1 Yohanes 4:8 - Taaz Weru Witu u Nunuwu'en Tombulu

⁸ Séi si zéi'kan rumaraaté, ni sia én zéi'kan mata'u si Opo Empung, pahpaan si Opo Empung é rumaraaté.

1 Yohanes 4:8 ပူးပေါင်းရင်းမြစ်များ

2 Korintus 13:11

Ung kamurian, katuari-katuari, ni kamu mahpaa-paazla, mahtututu'la wo péléng am pemangu-mangunen niou malekep. Pahwéhanla genang péléng a méisésaku wia ni kamu. Ni kamu én esa genang wo péléng mahlé'o-lé'osan. Si Opo Empung si mahtambéré ung kamang wo ung kaluasan witu un até é menaté-natér ni kamu.

Efesus 2:4

Taan si Opo Empung én totoz lé'os uman taka-takazan niitu é méipapailek-Na karia in totoz rumaraaté ni kita.

Ibrani 12:29

Pahpaan si Opo Empungta én tanumokan un api mela'ung.

1 Yohanes 1:5

Ang kenumo a nuwu' tinalinga naimomé wia si Oki'-Na, wo ikua nai wia ni kamu: Si Opo Empung én ayah wo im wia ni Sia én totoz zéi'kan siapa karimbengbengan.

1 Yohanes 2:4

Séi si mahkua, “Ni aku é mata'u ni Sia”, taan zéi'kan mahkiit am perénta-Na, ni sia én tantowo wo im wia ni sia én zéi'kan siapa ang kaulitan.

1 Yohanes 2:9

Séi si mahkua i ni sia é menou-nou witu un ayah, taan si mazi'zis sé katuarina esa pa'émanen, ni sia é menou-nou witu ung karimbengbengan makaz in tarékan.

1 Yohanes 3:10

Ang kenumo an tumuzu'mé sé oki' ni Opo Empung wo sé oki' ni tonaas né sétang: Péléng sé tou sé zéi'kan mahwangun ung kaulitan wo kangkasii sé zéi'kan rumaraaté sé katuari néra esa pa'émanen, ni séra én zéi'kan oki' ni Opo Empung.

1 Yohanes 3:6

Niitumo, péléng sé tou menou-nou nimaesa karia ni Kristus, zéi'mo memua-muali a singkéla'. Sé tou memua-muali a singkéla' én zéi'kan mahilek-ilekla wo zéi'kan mahta'u-ta'ula ni Sia.

1 Yohanes 4:16

Ni kita é mata'umo wo ma'émano u raraatéan ni Opo Empung wia ni kita. Si Opo Empung é rumaraaté, wo séi si rumaraaté, ni sia é nimaesa karia ni Opo Empung wo si Opo Empung é nimaesa kariana.

1 Yohanes 4:7

Katuari-katuari ikararaatéku, méyémo kita mahraa-raatéan. Pahpaan u raraaté ém wia si Opo Empung a méyé. Si tou rumaraaté én oki' ni Opo Empung wo mata'u si Opo Empung.