2 Korintus 13:3 - Taaz Weru Witu u Nunuwu'en Tombulu

³ Pahpaan ni kamu mahaléi wia ni aku i mapailek un toro tumuzu'mé, sa um pahnuwu'engku ém wia si Kristus a méyé. Sa si Kristus mahpaayang wia ni kamu, ni Sia mahpaayang karia ung ketez wo ni Sia mapatuzu' ung kawasa-Na witu ung katou-touan niou.

2 Korintus 13:3 ပူးပေါင်းရင်းမြစ်များ

Matius 10:20

Pahpaan zéi'kan ni kamu sé manumuwu', taan si Roh ni Ama' niou si manumuwu' mengiité ni kamu.

Lukas 21:15

Pahpaan ni Aku in esa si mapata'u wia ni kamu a nunuwu'en mawuta-wuta karia ang katulapan in iwingkot niou, wo sé kakoro' niou zéi'kan makawingkot um pahkua niou kaapa sumaru ni kamu.

1 Korintus 7:40

Taan sa ikiit ung ginenangku, u mahpaa-paaz ni wéwéné mahesa-esamokan itii é lumouspé'mé sa sia zéi'kan kumawéng sumaup. Ni aku simésa téntu pahpaan ni aku éng kinawasa ni Roh ni Opo Empung.

2 Korintus 10:1

Ni aku Paulus, si pahkuan niou in zéi'kan wuaya sa nimasaruan karia niou, taan wuaya uman im wana am pinantikku sa nimazou'an karia niou. Ni aku mahaléi wia ni kamu witu u ngaran ni Yesus Kristus si roros até wo lé'os uman.

2 Korintus 10:4

Pahpaan an ipahkoro' nai i mahsaru sé kakoro' én zéi'kan wia ung kaayahan a méyé, taan an ipahkoro' nai ém wia si Opo Empung a méyé karia ung kawasa-Na, un toro kumemu an tampa totoz enté' winangun né kakoro'.

2 Korintus 12:12

Ni aku i memali-malipé' karia niou, ni aku mapailek wia ni kamu an tumuzu'mé i ni aku én uli-ulit aatu ni Yesus, ni aku én ezen zozo' im pahzézéhan. Wo ni aku é nimangun a makakompo'en, an zéi'kan kakuaan an tumuzu'mé ang kawasa ni Mahpiara.

2 Korintus 2:10

Pahpaan, sa ang kasumalaan ni tou én niampungan nioula, ni aku kangkasii é méhé un ampungan wana ang kasumalaan ni tou itii, sa uli-ulit im wéwéhan un totoz ampungangku wia si tou itii. Pahpaan ung kawangunan niou witu u sinaru ni Kristus, ni aku méhé un ampungan wana ang kasumalaanna.

2 Korintus 2:6

Wo wia si tou si nimangun un até niou rumara, sé lakez im wia ni kamu é nimukum ni sia, téntumo un ukuman wia ni sia.

2 Korintus 9:8

Si Opo Empung makawawa i méhé péléng ang kamang tatambér-Na wo sekezé péléng am pemandungen niou ém pakawutulen. Lumousé niitu, am wia ni kamu é malake-lakez i mangun a lé'os wia sé tou walina.