2 Korintus 2:7 - Taaz Weru Witu u Nunuwu'en Tombulu

⁷ In tarékan, ampunganola ang kasumalaanna wo enté'ela sia wo un aténa zéi'kan totoz rumara wo sia zéi'kan ikaléwo'.

2 Korintus 2:7 ပူးပေါင်းရင်းမြစ်များ

Efesus 4:32

Taan mahtututu'la i mahwangun a lé'os si esa im wia sé walina, mahraa-raatéan wo mahampu-ampungan tanu si Opo Empung niméhé ampungan mengiit um winangun ni Kristus.

Kolose 3:13

Ni kamu si esa im wia sé walina é maheze-ezenala, wo mahampu-ampungala sa wéwéhan si gimenang léwo' tumoro sé tou walina; tanu si Kristus Mahpiara é niméhémo ampung wia ni kamu, ni kamu kangkasii é mahwangunla tanu niitu.

2 Tesalonika 3:6

Katuari-katuari, pahaléien nai wia ni kamu witu ung ngaran ni Yesus Kristus Mahpiara, wo ni kamu zumou'mé im wia sé katuari esa pa'émanen sé soo maayang wo zéi'kan mahkiit an tutuzu' méipahtuzu' naimo wia ni kamu.

1 Tesalonika 4:13

Katuari-katuari, kapaaz nai ing kata'uan nioula tumoro kura sé tou nimatémo, wo un até niou zéi'kan rumara tanu sé tou walina sé zéi'kan siapa pahéré'an.

Filipi 2:27

Ni sia én ulit saki wo tawimo maté, taan si Opo Empung é rumaraaté ni sia. U raraatéan ni Opo Empung én zéi'kan uman wia ni sia taan kangkasii wia ni aku, wo un atéku zéi'kan tahlous rumara.

2 Korintus 7:10

Pahpaan u rumara un até mengiit um paaz ni Opo Empung nimangun si tou timula'u a singkéla' pahwangunenna, a sia ipiloté im witu un ukuman wana a singkéla'. U rumara un até tanu niitu én zéi'kan mangun mene'sel. Taan u rumara un até né tou zéi'kan mahkiit ung kapaaz ni Opo Empung, zéi'kan nimangun si tou itii in timula'u a singkéla' pahwangunenna, si tou itii én iwali witu um patéan makaz ing kauré-uré.

2 Korintus 5:4

I ni kita mahwitu-witupé' un awakta u masuat wo un ténda wia ung kaayahan kenu, ni kita é mahpa'os pahpaan am pengalinta ém wutez. Ni kita én zéi'kan mahgenangla i maté wo toro matampasan karia un awakta in tarékan, taan kapaazta ni kita ém werun wo wéhan ni Opo Empung un awak weru u menou-nou makaz ing kauré-uré.

1 Korintus 15:54

Niitumo, un awakta un toro maléwo' é mawalina makaz in zéi'mo maléwo', wo un awak toro maté é mawalina makaz in zéi'mo maté. Niitu un tumuzu'mé u méipantik witu um Pinantik Lenas é nimamualimo. Téntii u méipantik, “Si Opo Empung én ziméi'moma um patéan, kinala-Namoma um patéan.

2 Korintus 2:8

Pahpaano niitu, ni kamu é sésaangkuma wo ni kamu mapailekla in totoz rumaraaté ni sia.