1 Timutius 5:21 - Taaz Weru Witu u Nunuwu'en Tombulu

²¹ Timotius, witu u saru-sarun ni Opo Empung wo ni Kristus Yesus karia né malaekat pinéléng-Na, uli-ulit pahaléiengkuma wia ni ko: totoz wéhanla genang an tutuzu' kaulitan a mémoituzu'ku wia ni ko karia in zéi'kan meméléng tou wo zéi'kan mahsanaweka.

1 Timutius 5:21 ပူးပေါင်းရင်းမြစ်များ

Matius 16:27

Pahpaan si Oki' ni Tou é méyé sumaup karia né malaekat-Na wo karia ung kawasa ni Ama'-Na. In toro niitu, ni Sia é maér wia si tou mengiit am pinahlé'osa ni esa wo ni esa.

Matius 25:41

Ang kuan-Na wia sé tou witu ung kawihi-Na, ‘Tumingkasa im witu u sinaru-Ku, é kamu sé tou tinoro un epa'! Muntepoma witu un api zéi'kan mahpaté u niimek in iwéhé wia si tonaas né sétang wo sé malaekatna.

Matius 28:20

wo tuzu'ela séra i mahwangun péléng a mémoiperénta-Ku wia ni kamu. Kata'uan nioula, ni Aku é menaté-natér ni kamu makaz ung kaakazan ung kaayahan.”

Lukas 20:21

Ni séra meligau wia ni Sia in téntii, “Méster, kata'uan nai a méikua wo méituzu'-Mu én ulit wo ni Ko én zéi'kan mahsanaweka wo ulit i mahtuzu' u lalan ni Opo Empung.

Lukas 9:26

Pahpaan séi uman si maizang makaulit i mahkii-kiit ni Aku wo an ipahkua-Ku, si Oki' ni Tou kangkasii é maizang i makaulit i si tou itii é mahkii-kiit ni Aku wo an ipahtuzu'-Ku, i ni Sia méyé sumaup karia ung kawasa-Na wo ung kawasa ni Ama'-Na wo né malaekat lenas.

2 Korintus 5:16

Niitumo, ni kai én zéi'kan mahukur si tou tanu um pakahukur in tou uman, sé lumelo uman am wia ung kaayahan, zozo' im puuna ni kai i mahukur si Kristus én tanu um pakahukur in tou.

1 Tesalonika 5:27

Totoz im pahaléiengku wia ni kamu karia ung kawasa ni Mahpiara, wo um pinantik kenu én ibacama wia péléng sé katuari esa pa'émanen.

1 Timutius 6:13

In tarékan witu u saru-sarun ni Opo Empung si mahwéhémé ung katou-touan wia péléng sé menou-nou wo witu u saru-sarun ni Kristus Yesus, si nimakaulitola ang kata'uan-Na tumoro ang kaulitan witu u sinaru ni Pontius Pilatus, pahaléiengku wia ni ko:

2 Timutius 2:14

Péléng a méikuakuma kenu én ipapagenangla wo totoz isésala wia ni séra witu u saru-sarun ni Opo Empung. Tia' séra mahzéi-zéi'an tumoro a nunuwu'en pahpaan niitu én zéi'kan siapa torona, taantaré makumayo' uman sé tou sé mahtalinga niitu.

2 Timutius 4:1

Si Kristus Yesus é méyé sumaup wia ung kaayahan in tumotoz ulit kaapa zéi'kan am pahwangunen né tou sé menou-noupé' wo sé nimatémo wo ni Sia éng kumawasa ing Kolano. Pahpaano niitu, totoz im pahaléiengkuma wia ni ko witu u sinaru ni Opo Empung wo ni Kristus Yesus:

Yakobus 3:17

Taan ang katulapan am wia si Opo Empung a méyé, ung kataré-taré un até ém weresi, tumondongla niitu ém paaz i mahlé'o-lé'osan, roros até wo mahkii-kiit uman, mawuta-wuta raraaté wo mahwua'mé am wangun, zéi'kan mahsanaweka wo zéi'kan mahgau-gau lé'os.

2 Petrus 2:4

Pahpaan sé malaekat mahsingkéla' én zéi'kan niampungan ni Opo Empung. Ni séra é méilombo'-Nama witi naraka am buin witu un tuleng makaz witu un endo ni séra in totozen im wana am pahwangunen néra.

Yudas 1:6

Sé malaekat kangkasii sé simala' i nimaké ung kawasa méiwéhé wia ni séra an tumula'umé um pahwéha-wéhan néra é niapus-Na karia un aapus un zéi'kan mahwuka-wukala makaz ing kauré-uré, witu ung karimbengbengan witi lalem ung kaayahan makaz witu un endo wangko', in totozen ulit kaapa zéi'kan am pinahwangun néramé.

Wahyu 14:10

én toron un upi' ni Opo Empung. Ni sia én zézéhan karia un api wo um walélang witu saru-sarun né malaekat lenas wo witu u saru-sarun ni Anak ni Domba, tanumokan ni séra nimelep un anggor pa'it zéi'kan sinembor u méitahu' in esa ni Opo Empung witu un eelepan.