1 Tesalonika 5:3 - Taaz Weru Witu u Nunuwu'en Tombulu

³ Wéwéhan un orasna sé tou ing kumua in téntii, ‘Ung katou-touanta én ena' wo zéi'kan siapa ikaindé'.’ Taan kumompo'mé ni séra é mendan u meléwo' tanumokan si wéwéné mahawa-awak, si kumompo'mé é mahpendano u rumara in tumoumo si oki'na. Zozo' in esa zéi'kan siapa si tinalez.

1 Tesalonika 5:3 ပူးပေါင်းရင်းမြစ်များ

Matius 23:33

É kamu sé tou totoz léwo' sé tanumokan suzu né ulé' melangu! Kura kamu mapapilot un tou niou im witu un ukuman witi naraka?

Yohanes 16:21

Si wéwéné é mahpendan u rumara karegas sia i mahtoumé si oki'na, taan i mémoitoumé si oki'na, ni sia én zéi'mo mahgenang u rumarana pahpaan u mahpaa-paaz in timoumomé si oki'na wia ung kaayahan kenu.

Kisah Rasul-rasul 13:41

‘Méhéla genang é kamu in tou meroros sé tou walina. Ni kamu én ikanganga wo maté. Pahpaan oras in tarékan ni Aku é mahpaayang um paayangen zéi'kan pa'émanen niou, zozo' niitu isiritama né tou wia ni kamu.’ ”

2 Tesalonika 1:9

Ni séra én ukumen karia i maléwo' makaz ing kauré-uré. Ni séra én iwoho ni Opo Empung im witu u sinaru-Na wo ni séra én zéi'mo kasii milek ung kaenté'an-Na um wangko'.

Ibrani 12:23

Ni kamu kasii é mahilekan karia né tou sé nimaéndo oki' tu'a ni Opo Empung, a ngaran néra mémoipantik witi kasendukan. Wo ni kamu é mahilekan karia ni Opo Empung, si mahtotoz am pahwangunen péléng né tou in ulit kaapa zéi'kan wo mahilekan karia né roh né tou niéndo ulit sé zéi'mo siapa um pahséro'an.

Ibrani 2:3

kura kita in ikapilot sa kita zéi'kan mahwéhé genang witu un ipilot im witu un ukuman wana a singkéla' un totoz wangko' itii? Niitu ing kataré-taré é mémoipahwoka'ma ni Yesus Mahpiara, tumondong niitu, sé tou timalinga niitu in esa im wia si Yesus éng kimua wia ni kita i niitu én ulit.

2 Petrus 2:4

Pahpaan sé malaekat mahsingkéla' én zéi'kan niampungan ni Opo Empung. Ni séra é méilombo'-Nama witi naraka am buin witu un tuleng makaz witu un endo ni séra in totozen im wana am pahwangunen néra.