1 Timutius 5:18 - Taaz Weru Witu u Nunuwu'en Tombulu

¹⁸ Pahpaan im witu um Pinantik Lenas é méipantik in téntii, “Tia'mo pahsokomen u sumah ni sapi si karegas mahpisi ang gandum.” Téntu kangkasii wéhan méipantik, “Si tou mahpaayang é léwo'zéi' i makailek wawaér.”

1 Timutius 5:18 ပူးပေါင်းရင်းမြစ်များ

Matius 10:10

Ni kamu kasii én tia'mo mahali tatahu'an am walun im wana am pahlampangan, tia'mo mahali karai sasawelen, selop kaapa teken. Pahpaan si tou mahpaayang ém wangun i makailek um wawaér.

Lukas 10:7

Sa kamu sungkulela ni makawalé, ni kamu é mento'mola witu um walé itii wo tia'mo mahééra wana am walé walina, wo kuman wo melepola apa uman un iwéhéla ni makawalé. Pahpaan si tou mahpaayang ém wangun i makailek um wawaér.

Roma 10:11

Pahpaan witu um Pinantik Lenas é méipantik in téntii, “Séi uman sé ma'éman ni Sia én zéi'kan papaiza-izang.”

Roma 11:2

Si Opo Empung én zéi'kan timia' sé tou Israel sé pinéléng-Namo rengané im puuna. Kata'uan niouo u méipantik witu um Pinantik Lenas tumoro si nabi Elia in ipahpa'osna sé tou Israel wia si Opo Empung karia mahkua in téntii,

Roma 4:3

Witu um Pinantik Lenas é méipantik in téntii, “Si Abraham é ma'éman si Opo Empung, niitumo ni sia é niéndo-Na ulit.”

Roma 9:17

Pahpaan witu um Pinantik Lenas, si Opo Empung éng kimua wia si Firaun, “Ni Aku é niméléng ni ko maéndo kolano i mapailek ung kawasa-Ku mengiité ni ko wo u ngaran-Ku é loozen né wia ung kaayahan.”

1 Korintus 9:14

Téntu kangkasii an tinotoz ni Opo Empung, sé tou mahwoka' u Nuwu' Lé'os tumoro si Kristus, am pemandungen néra é léwo'zéi' im pahkailekan néramé i mahwoka' u Nuwu' Lé'os itii.

Galatia 3:8

Rengan im puuna toro kata'uanta witu um Pinantik Lenas i si Opo Empung éng gimenang i mangun sé tou zéi'kan Yahudi in éndon-Na ulit pahpaan um pa'émanen néra wia ni Sia. Si Opo Empung é nimapata'umo u Nuwu' Lé'os tumoro si Yesus Kristus wia si Abraham, kuan-Na, “Mengiité ni ko, péléng sé tou wia ung kaayahan éng kamangen.”

Yakobus 4:5

Tia' kamu mahgenangla a méipantik witu um Pinantik Lenas én zéi'kan siapa ung kalakoana ing kimua in téntii, “Si roh si méiwéhémé ni Opo Empung wia ni kita én téiz wia ni kita sa zéi'kan mahtali-talinga wia ni Sia!”