1 Timutius 4:14 - Taaz Weru Witu u Nunuwu'en Tombulu

¹⁴ Tia' kaliu-liuzannu i maké an tatambér méiwéhémo ni Roh Lenas wia ni ko mengiité u méikua ni Opo Empung wia sé penatua, i ni séra zimeta'ma a lengen néra wia ni ko.

1 Timutius 4:14 ပူးပေါင်းရင်းမြစ်များ

Kisah Rasul-rasul 11:30

Am pakaréwoken nérala a sasawang, an totozen nérala si Barnabas wo si Saulus i mahali niana wia sé penatua witi tana' Yudea.

Kisah Rasul-rasul 13:3

Kumawusa ni séra i mahpuasa wo mahmengaléi, séra zumeta'la u lengen wia ni séra zua, a séra zua iatu nérama i mangé.

Kisah Rasul-rasul 19:6

I si Paulus zimeta'la u lengenna witu un atas néra, an tumumpamé si Roh Lenas wia ni séra. A séra rengan i mahnuwu' karia a nunuwu'en a méiwéhémé ni Roh Lenas wo kasii mahkua a méikuamé ni Opo Empung.

Kisah Rasul-rasul 22:5

Si Walian Wangko' wo sé Mahkamah Agama kasii én toro kumuamé, sa péléng an ipahkuaku én ulit. Wo ni séra kasii sé niméhémé um pinantik u niméhé ung kawasa wia ni aku im pahalin wia sé tou Yahudi witi Damsyik. Um pinantik itiimo u nimangun ni aku in toro tumion sé tou sé mahkiit an tutuzu' ni Yesus Mahpiara witi Damsyik a mahwali ni séra witi Yerusalem i maukumen.

Kisah Rasul-rasul 6:6

Sé pitu tou itii é méisaru nérala wia sé aatu ni Yesus. A sé aatu itii zumeta'la u lengen néra witu um wawo né pitu tou itii a mengaléi wia si Opo Empung.

Kisah Rasul-rasul 8:17

Tumondong niitu, si Petrus wo si Yohanes é zimeta'la a lengen néra wia sé tou Samaria itii a séra makailekla si Roh Lenas.

1 Tesalonika 5:19

Tia' pahapé-apé'an niou um pahpaayangen ni Roh ni Opo Empung.

1 Timutius 1:18

Oki'ku Timotius! Um paayangen kenu é méiwéhéku wia ni ko mengiité u méikua ni Opo Empung wia sé jamaat. Wo u méikuamé ni Opo Empung itii é mangun ni ko maenté' i maayang am paayangen wangun karia um pa'émanen wia si Yesus wo ung genang weresi.

1 Timutius 4:15

Wéhanla genang niana péléng, péléng am paayangen itii ém pa'ulitela im pahpaayangen wo um pa'émanennu ung kaenté'na ém pahilekené né tou.

1 Timutius 5:17

Sé penatua sé uli-ulit mahpaayang am papaayangen néra é léwo'zéi' makailek u sisigi'an u makazuamé, lumouspé' kasiimé é sé siga' i mahwoka' u Nuwu' ni Opo Empung wo i mahtuzu' sé jamaat.

1 Timutius 5:19

Tia' pahtalinganu am pahtoké wia si penatua. Taan sa wéwéhan zua kaapa telu tou nimilek wo mahkuamé a niilek néra tumoro am pahtoké itii, taré toro talinganu u méitoké itii.

1 Timutius 5:22

Tia'mo tahlous rewek ko i zumeta' u lengen wia si tou i méhé wia ni sia um papaayangen i maayang wia si Opo Empung wo tia' ni ko ikarékén wana a singkéla' ni tou itii. Pahwéhanla genang un toumu, wo zéi'kan maéndo séséro'an né tou.

1 Timutius 6:12

Mahtututu'la i menou-nou in tou ma'éman wia si Yesus wo makailek ung katou-touan makaz ing kauré-uré, tanumokan si tou mahlolowaan i makailek ung kukulu. Pahpaano niitu ni ko tinawah ni Opo Empung wo ko nimakaulitola witu u saru-sarun né tou lakez i ni ko é ma'éman si Yesus.

2 Timutius 1:6

Pahpaano niitu, ni aku é mapagenanga wia ni ko im wuaya-wuayan un tatambér ni Opo Empung um wiamo ni ko, ung kinailekannu i ni aku zimeta'la u lengenku wia ni ko.