2 Korintus 2:3 - Taaz Weru Witu u Nunuwu'en Tombulu

³ Pahpaano niitu, ni aku nimantik um pinantikku itii wo sa ni aku méyé sumaup wia ni kamu, un atéku én zéi'kan rumara i milekla ni kamu sé tou totoz mangun un atéku mahpaa-paaz. Un totoz kata'uangku, sa ni aku mahpaa-paaz, maan ni kamu péléng kasii é mahpaa-paaz.

2 Korintus 2:3 ပူးပေါင်းရင်းမြစ်များ

1 Korintus 4:21

Niitumo méléngla wisa ung kapaaz niou im wangunengku! Apa kapaaz niou sa aku méyé é mukum ni kamu, kaapa ni aku mapailek u raraatéangku wo ni kamu ém pahlé'o-lé'osengku uman?

2 Korintus 1:15

Pahpaan totoz kata'uangku, ni kai é nimaéndo pahloo-looz niou, niitumo ni aku gimenang i mangé wia ni kamu wo ni kamu makailek makazuamé ung kamang méitambér ni Opo Empung.

2 Korintus 1:23

Si Opo Empung si mata'u ang ginenangku, kata'uan-Na i ni aku én zéi'kan nimangé wia ni kamu witi Korintus, pahpaan kasooku ni aku i mangé é mangun un até niou rumara.

2 Korintus 12:11

Ni aku é nimalemouola pahpaan ni kamu sé nimangun ni aku nimaténtu. Un ulitna, ni aku si totoz loozen niou. Pahpaan zozo' wéwéhan sé mahkua ni aku in zéi'kan siapa torona, taan im wana am péléng, sé aatu towo itii én zéi'kan lumousé ni aku.

2 Korintus 12:21

Ni aku kasii é maindé', sa ni aku méyé sumaup, si Opo Empung mapaiza-izang ni aku witu u sinaru niou makaz un atéku i rumara. Pahpaan, im wia ni kamu é lakezpé' sé memangu-mangunpé' a singkéla' rengan im puuna wo zéi'kampé' timula'u a saparuni, a samek wo mahwangun ang kaizangnokané.

2 Korintus 13:10

Niitumo, ni aku i nimantik um pinantik kenu i nimazou'an karia niou, wo sa ni aku méyé in tumondong, ni aku én zéi'mo suméro' ni kamu karia ung kawasa méiwéhé ni Opo Empung wia ni aku. Ung kawasa itii méiwéhé i mahwawangun ni kamu, zéi'kan i luméwo' um pa'émanen niou.

2 Korintus 2:9

Ung kalakoan ni aku i nimantik um pinantik itii an iwéhé wia ni kamu é mahtata'u sa a méipahkuakuma wia ni kamu ém péléng pahwangunen niou kaapa zéi'kan.

2 Korintus 7:12

Niitumo, ni aku i nimantik um pinantik méiwéhé wia ni kamu, zéi'kan pahpaan si tou simala', kaapa si tou zézéha pahpaan a sinala' itii. Ni aku i nimantik um pinantik itii, ung kalakoana ni kamu én toro mata'ula i ni kamu én uli-ulit mahwéhé genang wia ni kai witu u sinaru ni Opo Empung.

2 Korintus 7:16

Ni aku é mahpaa-paaz, pahpaan ni kamu én toro pa'émanengku im wana am péléng.

2 Korintus 7:6

Taan si Opo Empung si mahenté' an até né tou sé kimana'mola i mengalé-ngaléi é nimenté' un até nai i si Titus niméyé.

2 Korintus 7:8

Niitumo, zozo' um pinantikku nimangunola un até niou i rumara, ni aku én zéi'kan mene'sel. Totoz ulit ni aku é mene'sel i nimantika um pinantik itii, pahpaan kata'uangku niitu é nimangunola un até niou rumara zozo' in zéi'kan uré.

2 Korintus 8:22

Karia ni Titus wo si katuari esa pa'émanen, méiatu nai kasii i mangé karia néra zua, si tou ma'éman walina si makapiramo wina'wa' nai, ni sia sekezé é mahsawang sé tou. In tarékan, totoz kapaazna i sumawang ni kamu pahpaan ni kamu én totoz pa'émanenna.

Galatia 5:10

Pahpaan ni kita nimaesamo karia ni Mahpiara, totoz kata'uangku i ni kamu én zéi'kan ikakiit an tutuzu' zéi'kan siapa kaulitan itii. Taan si tou, séi uman ni sia si nimangun ni kamu nimakayo' én ukumen ni Opo Empung.

2 Tesalonika 3:4

Totoz pa'émanen nai wia si Mahpiara un tumoro ni kamu, i ni kamu é mahwangun a méipahtuzu' nai wo zéi'kan mazéi' i mahwangun a méituzu' nai itii.

Filemon 1:21

Ni aku nimantik um pinantik kenu pahpaan totoz kata'uangku i ni ko é mangun um pahaléiengku. Totoz ing kata'uangku um wangunennu é lumouspé'mé niitu.