1 Timutius 5:5 - Taaz Weru Witu u Nunuwu'en Tombulu

⁵ Si wéwéné mahesa-esamokan, si uli-ulit menou-nou mengesa-ngesamokan wo zéi'kan siapa koki' kaapa puyun, ni sia é niméré' uman wia si Opo Empung. Endo wo wengi ni sia é mengaléi wo mekisawang wia si Opo Empung.

1 Timutius 5:5 ပူးပေါင်းရင်းမြစ်များ

Lukas 18:1

A si Yesus kumua un aandéan in tumuzu' sé pahtuzu'en-Na, wo ni séra léwo'zéi' sekezé é mengaléi wo tia' maseso'.

Lukas 18:7

Si Opo Empung é sumawang um pahéndo-éndoan né tou-Na sé endo wo wengi én zéi'kan kumana' i mahtawah ni Sia. Wo ni Sia én zéi'kan mahuré-uré i sumawang ni séra.

Lukas 2:37

niitumo ni sia é mahesa-esamokan. Wo ung katou-touanna in tarékan ém waluna pulu' wo epatna ta'uno. Ni sia sekezé é mahragés wia si Opo Empung witi Walé ni Opo Empung. Endo wo wengi ni sia é mahpuasa wo sekezé é mengaléi.

Kisah Rasul-rasul 26:7

Sé mapulu' wo zua suzu ni Israel é mengento-ngento' un oras ni Opo Empung i mélumekep a méitaaz-Na itii. Wo karegas i ma'ento' a méitaaz itii, endo wo wengi ni séra én zéi'kan mazéi' i mahragés. O kolano Agripa, pahpaano um pahéré'an itii, sé tou Yahudi é mahtoké ni aku.

Kisah Rasul-rasul 6:1

In toro niitu, i sé tou ma'éman wia si Yesus éng kalakeznamo, a méhé sé tou Yahudi sé mahnuwu' karia u nunuwu'en Yunani mahpa'os sé tou Yahudi sé mahnuwu' karia u nunuwu'en Ibrani. Ni séra mahpa'os pahpaan sé wéwéné mahesa-esamokan im wia ni séra én zéi'kan pahwéhan genang i mahwéténg am pemandungen néra i mendo-endo.

Kisah Rasul-rasul 9:39

Timalingala niitu, a si Petrus rengan nimimekla a mangé karia néra witi Yope. I méikaayomoma wana, a sia ipahwali nérama witi welah atas. Péléng sé wéwéné mahesa-esamokan é marimété si Petrus. Karia i mahamé' ipapailek nérala wia ni sia péléng ang karai wo ang karai tonton am winilit ni Dorkas i ni sia memali-malipé' karia néra.

Kisah Rasul-rasul 9:41

Tionala ni Petrus u lengen ni Tabita a sawangannala sia i rimendaié. An tawahené ni Petrus sé tou ni Mahpiara wo sé wéwéné mahesa-esamokan, an ipapaileknala wia ni séra i si Tabita é nimatoumomé sumaup.

Roma 1:12

Ung kalakoana, sa ni aku mahwali-wali karia niou, ni kita én toro maheenté'an un até karia um pa'émanenta.

Roma 1:5

Mengiité ni Sia, ni aku nimakailek ung kamang tatambér i maéndo aatu ni Opo Empung wo ni aku toro mahkit sé tahsasana wanua wo séra ma'éman wo mahtali-talinga si Yesus Kristus.

1 Korintus 7:32

Ung kapaazku, ni kamu én zéi'kan siapa an ikaarét. Si tuama zéi'kan siapa mahayo, um pegena-genangenna um pahpaayangen wia si Mahpiara, pahpaan u lelona é mangun si Mahpiara i mahpaa-paaz.

1 Korintus 7:34

Pahpaano niitu am pegena-genangenna é nimawéténg. Si wéwéné zéi'kan siapa mahayo wo si raraha, ni séra én totoz uman megena-genang i mahpaayang wia si Mahpiara, makaz un awak wo si roh néra é méiwéhé uman wia si Mahpiara. Taan si wéwéné wéwéhan mahayo, um pegena-genangenna ém pemandungen wia ung kaayahan, pahpaan u lelona é mangun si mahayona i mahpaa-paaz.

Efesus 6:18

Wangunenola niana péléng karia i mengaléi wia si Opo Empung i sumawang ni kamu. Mengaléila karia ung kawasa ni Roh Lenas sekez in endo, tuméga-tégam wo tia' mahkana' i mengaléi. Tuméga-tégam i mengaléi wo tia'mo mazéi' i mahpengaléi sé tou linenas ni Opo Empung.

Filipi 4:6

Tia'mo tahlous maindé' tumoro am péléng. Taan im wana péléng am péléng, mengaléila wo ipapaayola péléng am pemandungen niou wo am pahaléien niou wia si Opo Empung karia i mahkua u makasé.

1 Timutius 2:1

Um puuna isésakuma én téntii: Ipapaayola um pengaléiennu wia si Opo Empung, mahaléila wia si Opo Empung tumoro am pemandungennu, ipengaléila sé tou walina wo kumuala u makasé wia si Opo Empung pahpaan um winangun-Na wia péléng sé tou.

1 Timutius 5:16

Sa wéwéhan si wéwéné ma'éman makakatuari sé wéwéné mahesa-esamokan, si wéwéné itii é léwo'zéi' i sumawang ni séra, wo ni séra zéi'kan maéndo pengalin wia sé jamaat. Karia in téntu sé jamaat én toro sumawang sé wéwéné mahesa-esamokan sé zéi'kan siapa koki' kaapa puyun.

1 Timutius 5:3

Pahsigi'ela sé wéwéné mahesa-esamokan sé uli-ulit menou-nou mengesa-ngesamokan.

2 Timutius 1:3

Ni aku éng kumua makasé wia si Opo Empung si pahpaayangangku karia ung genang weresi, tanu um pinahwanguné né nimaopoku. Sekez ni aku mengaléi in endo kaapa im wengi, ni ko ém pegena-genangengku.

1 Petrus 3:5

Pahpaan téntumo sé wéwéné mahsigi' si Opo Empung im puuna i mangun un tou néra ing kéndis. Ni séra én uli-ulit niméré' uman wia si Opo Empung wo si esa wo si esa mahtali-talinga wia si mahayona.