1 Timutius 6:9 - Taaz Weru Witu u Nunuwu'en Tombulu

⁹ Taan sé tou paaz mawa'ilan, ni séra é méikauntepola witu um pema'waan, niéndo um wetes wo megena-genang uman a lelo léwo' un awak an zéi'kan siapa torona u maluméwo' ni sia. Am pelelo-lelo néra é mangun ni séra makemu wo ikaléwo'.

1 Timutius 6:9 ပူးပေါင်းရင်းမြစ်များ

Matius 13:22

Am watuna tatanemen méikagogo wana an zukut menulah é sé tou sé timalinga u Nuwu' itii, taan tahlous maarét ung katou-touan néra wo tawi mapahléla'en im wana a sangkum. Niitumo u Nuwu' ni Opo Empung é méisé'sé' umanla a lelo wo ang genang wana ang kawa'ilanan wia ung kaayahan taka-takazan zéi'kan nimua'mé.

Matius 19:22

Kaitalingamé u méikuamé itii, a mangé si tarétumou itii karia i rumara un até pahpaan ni sia én totoz wa'ilan.

Matius 26:15

Kuana, “Apa un iwéhé niou wia ni aku, wo Sia iayoku wia ni kamu?” A sia wéhan nérala un teluna pulu' zoit péra'.

Matius 6:19

Kuano kasii ni Yesus, “Tia' kamu mahréwok uman a sangkum niou wia ung kaayahan, pahpaan im wia ung kaayahan sé meniksik wo an ta'ingkéré' é luméwo' niana, téntu kangkasii sé maremu' én toro rumemu' niana.

Markus 4:19

a méyé um paharétan tumoro ung katou-touan néra wo an eenou towo ung kawa'ilanan wo ang kapaaz walina. Niitu u nimangun u Nuwu' ni Opo Empung zéi'kan siapa torona im wia ni séra, makaz u Nuwu' itii zéi'kan nimua' witu un até néra.

Lukas 12:21

Téntu u mamuali wia si tou si mahtututu' uman i mahréwok a sangkumna, taan zéi'kan mahtututu' i maéndo wa'ilan witu u sinaru ni Opo Empung.’ ”

Lukas 21:35

Pahpaan un endo itii i méyé én tanu um wetes wia péléng sé tou wia ung kaayahan.

Kisah Rasul-rasul 8:20

Taan kuan ni Petrus wia ni sia, “Ikaléwo'la ni ko wo an zoitmu itii. Pahgenangenula, ni ko én toro uman tumeles un tatambér ni Opo Empung karia an zoit.

Efesus 4:22

Niitumo, tumoro ung katou-touan niou im puuna, ni kamu é léwo'zéi' in tumula'u ung katou-touan im puuna itii. Ung katou-touan itii é nimangun uman ni kamu méikaléwo' pahpaan méilulu u lelo léwo' un awak,

1 Timutius 1:9

Pahpaan kata'uanta un ukum Torat itii én zéi'kan méiwéhé wia sé tou mahwangun an ulit, taan iwéhé wia sé tou mahsaru si Opo Empung wo sé soo mahtali-talinga ni Sia, sé soo mahkiit um paaz-Na wo sé mahsingkéla', sé zéi'kan siapa pa'émanen wo sé megena-genang uman am wia ung kaayahan, mahwunu' si ama' wo si ina' wo sé mahwunu' sé kasuat tou,

1 Timutius 3:7

U ngaranna é léwo'zéi' wangun im wia sé tou lakez. Pahpaan sa zéi'kan téntu ni sia é séro'an né tou a sia kumiitla un towo ni tonaas né sétang i mangun a singkéla'.

1 Timutius 6:10

Pahpaan u megena-genang uman an zoit, niitu u nimangun sé tou mahwangun péléng a léwo'an. Wo pahpaan i megena-genang uman an zoit, sé woopira tou én zéi'mo ma'éman wia si Yesus wo un até néra é rumara pahpaan in zézéha.

1 Timutius 6:17

Ipapagenangla wia sé tou wa'ilan wia ung kaayahan kenu in tia' loozan wo tia' mahéré' wana an zéi'kan mata'u éré'an tanu ung kawa'ilanan. Taan ni séra é mahéré'mola wia si Opo Empung wana ang kawa'ilanan-Na, si mahwéhémé péléng am péléng in toro kaipian.

2 Timutius 2:26

Karia in téntu, ni séra én toro mata'ula i ni séra é simingkéla'mola, pahpaan ni séra é mémoikapiloté im witu um wetes ni tonaas né sétang si nimapus ni séra karia um paazna.

Titus 2:12

Ni Sia é mahtuzu' ni kita wo kita zéi'mo menou-nou i mahsaru ni Sia wo zéi'mo mahkiit a lelo léwo' né tou wia ung kaayahan wo menou-nou karia in tulap, zéi'kan mahsanaweka wo mahkiit uman um paaz-Na im wia ung kaayahan in tarékan.

2 Petrus 2:3

Pahpaan ung kaangkuman né méster towo itii, ni séra é mahtututu' i menéro zoit lakez wia ni kamu karia i mahsirita a sirita winangun néra uman. Taan pahpaan am pahwangunen néra itii, un ukuman wia ni séra én urémo niimek wo un endo si Opo Empung i luméwo' ni séra én zéi'mo isoro'.

Yudas 1:11

Ikaléwo'la séra pahpaan ni séra éng kimiit um pinahmualimé ni Kain wo ni séra éng kimiit si Bileam si nimahlulumé sé tou pahpaan im pahwaéran. Ni séra kasii én ikaléwo' pahpaan mahsaru si Opo Empung tanu si Korah.