1 Timutius 3:8 - Taaz Weru Witu u Nunuwu'en Tombulu

⁸ Téntu kangkasii sé diaken, ni séra é léwo'zéi' in tou lé'os sé pahsigi-sigi'en né tou, zéi'kan koliwiles, zéi'kan matetewelen, zéi'kan megena-genang uman an zoit,

1 Timutius 3:8 ပူးပေါင်းရင်းမြစ်များ

Roma 3:13

Pahpaan a nunuwu'en néra é mawuta-wuta a sasalou wo ang kaizangnokané, tanu um wou wuul u nimondolé witu u lelewengan i nimawukama, an ipahkua néra é mawuta-wuta an towo, an ipahkua néra é mawuta-wuta a léwo'an tanumokan u melangu né ulé'.

Filipi 1:1

Um pinantik kenu ém wia ni aku Paulus wo si Timotius a mangé. Ni kai én ata ni Kristus Yesus. Um pinantik kenu én iwéhé wia sé tou linenas ni Opo Empung pahpaan nimaesa karia ni Kristus Yesus sé witi Filipi wo wia sé tonaas né jamaat wo wia sé diaken.

1 Timutius 3:12

Sé diaken kangkasii é léwo'zéi' makamahayo uman si esa, mata'u mahime-imek sé oki'na wo sé sana awuna karia im wangun.

1 Timutius 3:2

Niitumo, si tonaas né jamaat é léwo'zéi' in téntii: zéi'kan penuwu-nuwu'en né tou, makamahayo uman si esa, mata'u mahime-imek un touna, tulap, mahsigi' sé tou, paaz mahsungkul sé tou méyéma witi waléna, tulap i mahtuzu' sé tou,

1 Timutius 3:3

zéi'kan matetewelen, zéi'kan uupi'en taan lé'os uman, paaz mahwangun sé tou malé'osan wo zéi'kan megena-genang uman an zoit.

1 Timutius 5:23

Tia' ko mengele-ngelep uman un zano, taan mahelepla anggor zozo' in toyo' uman. Pahpaan um pootmu ém wéwéhan u rumara wo un toumu sekezé é saki.

Titus 1:7

Si tonaas né jamaat é mahimek um walé ni Opo Empung, niitumo ni sia é léwo'zéi' in zéi'kan siapa pahséro'an, zéi'kan wera', zéi'kan raranguan, zéi'kan matetewelen, zéi'kan tangkoro'en wo zéi'kan uman megena-genang an zoit,

Titus 2:3

Téntu kangkasii sé wéwéné tu'amo, ni séra é léwo'zéi' i menou-nou mahkiit ung kapaaz ni Opo Empung, zéi'kan toro mahtawuruk sé tou walina wo zéi'kan toro mahelep a menewelen. Taantaré ni séra é léwo'zéi' i mahtuzu' am wangun,

Yakobus 3:10

Im witu u sumah esa é mahondolé a lolooz wo an epa'. Katuari-katuariku, ang kenu én zéi'kan toro mamuali wia ni kita.

1 Petrus 5:2

Piarala sé domba ni Opo Empung sé wia ni kamu. Tia' karia in totoz pahlusun, taan karia u mahpaa-paaz tanu ung kapaaz ni Opo Empung. Tia' menéro-néro uman ang kauntungan, taan iwéhéla un tou niou in uli-ulit mahsawang.