1 Timutius 4:5 - Taaz Weru Witu u Nunuwu'en Tombulu

⁵ Pahpaan péléng niana ém wineresi karia u Nuwu' ni Opo Empung wo karia am pengaléien.

1 Timutius 4:5 ပူးပေါင်းရင်းမြစ်များ

Lukas 11:41

Pahpaano niitu, am witu um pengengelepan wo am witu ung kakanan niou én iwéhéla wia sé tou zéi'kan siapa apa. Wéhanla wana an anu niou sé tou zéi'kan siapa apa. Niitumo u mangun un tou wo un até niou uli-ulit weresi.

Lukas 4:4

A mingkotla si Yesus wia ni sia, “Witu um Pinantik Lenas méipantik in téntii: Si tou i menou-nou én zéi'kan uman pahpaan u roti.”

1 Korintus 7:14

Pahpaan si tuama zéi'kampé' ma'éman én toro malenas ing kimawéngla karia ni mahayona si ma'émano, tentu kangkasii si wéwéné zéi'kampé' ma'éman toro malenas ing kimawéngla karia ni mahayona si ma'émano. Sa zéi'kan téntu, sé koki' néra én zéi'kan malenas, taan in tarékan sé koki' itii é nimalenaso.

1 Timutius 4:3

Ni séra é mahséro' sé tou in zéi'kan toro kumawéng, wo wéwéhan kasii ang kakanen sinéro' néra im pahkanen. Taan un ulitna péléng ang kakanen ém winangunomé ni Opo Empung in toro kanen. Sa sé tou ma'éman wia si Yesus wo mata'umo an tutuzu' ulit ni Opo Empung kuman niitu, un ipahpuu-puuna éng kumuapé'la u makasé wia si Opo Empung taré séra kuman ang kakanen itii.

Titus 1:15

Wia sé tou ung katou-touan néra ém weresi, péléng am wia ni sia ém weresi, taan wia sé tou makati'tiren wo sé tou zéi'kan ma'éman, zéi'kan siapa zozo' in esa um weresi. Pahpaan ung genang wo un até néra é makazi'zisen.

Ibrani 11:3

Pahpaan i ma'éman, ni kita é makatulap ung kaayahan ém winangun mengiité u Nuwu' ni Opo Empung. Niitumo, péléng am pahilekenta ém winanguné im wana an zéi'kan kailekan.