2 Korintus 7:4 - Taaz Weru Witu u Nunuwu'en Tombulu

⁴ Ni aku én totoz ma'éman wia ni kamu, lumouspé'tarémé niitu ni kamu én ipahloo-loozku. Im wana péléng an zézéha nai, ni kamu é mahenté' un atéku wo totoz mahwéhé a makapaazen.

2 Korintus 7:4 ပူးပေါင်းရင်းမြစ်များ

Kisah Rasul-rasul 5:41

Sé aatu ni Yesus itii mondolé im witu um pahtotozan né Mahkamah Agama karia i mahpaa-paaz, pahpaan ni séra é mahgenangla wangun mazézéha im pahséro'an pahpaan u Ngaran ni Yesus.

Roma 5:3

Zéi'kan uman niitu, taan taré kita én toro mahpaa-paaz im wana am pengalinta, pahpaan kata'uanta sa am pengalinta itiimo a mangun ni kita ezen,

1 Korintus 1:4

Ni aku sekezé é mapaayo u makasé wia si Opo Empungku, pahpaan ni Sia én timambér ung kamang-Na wia ni kamu wo ni kamu é nimaesa karia ni Kristus Yesus.

2 Korintus 1:14

Zozo' in taré am walina an toro katulapan niou tumoro ni kai, mengalé-ngaléi uman witu un endo si Yesus Mahpiara méyé in tumondong, ni kamu é malumooz ni kai wo ni kai kangkasii é malumooz ni kamu.

2 Korintus 1:4

Si Opo Empung si nimenté' un até nai im wana péléng an zézéha pengalin nai, wo karia ung kaenté'an un até méiwéhé-Namé, akaz ni kai makawawa mahenté' un até né tou walina im wana an zézéha pengalin néra.

2 Korintus 10:8

Ni aku én zéi'kan maizang zozo' ni aku tahlous mahlooz un touku, i mahkua ung kawasa méiwéhé ni Opo Empung wia ni kai. Pahpaan ni Sia i niméhé ung kawasa itii wia ni kai, zéi'kan i luméwo' um pa'émanen niou, taan i mahenté' um pa'émanen niou.

2 Korintus 11:21

Pahgenangen niou sa ni aku én totoz maizang pahpaan zéi'kan wuaya i mahwangun an téntu? Zéi'kan! Taan sa sé tou walina ém wuaya i mahlooz un tou néra, ni aku kangkasii ém wuaya i mahlooz tanu ni séra. (Ang kenu é nuwu'ku tanu sé tou lemou).

2 Korintus 2:14

Taan ni aku éng kumuama u makasé wia si Opo Empung, pahpaan ni Sia si nimaéndo tonaas si sekezé én timatér ni kai karia ung kawasa ni Kristus, makaz ni kai toro muntung. Ni kai é méiatu ni Opo Empung wo séra mata'u si Kristus, tanu u mahwou tariis ing kawouanna né tou lakez wisa uman un angéan nai.

2 Korintus 3:12

Pahpaan ni kai niméré' witu um pinataazan weru um wia si Opo Empung, niitumo ni kai én zéi'kan maindé' i mahwoka' u Nuwu' Lé'os tumoro si Yesus wia sé tou.

2 Korintus 7:14

I si Titus zéi'kampé' nimangé wia ni kamu, ni kamu é méipahloo-loozku wia ni sia, wo ni kamu én zéi'kan mapaiza-izang ni aku. Péléng a méikua nai wia ni kamu én ulit. Téntu kangkasii péléng a méipahloo-looz nai tumoro ni kamu wia si Titus én ulit.

2 Korintus 8:24

Niitumo, ni kamu in jamaat witi Korintus, ipapailekla u raraatéan niou wia ni séra telu. Wo kata'uala né woopira jamaat, i ni séra én uli-ulit ikararaaté niou wo an ipahloo-looz nai tumoro ni kamu én ulit.

Filipi 1:14

Wo pahpaan ni aku im binui, nimangun lakez sé katuari esa pa'émanen éng kaenté'namo um pa'émanen néra wo kawuayana wo zéi'mo maindé' i mahwoka' u Nuwu' ni Opo Empung.

Filipi 1:20

Un totoz pelelo-lelongku wo um pahéré'engkula i ni aku én zéi'kan ipapaiza-izang im wana péléng am pahwangunengku i menou-nou. Ni aku én totoz ma'éman wo wuaya i mahnuwu' tanu im puuna, téntu kangkasii in tarékan, im wana péléng am pahwangunengku, zozo' ni aku i menou-noupé' kaapa i nimatémo, si Yesus Kristus ém pahloozen wo pahsigi'en.

Filipi 1:26

Wo sa ni aku mawurimé sumaup wia ni kamu, kalousna ni kamu i mahlooz si Kristus Yesus pahpaan ni kamu nimileko um winangun-Na wia ni aku.

Filipi 2:17

Zozo' ni aku ém woo ukumen i maté wo un zaha'ku én isaroi witu um wawo né tatamun kineriz niou in iragés wia si Opo Empung, taan ni aku én zéi'kan mazéi' i mahpaa-paaz tumoro niitu wo ni aku kasii é mahpaa-paaz karia niou péléng.

Kolose 1:24

In tarékan, ni aku é mahpaa-paaz i nimazéha pahpaan nimapata'u u Nuwu' Lé'os tumoro si Yesus wia ni kamu wo pahpaan mahpaayang wia si Kristus i lumekep un zéha-Na wia sé jamaat sé tanumokan un awak-Na.

1 Tesalonika 2:19

Pahpaan sa zéi'kan ni kamu, séipé' taré sé pahéré'an nai wo mangun ni kai mahpaa-paaz wo ipahloo-looz nai witu u sinaru ni Yesus, si Mahpiarata, i ni Sia méyé sumaup?

1 Tesalonika 2:2

Kata'uan niouo kasii, puunala kai i niméyé wia an Tesalonika, ni kai é zinézéhamé wo pinahséro'ané im witi Filipi. Taan zozo' lakez sé tou mahsaru ni kai, si Opo Empungta é simawang ni kai akaz ni kai zéi'kan maindé' i mahwoka' u Nuwu' Lé'os-Na im wia ni kamu.

2 Tesalonika 1:4

taka-takazan, ni kamu ém pahloo-looz nai i mahsirita wia sé jamaat ni Opo Empung. Ni kamu ém pahloo-looz nai pahpaan ni kamu én zéi'kan mazéi' i ma'éman wia si Yesus zozo' ni kamu mahpendan an zézéha wo ang kasusaan.

Filemon 1:7

Filemon katuariku, u raraatéannu é nimangun ni aku mahpaa-paaz wo nimenté' un atéku pahpaan un até né tou ni Opo Empung ém winangunmumola mahpaa-paaz.

Yakobus 1:2

Katuari-katuariku, mahpaa-paazola zozo' lakez am pema'wa'en pahpendanen niou.