2 Korintus 13:2 - Taaz Weru Witu u Nunuwu'en Tombulu

² Pahpaan ing kazua ni aku i niméyéma wia ni kamu, niitu é mémoipapagenangkuma wia sé tou memua-muali a singkéla' wo wia péléng sé tou walina. In tarékan ni aku in zou'mé im wia ni kamu, ipapagenangkuma sumaup wia sé tou memua-muali a singkéla' wo wia péléng sé tou walina. Téntii un ikuakuma, i ni aku méyé sumaup ni séra én totoz ukumengku.

2 Korintus 13:2 ပူးပေါင်းရင်းမြစ်များ

1 Korintus 5:5

ni kamu én totoz méhéla si tou itii wia si tonaas né sétang, wo un awakna é maléwo'. Karia in téntu si rohna én ipiloté im witu un ukuman wana a singkéla', im witu un oras si Yesus Mahpiara i mawurimé sumaup.

2 Korintus 1:23

Si Opo Empung si mata'u ang ginenangku, kata'uan-Na i ni aku én zéi'kan nimangé wia ni kamu witi Korintus, pahpaan kasooku ni aku i mangé é mangun un até niou rumara.

2 Korintus 12:14

In tarékan éng katelumo ni aku nimimek i mangé wia ni kamu. Wo ni aku i mangé wia ni kamu én zéi'kan i maéndo pengalin im wia ni kamu, pahpaan zéi'kan u sangkum niou um penérongku taan um penérongku én tou niou. Pahpaan zéi'kan sé koki' sé totoz mahwuwutul am pemandungen né tu'a néra, taan sé tu'a sé totoz mahwuwutul am pemandungen né koki' néra.

2 Korintus 13:10

Niitumo, ni aku i nimantik um pinantik kenu i nimazou'an karia niou, wo sa ni aku méyé in tumondong, ni aku én zéi'mo suméro' ni kamu karia ung kawasa méiwéhé ni Opo Empung wia ni aku. Ung kawasa itii méiwéhé i mahwawangun ni kamu, zéi'kan i luméwo' um pa'émanen niou.