2 Korintus 1:3 - Taaz Weru Witu u Nunuwu'en Tombulu

³ Loozela si Opo Empung, si Ama' ni Yesus Kristus, si Mahpiarata. Si Ama' totoz rumaraaté ni kai wo sekezé é mahenté' un atéta péléng.

2 Korintus 1:3 ပူးပေါင်းရင်းမြစ်များ

Yohanes 10:30

Ni Aku wo si Ama'-Ku én esa.”

Yohanes 20:17

Ang kuan ni Yesus wia ni sia, “Tia' mahtion wia ni Aku, pahpaan ni Aku én zéi'kampé' nimenéka i mangé wia si Ama'. Taan mangémo wia sé katuari-Ku wo ikuala wia ni séra i ni Aku in tarékan é mangémo wia si Ama'-Ku wo Ama' niou, wia si Opo Empung-Ku wo Opo Empung niou.”

2 Korintus 11:31

Si Opo Empung, si Ama' ni Yesus, si Mahpiarata, kata'uan-Na ni aku én zéi'kan mahtowo. Pahloozela Sia makaz ing kauré-uré.

2 Korintus 7:6

Taan si Opo Empung si mahenté' an até né tou sé kimana'mola i mengalé-ngaléi é nimenté' un até nai i si Titus niméyé.

Efesus 1:17

Ni aku mahaléi wia si Opo Empung si Ama' ni Yesus Kristus Mahpiarata, si pahloozen wo pahsigi'en itii i méhémé wia ni kamu si Roh-Na, si nimangun ni kamu matulap wo si Roh si matumuzu' tumoro si Opo Empung, wo ni kamu karia in ulit mata'u tumoro ni Sia.

Efesus 1:3

Loozela si Opo Empung, si Ama' ni Yesus Kristus Mahpiarata si timambéré wia ni kita péléng ang kamang witi kasendukan mengiité si Roh Lenas pahpaan nimaesa karia ni Yesus Kristus.

Filipi 2:11

wo péléng sé tou é makaulit wo kumua, “Si Yesus Kristus é Mahpiara,” karia in téntu si Opo Empung si Ama' é maloozen wo masigi'en.

Kolose 1:3

Ni kai sekezé éng kumua u makasé wia si Opo Empung, si Ama' ni Yesus Kristus, si Mahpiarata, sekez ni kai i mengaléi tumoro ni kamu,

1 Petrus 1:3

Loozela si Opo Empung, si Ama' ni Yesus Kristus Mahpiarata. Pahpaan ung kawangko'an u raraatéan-Na makaz ni kita én toro nimakailek ung katou-touan weru mengiité si Yesus Kristus si méitoumé sumaup ni Opo Empung im wia sé nimaté. Niitu u mahenté' um pahéré'anta i menou-nou.

2 Yohanes 1:4

Ni aku én totoz mahpaa-paaz i nimilekla wéwéhan sé woopira im wia sé oki'mu menou-nou mahkiit an tutuzu' kaulitan tanu a méiperénta ni Ama'.

2 Yohanes 1:9

Si tou zéi'kan mahkiit an tutuzu' ni Kristus ang kumiitla an tutuzu' walina, ni sia én zéi'kan makaanu si Opo Empung. Séi si mahkiit an tutuzu' ni Kristus, ni sia é makaanu si Ama' wo si Oki'.