2 Korintus 7:3 - Taaz Weru Witu u Nunuwu'en Tombulu

³ Ni aku éng kumuama in téntu, zéi'kan i mukum ni kamu, taan tanu u mémoikuaku, ni kamu ém pahwéhan nai genang. Ni kai én zéi'mo toro patampasen karia niou, ni kita é nimaesamo i menou-noupé' kaapa i matéma.

2 Korintus 7:3 ပူးပေါင်းရင်းမြစ်များ

2 Korintus 11:11

Ni aku i mahloo-looz tanu niitu, zéi'kan pahpaan ni aku zéi'kan rumaraaté ni kamu. Si Opo Empung si mata'u i ni aku é rumaraaté ni kamu.

2 Korintus 12:15

Niitumo, kapaazku i méhé péleng an anuku i sumawang ni kamu, taka-takazan ung katou-touangku én iwéhéku i sumawang ni kamu. Téntu um wangunengku i mapailek i ni aku én totoz rumaraaté ni kamu, taan ni kamu én zéi'kan tahlous rumaraaté ni aku.

2 Korintus 13:10

Niitumo, ni aku i nimantik um pinantik kenu i nimazou'an karia niou, wo sa ni aku méyé in tumondong, ni aku én zéi'mo suméro' ni kamu karia ung kawasa méiwéhé ni Opo Empung wia ni aku. Ung kawasa itii méiwéhé i mahwawangun ni kamu, zéi'kan i luméwo' um pa'émanen niou.

2 Korintus 3:2

Ni kamumo sé tanu um pinantikan u mahlooz ni kai, pahpaan am pinaayang nai én toro kata'uan wo pahileken né tou wana am wangun am pahwangunen niou itii. Wo niitu é mémoikapantik witu un até nai makaz péléng sé tou én toro maca wo mata'u niitu.

2 Korintus 7:12

Niitumo, ni aku i nimantik um pinantik méiwéhé wia ni kamu, zéi'kan pahpaan si tou simala', kaapa si tou zézéha pahpaan a sinala' itii. Ni aku i nimantik um pinantik itii, ung kalakoana ni kamu én toro mata'ula i ni kamu én uli-ulit mahwéhé genang wia ni kai witu u sinaru ni Opo Empung.

Filipi 1:7

Ni aku é mapaayo u makasé wia si Opo Empung pahpaan ni kamu ém witu un atéku. Ni aku é nimakailek ung kamang méitambér ni Opo Empung zozo' in tarékan ni aku ém binuipé'. Ni aku kangkasii é nimakailek ung kamang méitambér ni Opo Empung i mahtuzu' sa u Nuwu' Lé'os tumoro si Yesus én ulit, wia sé tou sé mahkua niitu in zéi'kan ulit, wo kasii i mangun ni séra in uli-ulit ma'éman. Ni kamu kangkasii é nimakailek ung kamang méitambér ni Opo Empung tanu ung kinailekangkumé.

1 Tesalonika 2:8

Ni kai é rumaraaté ni kamu, niitumo ni kai én zéi'kan uman paaz i mahwoka' u Nuwu' Lé'os ni Opo Empung wia ni kamu, taan ung katou-touan nai kangkasii én iwéhé nai wia ni kamu pahpaan ni kamu én totoz ikararaaté nai.