1 Timutius 6:4 - Taaz Weru Witu u Nunuwu'en Tombulu

⁴ si tou itii é loozan, mahwangu-wangun i mata'u taan un ulitna ni sia én zéi'kan siapa kata'uan. U sakina ém paaz uman i mahzéi-zéi'an wo mahéndo-éndoan karia né tou walina, mahwangun sé tou in tuméutéu, mahwangun sé tou makahkoro', mahtawuruk, tahlous megenang léwo' tumoro sé tou walina,

1 Timutius 6:4 ပူးပေါင်းရင်းမြစ်များ

Kisah Rasul-rasul 15:2

Taan si Paulus wo si Barnabas én totoz mahsaru wo mahzéi' an ipahtuzu' néra itii. Ing kamurian an totozela né tou ma'éman si Paulus wo si Barnabas wo sé woopira tou im wia sé jamaat, in iatu mangé wia sé aatu ni Yesus wo wia sé penatua witi Yerusalem. Im wana ni séra é sumirita tumoro um pahzéi-zéi'an néra itii.

Kisah Rasul-rasul 18:15

Taan ang kenu, ni kamu é mahéndo-éndoan tumoro un ipahkua kaapa u ngaran kaapa un ukum um pa'émanen pahkiiten niou. Niitumo ni kamumo sé sumampetla um pahéndo-éndoan niou itii, ni aku é soo tumotoz am pahéndo-éndoan tanu niitu.”

Kisah Rasul-rasul 8:9

Im witi wanua tua'na itii ém wéwéhan si makangaran Simon. Ni sia én urémo i mahriara wo mahwangun sé tou Samaria i mengusi-ngusingsing wo ni sia mahwangu-wangun in tou ipahpuu-puuna.

Roma 12:16

Menou-noula i ma'esaan witu ung katou-touan niou. Tia' loozan, taan pasuatela un toumu karia né tou ipahwawa-wawa'. Tia' mahgenangla un toumu én tulapo.

Roma 13:13

Méyémo kita menou-nou karia im wangun tanu am pahwangunen né tou in endo. Tia' memésta-mésta uman wo mapahtetewelen, tia' mahsamek wo mahkiit uman a lelo léwo' un awak. Tia' mahéndo-éndoan wo mahtétéutéuan si esa wo si esa.

Roma 14:1

Sungkulela sé tou zéi'kan tahlous enté' um pa'émanenna wo tia' mahzéi-zéi'an karia néra.

Roma 2:8

Taan sé tou mahgenang uman un touna in esa wo zéi'kan mahkiit ung kaulitan taan mahkiit uman a léwo'an, ni séra én totoz ikaupi' ni Opo Empung.

1 Korintus 11:16

Taan sa wéwéhan tou paaz mahéndo-éndoan tumoro a méikuakuma itii, ni kai wo sé jamaat ni Opo Empung é nimanaramo i mahwangun niitu, zéi'kan siapa an tinotoz walina.

1 Korintus 11:18

Pahpaan ung kataré-taré tinalingakula, ni kamu in jamaat sa nimaréwok é mahéndo-éndoan makaz zéi'kan nimaesaan, wo a nimamuali itii wéwéhan am pa'émanengku.

1 Korintus 3:18

Tia' wo wéwéhan si tou mahtowo witu un touna in esa. Sa wéwéhan si tou mahkua un touna én tulap mengiit am wia ung kaayahan kenu, ni sia é maéndopé'la lemou wo taré sia toro uli-ulit matulap.

1 Korintus 3:3

Pahpaan ung katou-touan niou é mahkiit uman a lelo wia ung kaayahan, i ni kamu é mahtétéutéuan wo mahéndo-éndoan. Am pemangu-mangunen niou é mahkiitpé' a lelo wia ung kaayahan wo am pemangu-mangunen né tou zéi'kampé' ma'éman.

2 Korintus 11:20

Ni kamu én totoz ezen sa kamu: pahata-atan néra, kaapa pahkahatan an anu niou, kaapa pahkawasaan néra, kaapa pahloo-loozan néra un tou néra wo mahsepal ni kamu.

Galatia 5:15

Taan sa kamu mahkoro' wo mahsususaan un tanumokan i mahkikikian wo mahnenepnepan, mile-ilek én taa kamu mahwuwunu'ala!

Galatia 5:26

Tia' kita maloozan, wo tia' kita mahpapasu'an wo mahtétéutéuan.

Galatia 6:3

Pahpaan sa si tou mahgenangla i ni sia é lumousé sé tou walina, taan ndéén zéi'kan, ni sia é mahtowomo witu un touna in esa.

Filipi 1:15

Wéwéhan sé mahwoka' tumoro si Kristus pahpaan ni séra é mahtéutéu wo mahéndo-éndoan kariaku. Taan wéwéhan sé mahwoka' tumoro si Kristus ém wangun ung kalakoana.

Filipi 2:14

Pahpaayangela péléng am péléng karia in zéi'kan menembu-nembut wo mahéndo-éndoan.

Filipi 2:3

Tia' menéro-néro uman um pemandungen in esa kaapa menéro-néro a lolooz an zéi'kan siapa torona. Tawimo in irorosla un tou niou wo pahgenangela i sé tou walinapé' sé ipahpuu-puuna taan un tou in esa.

Kolose 2:18

Tia' ipahwaya niou ung kukulu makailekan niou in zéi'en umana né tou sé mahtowo-towo i meroros un tou néra wo mahongkot wia sé malaekat. Ni séra é mapahlolooz un tou néra im wana am pina'ilek néra un tanu im pahipi-ipin, zozo' niitu én zéi'kan uli-ulit téntu. Ni séra é mahlolooz un tou néra karia am pegena-genangen néra u mahkiit uman ung kapaaz ung kaayahan.

2 Tesalonika 2:4

Ni sia é masumaru si Opo Empung wo mahlooz un touna rumakékpé'mé sé pahsigi-sigi'en kaapa sé pahongko-ongkotan né tou in Opo Empung néra. Lumousé niitu, ni sia é marumumez witi untep um Walé ni Opo Empung wo mapakua witu u saru-sarun né tou i ni sia én Opo Empung.

1 Timutius 1:4

Ikua kasiila wia ni séra in tia'mo mahsirita a sirita zéi'kan ulit wo a sirita tumoro sé nimaopo an zéi'kan siapa akazna. A sirita itii é mahwangun uman am pahéndo-éndoan wo mahsaru uman ung ginenang ni Opo Empung i milot sé tou im witu un ukuman wana a singkéla', ung kinata'uanta mengiité um pa'émanenta wia si Kristus.

1 Timutius 1:7

Kapaaz néra maéndo tou tulap un Torat, taan ni sérakan én zéi'kan makatulap an ipahsirita néra wo an ipahkua néra am pahgenangen nérala in totoz ulit.

1 Timutius 3:6

Zéi'kan toro si tonaas né jamaat é si tou taré ma'émanla wia si Opo Empung, én taa sia mawera' a makailek un ukuman tanu u nimamuali wia si tonaas né sétang im puuna.

2 Timutius 2:14

Péléng a méikuakuma kenu én ipapagenangla wo totoz isésala wia ni séra witu u saru-sarun ni Opo Empung. Tia' séra mahzéi-zéi'an tumoro a nunuwu'en pahpaan niitu én zéi'kan siapa torona, taantaré makumayo' uman sé tou sé mahtalinga niitu.

2 Timutius 2:23

Tia' mahkii-kiit i mahzéi-zéi'an karia né tou lemou pahpaan ni séra én zéi'kan siapa kata'uan. Pahpaan kata'uannumo sa nianamo a mangun am pahkoro'an.

2 Timutius 3:4

Ni séra ém paaz mahayo sé kakaria wia sé kakoro', potot pakahgena-genang, mahwangu-wangun mata'u, mahkiit uman u lelo léwo' un awak in esa wo zéi'kan mahkiit um paaz ni Opo Empung.

Titus 3:9

Taan tia' mahkii-kiit i mahzéi-zéi'an wana an zéi'kan siapa torona, mahzéi-zéi'an tumoro sé nimaopo, mahéndo-éndoan wo mahkoro' tumoro un ukum Torat. Pahpaan niana péléng én zéi'kan siapa torona wo za'i-za'i pelando-landoian.

Yakobus 1:19

Katuari-katuari ikararaatéku, totoz wéhanla genang ang kenu: Péléng sé tou é léwo'zéi' rewek i mahtalinga taan tia' tahlous rewek i mahnuwu' wo tia' rewek maupi'.

2 Petrus 2:12

Taan sé méster towo itii é masuat wo sé binatang lemou sé méianaké én akaz uman in tionan wo wunu'en. Ni séra é mahséro' wana an zéi'kan kata'uan néra, niitumo ung kinawalian taka-takazan ni séra ém wunu'en tanu sé binatang meneza' tou,

2 Petrus 2:18

Pahpaan ni séra é menuwu-nuwu' am wera' wo an zéi'kan siapa torona. U lelo léwo' un awak ém pahpakén néra i mahenou sé tou taré ikapiloté im witu ung katou-touan né tou méikalulu.

Yudas 1:10

Taan ni séra é mahséro' uman wana péléng an zéi'kan kata'uan néra. Ni séra é mahkiit uman ang genang néra tanu sé binatang lemou. Nianamo a nimangun ni séra ikaléwo'.

Yudas 1:16

Sé tou itii é sé mengengu-ngengut wo mema'o-ma'os tumoro am pengalin néra, menou-nou mahkiit a lelo léwo' un awak néra. A sumah néra é mahkua ang kaweraan néra wo meloo-looz sé tou i mahlalakez am pahkailekan néra.

Wahyu 3:17

Pahpaan ni kamu é mahkua in téntii: Ni kai ém wa'ilan wo nimawa'ilano, niitumo péléng am pemandungen nai ém wutulo. Taan zéi'kan kata'uan niou i ni kamu én tou totoz zézéha, totoz makararaatén, zéi'kan siapa apa, letok wo timangkol.