1 Yohanes 2:12 - Taaz Weru Witu u Nunuwu'en Tombulu

¹² É kamu sé koki', ni aku é mantika ang kenu wia ni kamu, pahpaan a singkéla' niou é niampungano pahpaan u ngaran ni Yesus Kristus.

1 Yohanes 2:12 ပူးပေါင်းရင်းမြစ်များ

Lukas 24:47

Witu u ngaran-Na kangkasii um wowoka' tumoro un tumula'ula a singkéla' wo i si Opo Empung zuméi' a singkéla' én totoz maiwoka'la wia péléng sé tahsasana wanua, rengané witi Yerusalem.

Lukas 5:20

I si Yesus nimilekla um pa'émanen néra wia ni Sia, ang kuan-Na wia si tou itii, “É katuari, a singkéla'mu é niampungano.”

Kisah Rasul-rasul 10:43

Péléng sé nabi éng kimuamo tumoro ni Sia. Ni séra mahkua im péléng sé tou ma'éman wia ni Sia, a singkéla' néra én ampungan mengiité u ngaran-Na.”

Kisah Rasul-rasul 13:38

Niitumo katuari-katuari, kata'uan nioula im pahpaano ni Sia, ni kamu é nimakaileko um wowoka' tumoro un ampungan wana a singkéla' niou. Wo un ukum Torat én zéi'kan mata'u mangun ni kamu niéndo ulit.

Kisah Rasul-rasul 4:12

Akaz uman si Yesus si toro milot sé tou im witu un ukuman wana a singkéla', zéi'kan siapa ngaran walina. Pahpaan im wia ung kaayahan kenu, zéi'kan siapa ngaran walina si winéhan ni Opo Empung ung kawasa i milot sé tou im witu un ukuman wana a singkéla' néra.”

1 Korintus 6:11

Sé woopira im wia ni kamu im puuna é mahlé'os an téntu. Taan in tarékan ni kamu wineresimo im wana a singkéla' niou, ni kamu é linenas ni Opo Empung wo winangun-Na ni kamu ulit witu u sinaru-Na. Niana péléng ém winangun-Na pahpaan ni kamu nimaesamo karia ni Yesus Kristus si Mahpiara wo karia ung kawasa ni Roh ni Opo Empungta.

Efesus 1:7

Pahpaan mengiité si Yesus ni kita én tinubus im wana a singkéla' karia un zaha'-Na. Ni kita winéhan un ampungan im wana a singkéla' mengiit ung kamang méitambér-Na an totoz lakez.

Efesus 4:32

Taan mahtututu'la i mahwangun a lé'os si esa im wia sé walina, mahraa-raatéan wo mahampu-ampungan tanu si Opo Empung niméhé ampungan mengiit um winangun ni Kristus.

Kolose 1:14

Si Oki'-Na itiimo si timubus ni kita karia i niméhé un ampungan wana a singkéla'ta.

1 Yohanes 1:4

Péléng niia én ipantik naima wo iwéhéma wia ni kamu, wo u mahpaa-paaz nai én toro malekep.

1 Yohanes 1:7

Taan sa kita menou-nou witu un ayah tanu ni Sia ém witu un ayah, ni kita é nimaesa karia né tou walina, wo un zaha' ni Yesus, si Oki'-Na itii é meresi ni kita im wana a singkéla'ta.

1 Yohanes 1:9

Sa kita makaulitla a singkéla'ta wia si Opo Empung, ni Sia én zéi'kan maliuz wana an taaz-Na wo zéi'kan mahsanaweka, niitumo a singkéla'ta én ampungan-Na wo ni kita ém weresin im wana a léwo'an.

1 Yohanes 2:1

Ni kamu in oki'ku, ang kenu ém pinantikkuma wo méiwéhéma wia ni kamu, wo kamu zéi'kan mahwangun a singkéla'. Taan sa wéwéhan im wia ni kamu si mahwangun a singkéla', wéwéhan si makumelung ni kita im witu u sinaru ni Ama', ni Siamo si Yesus Kristus, si zéi'kan mahsanaweka.

1 Yohanes 2:21

Ni aku é mantika an iwéhé wia ni kamu, zéi'kan pahpaan ni kamu én zéi'kan mata'u ang kaulitan, taan pahpaan niitu éng kata'uan niouo wo kasii pahpaan kata'uan niouo in zéi'kan siapa an towo a mahondolé wana an tutuzu' kaulitan.

1 Yohanes 2:7

Katuari-katuari ikararaatéku, um pinantikku kenu én zéi'kan perénta weru im wia ni kamu taan perénta uré um wiamo ni kamu rengané ing kataré-taré. Um perénta uré kenu é Nuwu' tinalinga niouo.