2 Korintus 6:3 - Taaz Weru Witu u Nunuwu'en Tombulu

³ Ni kai mahtututu' i mahpaayang uman am wangun, wo am pahpaayangen nai zéi'kan maéndo tanu watu pahkasangkilan né tou, wo zéi'kan siapa si mapahsasala' am pinaayang nai.

2 Korintus 6:3 ပူးပေါင်းရင်းမြစ်များ

Roma 14:13

Niitumo, tia'mo kita mahtototozampé' kasii ulit kaapa zéi'kan am pahwangunen! Taan, tawimo kita mahtututu'la in zéi'kan mangun si katuari esa pa'émanen maéndo zéi'kan enté' kaapa mahwangun a singkéla'.

1 Korintus 9:12

Sa sé tou walina sé mahtuzu' u Nuwu' Lé'os tumoro si Kristus wia ni kamu én toro mahéré'la im pahwéhan niou am pemandungen néra, zéi'kankuaa u léwo'zéi' kailekan nai é lumouspé'mé taan ni séra? Taan, u léwo'zéi' kailekan nai itii én zéi'kampé' pinaké nai. Péléng am péléng ém pahpengalin nai, wo ni kai zéi'kan maéndo pengalin i mahwoka' u Nuwu' Lé'os tumoro si Kristus.

Matius 17:27

Taan, wo séra zéi'kan maupi', mangémo mamopasé witi louz. Éndoné si seza' kataré niopasmumé wo wukala u sumahna, witu u sumah ni seza' itii ém wéwéhan un zoit un toro iwaér um pajakta zua witi Walé ni Opo Empung. Éndoné an zoit itii wo maiwaéré wia ni séra um pajak-Ku wo um pajakmu.”

1 Korintus 9:22

Sa aku kimaria sé tou zéi'kampé' tahlous enté' um pa'émanen, ni aku é mahasa-asar ni séra, wo ni aku toro sumawang ni séra i ma'éman wia si Kristus. Winangunku ung katou-touangku én tanu ni séra péléng, wo wéwéhan sé wia ni séra sé toro ipiloté im witu ukuman wana a singkéla'.

2 Korintus 8:20

Ni kai én totoz mile-ilek én taa wéwéhan sé tou mapahsasala' ni kai i mahali an zoit isawang un téntumokala ung kalakez itii.

2 Korintus 1:12

Ni kai én totoz mahlooz ung katou-touan nai pahpaan um pahwangunen nai wia sé tou wia ung kaayahan é lé'os wo ulit. Niitu un totoz méisanapa' witu um pahile-ilekan nai karia niou. Witu ung genang lé'os nai, ni kai én totoz mata'u sa niitu é lé'os wo ulit wia si Opo Empung a méyé, niitu kangkasii én tumuzu'ma wia sé tou sa am pahwangunen nai én ulit. Wo péléng am pahwangunen nai itii én zéi'kan karia ung katulapan nai in tou, taan karia ung kamang tatambér ni Opo Empung.

Matius 18:6

Ang kuan kasii ni Yesus, “Taan séi uman si tou nimangun si esaané im wia sé koki' sé ma'éman wia ni Aku kenu in zéi'mo ma'éman wia ni Aku, tawimo u léhé'na apusala um watu tua'na ipahgiling wo sia maitenemé witi tasik.

Kisah Rasul-rasul 19:27

Karia in téntu, zéi'kan uman am pahpaayangenta kenu a séro'an né tou, taan kangkasii um walé peraragésan wia si pa'opoen Artemis, si wangko' itii én zéi'mo siapa torona. Téntu kangkasii, ung kawangko'an ni pa'opoen wéwéné Artemis si pahongkotan péléng né tou wia Asia wo wia ung kaayahan é mazéi'.”