1 Timutius 5:13 - Taaz Weru Witu u Nunuwu'en Tombulu

¹³ Wo kasii pahpaan séra i menero-neroi uman wana am walé né tou, ni séra nimangun un tou néra i soo kumura. Zéi'kan uman i soo kumura, taan ni séra kasii é mahtawuruk a ngaran né tou walina, menembo-nembor am pahpaayangen né tou walina wo kasii mahnuwu' an zéi'kan wangun i nuwu'en.

1 Timutius 5:13 ပူးပေါင်းရင်းမြစ်များ

Lukas 10:7

Sa kamu sungkulela ni makawalé, ni kamu é mento'mola witu um walé itii wo tia'mo mahééra wana am walé walina, wo kuman wo melepola apa uman un iwéhéla ni makawalé. Pahpaan si tou mahpaayang ém wangun i makailek um wawaér.

Kisah Rasul-rasul 20:20

Taan zozo'pé' in téntu, ni aku én zéi'kan maliuz i mahkua am wéwéhan torona wia ni kamu. Péléng am péléng é méiwoka'kumo wo méituzu'kumo wia ni kamu, niitu im witu u sinaru né tou lakez kaapa wana am walé i nimaréwok.

Kisah Rasul-rasul 20:30

Lumousé niitu, im wia ni kamu ém wéwéhan sé woopira tou sé mahtuzu' an tutuzu' zéi'kan ulit. Ni séra é mahtututu' i mahlululu sé tou ma'émano ing kumiit ni séra.

1 Timutius 5:12

Ni séra én ukumen ni Opo Empung pahpaan ni séra én zéi'mo mahkiit un taaz néra i maayang uman wia si Kristus.

Titus 1:11

A sumah né tou tanu ni séra é léwo'zéi' im pekipenes, pahpaan lakez sé sana awu pahkayo'en néra karia an tutuzu' towo, makaz am pahkailekan néramé é lakez taan karia in zéi'kan wangun.

Yakobus 3:10

Im witu u sumah esa é mahondolé a lolooz wo an epa'. Katuari-katuariku, ang kenu én zéi'kan toro mamuali wia ni kita.

1 Petrus 4:15

Tia' im wia ni kamu ém wéwéhan sé totoz nimazézéha pahpaan i nimunu'la tou kaapa rimemu' kaapa tou léwo' kaapa paaz i mahrikoka' sé tou.

3 Yohanes 1:10

Pahpaan niitumo, sa aku mangé wana, pahaléiengku, péléng am pinahwangunnama ém pahwéhanla genang. Pahpaan an ipahkuana én zéi'kan ulit wo wayaan uman ung kanuwu'an tumoro ni kai. Ni sia én zéi'kan uman soo mahsungkul sé katuari esa pa'émanen sé mahéyé, taan pahséro'enna kasii sé jamaat mahsungkul ni séra, wo sa wéwéhan sé jamaat mahsungkul sé katuari esa pa'émanen sé mahéyé, sé simungkula itii én ipahondolnamé im wia sé jamaat.