1 Timutius 5:11 - Taaz Weru Witu u Nunuwu'en Tombulu

¹¹ Taan sé wéwéné mahesa-esamokan zéi'kampé' tahlous tu'a, tia'pé' ipahrékén i makailek a sasawang. Pahpaan sa mawiamé u lelo néra wia sé tuama, ni séra én tumula'u si Kristus wo paazo kawéngen sumaup.

1 Timutius 5:11 ပူးပေါင်းရင်းမြစ်များ

1 Timutius 4:3

Ni séra é mahséro' sé tou in zéi'kan toro kumawéng, wo wéwéhan kasii ang kakanen sinéro' néra im pahkanen. Taan un ulitna péléng ang kakanen ém winangunomé ni Opo Empung in toro kanen. Sa sé tou ma'éman wia si Yesus wo mata'umo an tutuzu' ulit ni Opo Empung kuman niitu, un ipahpuu-puuna éng kumuapé'la u makasé wia si Opo Empung taré séra kuman ang kakanen itii.

1 Timutius 5:12

Ni séra én ukumen ni Opo Empung pahpaan ni séra én zéi'mo mahkiit un taaz néra i maayang uman wia si Kristus.

1 Timutius 5:14

Niitumo sé wéwéné mahesa-esamokan sé zéi'kampé' tahlous tu'a, kapaazku ni séra éng kumawéngla sumaup. Sa séra kumawéngla sumaup, ni séra én toro makaileké koki' wo mahtu'tul sé sana awuna. Karia in téntu, sé kakoro'ta én zéi'kan mata'u mahtawuruk u ngaranta.

1 Timutius 5:9

Sé wéwéné mahesa-esamokan sé méikarékén wangun i makailek a sasawang né jamaat é: sé zéi'kan mawa'mé witu un enemna pulu' ta'un, makasa uman kimawéng.

Yakobus 5:5

Ni kamu im wia ung kaayahan kenu é menou-nou wana ang kawa'ilanan wo mahkiit uman am paaz niou. Ni kamu é nimahwuwutulola ang kapaaz an até niou, tanu si tatamun i mapahrerembuz un touna i makerizen witu un endo ing kumeriz.

2 Petrus 2:18

Pahpaan ni séra é menuwu-nuwu' am wera' wo an zéi'kan siapa torona. U lelo léwo' un awak ém pahpakén néra i mahenou sé tou taré ikapiloté im witu ung katou-touan né tou méikalulu.

Wahyu 18:3

Pahpaan péléng sé tahsasana wanua wia ung kaayahan ém winangunnamola mahsamek tanumokan in tewelen pahpaan nimelep un anggor méiwéhéna. Sé kolano wia ung kaayahan é nimahsamekola kariana. Wo sé tou mahwangké-wangkér wia ung kaayahan é nimawa'ilanola pahpaan sé tou witu um wanua tua'na itii én totoz lumelo in tumeles an ipahwangkér.”

Wahyu 18:7

Kalakez ang kaloozan wo ang kawa'ilanan pinahpé'ananamé, téntu kangkasii ung kalakez an zézéha wo a merara un até iwéhé nioula wia ni sia. Pahpaan witu un aténa, ni sia sekezé é mahkua in téntii, ‘Ni aku éng kolano wéwéné si rimumez witu u rurumezangku ing kolano! Ni aku én zéi'kan wéwéné mahesa-esamokan, wo un atéku én zéi'kan mahpenda-pendanla u rumara pahpaan im pinatéana ni mahayo.’

Wahyu 18:9

Sé kolano wia ung kaayahan sé nimahsamekola wo sé nimawa'ilanola pahpaan um wanua tua'na itii é mamé' wo mamé' karia i mahkérét i mileka an teremuz um wanua tua'na itii im pahla'ungen.