenté' un até nai kangkasii éng kura ni kamu i mahenté' un aténa. Méikuana ni kamu én totoz lumelo i mahilekan kariaku, totoz pene'selen niou am winangun nioula, pahtututu'en niou i mahkelung ni aku. Pahpaano niana, ni aku én totoz mahpaa-paaz.

2 Korintus 7:7 ပူးပေါင်းရင်းမြစ်များ

Matius 26:75

Ang kagenangala ni Petrus u méikua ni Yesus wia ni sia, “Puunala si laka' ing kumukuké, ni ko é nimakatelumola ing kimélong ni Aku.” A sia mondola a mamamé' karia in totoz rumara un até.

Matius 5:4

Mahpaa-paazola sé tou mahpengasi', pahpaan un até néra é maenté'en.

Lukas 22:44

Si Yesus én totoz mengali a Sia uli-ulit mengaléi. U rungkéz-Na én tanumokan zaha' a mahtihisa witu un tana'.]

Kisah Rasul-rasul 11:23

I si Barnabas méikaayomola witu, an ilekennala kura si Opo Empung in timambér ung kamang wia ni séra, ni sia én totoz mahpaa-paaz. A séra sésaanala in zéi'kan toro mazéi' i ma'éman wia si Yesus Mahpiara.

Roma 1:12

Ung kalakoana, sa ni aku mahwali-wali karia niou, ni kita én toro maheenté'an un até karia um pa'émanenta.

1 Korintus 5:2

Zozo' im wia ni kamu ém wéwéhan si tou mahwangun u léwo'an téntu taan ni kamu mapailek uman taré ung kaloozan niou. Un até niou é léwo'zéi' i rumara pahpaan si tou mahsamek itii, wo ni sia én ipekiondolé im wia ni kamu.

2 Korintus 1:14

Zozo' in taré am walina an toro katulapan niou tumoro ni kai, mengalé-ngaléi uman witu un endo si Yesus Mahpiara méyé in tumondong, ni kamu é malumooz ni kai wo ni kai kangkasii é malumooz ni kamu.

2 Korintus 1:4

Si Opo Empung si nimenté' un até nai im wana péléng an zézéha pengalin nai, wo karia ung kaenté'an un até méiwéhé-Namé, akaz ni kai makawawa mahenté' un até né tou walina im wana an zézéha pengalin néra.

2 Korintus 2:9

Ung kalakoan ni aku i nimantik um pinantik itii an iwéhé wia ni kamu é mahtata'u sa a méipahkuakuma wia ni kamu ém péléng pahwangunen niou kaapa zéi'kan.

2 Korintus 5:2

Ni kita i menou-nou witu un ténda wia ung kaayahan kenu é mahpa'os pahpaan i lumelo um walé ma'ento'anta witi kasendukan. Um walé itiimo un awakta weru.

2 Korintus 7:6

Taan si Opo Empung si mahenté' an até né tou sé kimana'mola i mengalé-ngaléi é nimenté' un até nai i si Titus niméyé.

2 Korintus 7:8

Niitumo, zozo' um pinantikku nimangunola un até niou i rumara, ni aku én zéi'kan mene'sel. Totoz ulit ni aku é mene'sel i nimantika um pinantik itii, pahpaan kata'uangku niitu é nimangunola un até niou rumara zozo' in zéi'kan uré.

2 Korintus 8:16

Ni aku éng kumuama u makasé wia si Opo Empung, pahpaan un até ni Titus én tanu un até nai in uli-ulit paaz mahsawang ni kamu.

Filipi 1:20

Un totoz pelelo-lelongku wo um pahéré'engkula i ni aku én zéi'kan ipapaiza-izang im wana péléng am pahwangunengku i menou-nou. Ni aku én totoz ma'éman wo wuaya i mahnuwu' tanu im puuna, téntu kangkasii in tarékan, im wana péléng am pahwangunengku, zozo' ni aku i menou-noupé' kaapa i nimatémo, si Yesus Kristus ém pahloozen wo pahsigi'en.

Kolose 2:5

Pahpaan zozo' ni aku zéi'kan mahwali-wali karia niou, taan genangenola i ni aku én tanumokan kimaria ni kamu zozo' ni aku én zou'mé im wia ni kamu. Ni aku kangkasii é mahpaa-paaz in timalingamé i ni kamu é mahesa-esaan wo um pa'émanen niou én enté' im wia si Kristus.

1 Tesalonika 3:6

In tarékan si Timotius é nimawurimomé im witi Tesalonika, ni sia é simirita u sirita makapaazen tumoro ni kamu u nimangun ni kai i mahpaa-paaz. Méikuana tumoro um pa'émanen niou wo u mahraa-raatéan niou. Méikuana kasii, sekez ni kamu ikagenangla ni kai, ni kamu é mahpaa-paaz wo paaz i mahilekan sumaup karia nai, tanu ni kai kangkasii ém paaz i mahilekan karia niou.

1 Tesalonika 3:8

In tarékan, kata'u-ta'uan nai ung katou-touan nai én uli-ulit wéwéhan torona, pahpaan um pa'émanen niou én enté' i nimaesa karia ni Mahpiara.

Ibrani 2:1

Niitumo, totoz im pahwéhanla genang an tutuzu' tumoro si Yesus an tinalingatamo, wo kita tia' kauréna éng kazou'na im wana an tutuzu' itii a mémoikua wia ni kita wo sinungkultamo, ang kumiit an tutuzu' a mahlululu uman um pa'émanenta.

Yakobus 5:17

Si Elia én tou uman masuat wo ni kita. Ni sia én uli-ulit nimengaléila wo zéi'kan muzan. Téntutuu, teluna ta'un enemna loloho'en zéi'kan nimahuza-uzané.

2 Yohanes 1:4

Ni aku én totoz mahpaa-paaz i nimilekla wéwéhan sé woopira im wia sé oki'mu menou-nou mahkiit an tutuzu' kaulitan tanu a méiperénta ni Ama'.

Yudas 1:3

Katuari-katuari ikararaatéku, ni aku én totoz mahtututu' i nimantik tumoro ni kita péléng i mémoipiloté im witu un ukuman wana a singkéla'. Ni aku én totoz paaz i mantik um pinantik kenu wo sumésama wia ni kamu, wo kamu uli-ulit mahtututu' i rumembe-rembet witu um pa'émanen u mémoiwéhé wia sé tou linenas ni Opo Empung.