1 Timutius 2:4 - Taaz Weru Witu u Nunuwu'en Tombulu

⁴ Kapaaz-Na péléng sé tou én ipilot im witu un ukuman itii wo mata'u an tutuzu' ulit.

1 Timutius 2:4 ပူးပေါင်းရင်းမြစ်များ

Matius 28:19

Niitumo, mangémo wangunela péléng sé tahsasana wanua maéndo pahtuzu'eng-Ku wo saranila séra karia u ngaran ni Ama', ni Oki' wo ni Roh Lenas,

Markus 16:15

Ang kuan-Na wia ni séra, “Mangémo wia péléng ung kaayahan, wo iwoka'la u Nuwu' Lé'os ni Opo Empung wia péléng sé tou.

Lukas 1:77

i mapata'u wia sé tou-Na, i ni séra én ipilot im witu un ukuman wana a singkéla' néra, sa si Opo Empung niméhémo un ampungan wana a singkéla' néra,

Lukas 14:23

Ang kuan ni tuang itii wia si atana, ‘Mangé wana a lalan tua'na wo wana a lalan muri witi wanua tua'na, pengimbaliané sé tou witu i méyé, wo um waléku é mawuta né tou.’

Lukas 24:47

Witu u ngaran-Na kangkasii um wowoka' tumoro un tumula'ula a singkéla' wo i si Opo Empung zuméi' a singkéla' én totoz maiwoka'la wia péléng sé tahsasana wanua, rengané witi Yerusalem.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Yohanes 17:17

Lenasela séra wia si Ama' mengiité ung kaulitan pahpaan u nuwu' ni Ama' itiimo ung kaulitan.

Yohanes 6:37

Péléng sé tou méiwéhé ni Ama' wia ni Aku é méyé wia ni Aku wo péléng sé méyé wia ni Aku, sé tou itii é sungkuleng-Ku.

Roma 11:14

Ni aku é mahéré'la sa am pahpaayangengku kenu én toro mangun sé kawanuaku in tuméutéu sé tahsasana wanua walina in ipilot witu un ukuman wana a singkéla', wo karia in téntu sé woopira im wia ni séra én toro sawangangku in ipiloté witu un ukuman wana a singkéla'.

1 Timutius 4:10

Pahpaano niitu ni kita mahtututu' wo ma'ulit i mahpaayang, pahpaan ni kita niméré' uman wia si Opo Empung si Menou-nou, si nimilot péléng sé tou im witu un ukuman wana a singkéla', sé pahpuu-puuna é sé tou ma'éman wia ni Sia.

2 Timutius 2:25

Ni sia én totoz eluz uman i mahsésa wia sé tou tampezéi', pahpaan si Mahpiara ém woo méhé un oras wia ni séra, wo séra tumula'u a singkéla' néra wo mangun ni séra mata'u ung kaulitan.

2 Timutius 3:7

Sé wéwéné itii sekezé é mekituzu', taan ni séra én zéi'kan kawisa wo makatulap wisa un tutuzu' ulit.

Titus 1:1

Um pinantik kenu ém wia ni aku Paulus a mangé, ata ni Opo Empung wo aatu ni Yesus Kristus. Ni aku é méiatu in tumuzu' sé tou pinéléng ni Opo Empung wo um pa'émanen néra é maenté', wo kasii séra toro mata'u tumoro an tutuzu' ulit am pengingilekenta im wana am peraragésanta wia si Opo Empung.

Titus 2:11

Pahpaan si Opo Empung é nimapailekoma ung kamang méitambér-Na i nimilot péléng sé tou im witu un ukuman wana a singkéla'.

Ibrani 10:26

Pahpaan sa kita mata'umo an ulit tumoro si Yesus Kristus taan ni kita mahtututu'pé' i memua-muali a singkéla', zéi'mo siapa un iragés in zuméi' a siningkéla'ta itii.

Yakobus 3:14

Taan sa kamu téutéu wo akaz uman mahgenang un tou niou in esa, tia' kamu mahwera-wera' un tou niou, wo tia' mahtowo i mahsaru ang kaulitan.

2 Petrus 3:9

Si Mahpiara én zéi'kan mahuré-uré i mangun a méitaaz-Na, zozo' im wéwéhan sé tou mahkua ni Sia én tahlous uré. Taan ni Sia én ezen im wia ni kamu, pahpaan kasoo-Na zozo' in esa wéwéhan sé tou maikaléwo'. Kapaaz-Na péléng sé tou én tumula'ula a singkéla' wo mawuri sumaup i mahlé'os ang kapaaz-Na.

2 Yohanes 1:1

Um pinantik kenu ém wia ni aku, si penatua wo iwéhé wia sé totoz ikararaatéku, si ina' pinéléng ni Opo Empung wo wia sé oki'na. Zéi'kan uman ni aku si rumaraaté ni kamu, taan maan péléng sé tou sé mata'umo an tutuzu' kaulitan,

Wahyu 14:6

An ilekengkuma si malaekat walina menéwé-néwél witi langit. Ni sia é nimahalimé u Nuwu' Lé'os tumoro si Yesus u makaz ing kauré-uré. U Nuwu' Lé'os itii én iwoka' wia sé tou mahento' wia ung kaayahan wo wia sé tahsasana wanua wo wia sé tahsasana suzu wo wia sé tahsasana nunuwu'en wo wia sé tahsasana réwok mahtuari.