2 Korintus 13:8 - Taaz Weru Witu u Nunuwu'en Tombulu

⁸ Pahpaan ni kai én zéi'kan mata'u mahwangun u mahsaru an ulit taan ni kai é mahwangun uman an ulit.

2 Korintus 13:8 ပူးပေါင်းရင်းမြစ်များ

Markus 9:39

Taan kuan ni Yesus wia ni séra, “Ni kamu én tia' mahséro' ni sia! Pahpaan zéi'kan siapa si tou nimangun u makakompo'en karia u ngaran-Ku, wo in toro niitu kangkasii é mahwuwuul u ngaran-Ku.

1 Timutius 1:20

Im wia ni séra é si Himeneus wo si Aleksander. Ni séra zua é mémoiwéhékula wia si tonaas né sétang wo séra maseso'la i mahséro' wia si Opo Empung.

2 Korintus 13:10

Niitumo, ni aku i nimantik um pinantik kenu i nimazou'an karia niou, wo sa ni aku méyé in tumondong, ni aku én zéi'mo suméro' ni kamu karia ung kawasa méiwéhé ni Opo Empung wia ni aku. Ung kawasa itii méiwéhé i mahwawangun ni kamu, zéi'kan i luméwo' um pa'émanen niou.

2 Korintus 10:8

Ni aku én zéi'kan maizang zozo' ni aku tahlous mahlooz un touku, i mahkua ung kawasa méiwéhé ni Opo Empung wia ni kai. Pahpaan ni Sia i niméhé ung kawasa itii wia ni kai, zéi'kan i luméwo' um pa'émanen niou, taan i mahenté' um pa'émanen niou.

2 Korintus 13:7

Ni kai mengaléi wia si Opo Empung, wo ni kamu tia' mahwangun a léwo'an. Zéi'kan mapailek i ni kai én uli-ulit aatu ni Kristus, taan wo ni kamu mahwangun ang kapaaz ni Opo Empung, zozo' ni kai ém pahkuan né tou in zéi'kan uli-ulit aatu ni Kristus.

2 Korintus 13:9

Ni kai é mahpaa-paaz sa ni kamu enté' wo ni kai zéi'kan enté'. Ni kai mengaléi wia si Opo Empung wo um pa'émanen niou malekep.