2 Korintus 1:9 - Taaz Weru Witu u Nunuwu'en Tombulu

⁹ Witu ung genang nai, ni kai én tanu tinotozo im wunu'en. Taan niitu nimamuali téntu, wo ni kai zéi'kan mahéré' uman witu un tou nai, taan mahéré' uman wia si Opo Empung si tumou sumaup sé tou nimatémo.

2 Korintus 1:9 ပူးပေါင်းရင်းမြစ်များ

Lukas 18:9

Wia sé tou mahgenangla un touna én ulit wo mahgenangla péléng sé tou walina ém wawa', si Yesus kimua un aandéan kenu,

Roma 8:36

Tanu u méipantik witu um Pinantik Lenas, “Pahpaan ni Ko, sekez in endo ni kai makalakez nimasaruan karia um patéan. Ni kai én tanumokan sé domba sé mamokerizen.”

2 Korintus 1:10

Ni Sia si nimilotomé wo mamilot ni kai im witu um patéan makaindé'en. Ni kai sekezé é mahéré' wia ni Sia i miloté ni kai kasii im witu u makaindé'en tanu niitu in tumondong.

2 Korintus 1:8

Katuari-katuari, kapaaz nai ing kata'uan nioula tumoro an zézéha nai im witi Asia. An zézéha pinendan naimé itii én totoz wutez, makaz ni kai mahgenangla in tawimo maté.

2 Korintus 3:5

Ni kai én zéi'kan toro kumua i ni kai é makawawa maayang niana mengesa-ngesa. Taan si Opo Empung si niméhé ung ketez wia ni kai makaz ni kai makawawa i maayang am paayangen itii.

2 Korintus 4:7

Ni kai é nimakaileko u sangkum um wia si Opo Empung a méyé. Taan ni kai én tanu uman un tampayang u liné'osan u sangkum totoz mahal u mengataraz umanla. Karia in téntu ikatuzu'mé sa ung kawasa zéi'kan kakuaan ém wia si Opo Empung a méyé, zéi'kan wia ni kai a méyé.

Ibrani 11:19

Pahpaan im witu ung genang ni Abraham i si Opo Empung ém wéwéhan kawasa in tumou sumaup sé tou nimatémo. Niitumo, si Ishak én tanu ing kinailekané sumaup ni Abraham im witu um patéan.