1 Timutius 6:5 - Taaz Weru Witu u Nunuwu'en Tombulu

⁵ mahsingku-singkutan zéi'kan siapa zéi'na, ung genang ni tou itii é nimakazo wo zéi'mo ulit. Ni sia mahgenangla i mawa'ilan pahpaan mahragés wia si Opo Empung.

1 Timutius 6:5 ပူးပေါင်းရင်းမြစ်များ

Matius 12:33

“Sa ung kai ém wangun, tantumo um wua'na kangkasii ém wangun. Taan sa ung kai én zéi'kan wangun, tantumo um wua'na kangkasii én zéi'kan wangun. Ung kai wangun kaapa zéi'kan én toro uman kata'uan witu um wua'na.

Matius 21:13

Ang kuan-Na wia ni séra, “Witu um Pinantik Lenas é méipantik in téntii, ‘Um Walé-Ku é mapahkuan walé pahpengaléian.’ Taan winangun niouola wuwunian né maremu'!”

Matius 23:13

Ang kuan kasii ni Yesus, “Ikaléwo'la ni kamu in tou tulap un Torat wo ni kamu i sana réwok tou Farisi, é kamu sé tou mahgau-gau lé'os. Pahpaan sé tou maéndo tou ni Opo Empung ém pahpoka-pokalan niou, un tanumokan i nimeneta um pepenet witi Kakolanoan ni Opo Empung. Ni kamu in esa é soo maéndo tou ni Opo Empung wo sé tou sé paaz maéndo tou ni Opo Empung ém pahapé-apé'an niou. [

1 Korintus 11:16

Taan sa wéwéhan tou paaz mahéndo-éndoan tumoro a méikuakuma itii, ni kai wo sé jamaat ni Opo Empung é nimanaramo i mahwangun niitu, zéi'kan siapa an tinotoz walina.

2 Tesalonika 3:6

Katuari-katuari, pahaléien nai wia ni kamu witu ung ngaran ni Yesus Kristus Mahpiara, wo ni kamu zumou'mé im wia sé katuari esa pa'émanen sé soo maayang wo zéi'kan mahkiit an tutuzu' méipahtuzu' naimo wia ni kamu.

1 Timutius 1:6

Taan wéwéhan sé tou sé zéi'mo mahwangun niana péléng wo méilulu um pahéndo-éndoan un zéi'kan siapa torona.

1 Timutius 3:3

zéi'kan matetewelen, zéi'kan uupi'en taan lé'os uman, paaz mahwangun sé tou malé'osan wo zéi'kan megena-genang uman an zoit.

1 Timutius 3:8

Téntu kangkasii sé diaken, ni séra é léwo'zéi' in tou lé'os sé pahsigi-sigi'en né tou, zéi'kan koliwiles, zéi'kan matetewelen, zéi'kan megena-genang uman an zoit,

1 Timutius 4:7

Tia'mo mahrété wia sé tou sé meninirita a sirita mahlululu uman wo zéi'kan siapa torona. Taan naramela un toumu i menou-nou mahragés wia si Opo Empung.

1 Timutius 4:8

I mahnanaram un awak wo enté' ém wéwéhan un torona taan toyo' uman. Taan i mahnanaram un tou i mahragés wia si Opo Empung ém wéwéhan torona im wana am péléng, pahpaan niitu é mahalimé ung kamang witu ung katou-touan in tarékan wo in tumondong.

1 Timutius 6:6

Un ulitna, sa si tou mahragés wia si Opo Empung karia i mahgenangla im péléng am wia ni sia én aweso, ung kinailekan ni tou itii én totoz lakez.

2 Timutius 3:5

Ni séra ém pahileken i mahragés wia si Opo Empung taan un ulitna ni séra é mahkélong ung kawasa ni Opo Empung itii. Ma'katla im wia sé tou itii!

2 Timutius 3:8

Tanu si Yanes wo si Yambres mahsaru si Musa im puuna, téntu kangkasii sé tou itii i mahsaru ung kaulitan. Am pakahgena-genang néra é léwo'mo wo um pa'émanen néra én zéi'mo ulit.

Titus 1:11

A sumah né tou tanu ni séra é léwo'zéi' im pekipenes, pahpaan lakez sé sana awu pahkayo'en néra karia an tutuzu' towo, makaz am pahkailekan néramé é lakez taan karia in zéi'kan wangun.

2 Petrus 2:15

Pahpaan ni séra én timula'umola u lalan kaulitan, ni séra é méikalulumo. Ni séra é mahkiit um pahmualin ni Bileam, oki' ni Beor, si paaz im pahwaéran i mahmuali a singkéla'.

2 Petrus 2:3

Pahpaan ung kaangkuman né méster towo itii, ni séra é mahtututu' i menéro zoit lakez wia ni kamu karia i mahsirita a sirita winangun néra uman. Taan pahpaan am pahwangunen néra itii, un ukuman wia ni séra én urémo niimek wo un endo si Opo Empung i luméwo' ni séra én zéi'mo isoro'.

Yudas 1:11

Ikaléwo'la séra pahpaan ni séra éng kimiit um pinahmualimé ni Kain wo ni séra éng kimiit si Bileam si nimahlulumé sé tou pahpaan im pahwaéran. Ni séra kasii én ikaléwo' pahpaan mahsaru si Opo Empung tanu si Korah.

Wahyu 18:13

ang kulit kai tombal wo am pahwangunen lana mahwou tariis kaapa balsem, a mahwou tariis, mur wo kamania, an anggor, a lana zaitun, an topong totoz wangun wo ang gandum, sé sapi, sé domba, sé kawalo wo a roda, sé ata wo un asengan ni tou.

Wahyu 18:3

Pahpaan péléng sé tahsasana wanua wia ung kaayahan ém winangunnamola mahsamek tanumokan in tewelen pahpaan nimelep un anggor méiwéhéna. Sé kolano wia ung kaayahan é nimahsamekola kariana. Wo sé tou mahwangké-wangkér wia ung kaayahan é nimawa'ilanola pahpaan sé tou witu um wanua tua'na itii én totoz lumelo in tumeles an ipahwangkér.”