1 Tesalonika 4:3 - Taaz Weru Witu u Nunuwu'en Tombulu

³ Ang kenumo ang kapaaz ni Opo Empung: Ni kamu é menou-nou karia ung kalenasan, zou'mé im wana ang kasamekan.

1 Tesalonika 4:3 ပူးပေါင်းရင်းမြစ်များ

Matius 12:50

Pahpaan séi uman si mahlé'os ang kapaaz ni Ama'-Ku si witi kasendukan, ni siamo si katuari-Ku tuama, katuari-Ku wéwéné wo ina'-Ku.”

Matius 15:19

Pahpaan witu un até mahondolé péléng ang genang léwo', u mahwunu' tou, u mahmuali a sinéro' im pahmualin né zéi'kampé' kimawéng, u mahsamek, u mahremu', u mahkua an zéi'kan ulit tumoro a niilek wo an tinalingana, wo kasii u mahtawuruk.

Matius 5:32

Taan ikua-Kuma wia ni kamu: Séi uman si tuama tuma'sala si mahayona, taan si mahayona zéi'kan simamek, si mahayona itii ém winangunnamola i mahsamek. Wo séi si kumawéngla si wéwéné tina'sala itii, ni sia kangkasii é mahsamek.”

Matius 7:21

Kuan kasii ni Yesus, “Zéi'kan péléng sé tou sé sekezé é mahtawah ni Aku, ‘Tuang, Tuang!’ é maéndo tou witi Kakolanoan ni Opo Empung. Taan akaz uman sé tou mahwangun ang kapaaz ni Ama'-Ku si witi kasendukan sé maéndo tou-Na.

Markus 3:35

Séi uman si mahwangun ung kapaaz ni Opo Empung, ni séramo sé katuari-Ku tuama, katuari-Ku wéwéné wo ina'-Ku.”

Yohanes 4:34

Kuan ni Yesus wia ni séra, “Ung kakaneneng-Ku é mahwangun um paaz-Na si nimatumé ni Aku wo sumampet um paayangen-Na.

Yohanes 7:17

Si tou paaz mahwangun um paaz ni Opo Empung, ni sia é mata'u an tutuzu' itii ém wia si Opo Empung a méyé kaapa nuwu'-Ku uman in esa.

Kisah Rasul-rasul 15:20

Taan ni kita é léwo'zéi' i mantika um pinantik iwéhé wia ni séra, wo séra tia' mahkan ang kakanen a mémoiragés wia sé opo-opo, mahseza' a lé'ona né binatang nimaté ing kinezangan wo un zaha'. Ni séra kasii én zéi'kan toro mahsamek.

Kisah Rasul-rasul 15:29

Ni kamu én zéi'kan toro mahkan ang kakanen mémoiragés wia sé opo-opo, zéi'kan toro mahseza' sé binatang nimaté ing kinezangan wo un zaha'. Ni kamu kasii én zéi'kan toro mahsamek. Sa ni kamu zéi'kan mahwangun niana péléng, ni kamu é nimangunola am wangun. Téntupé' um pinantik nai kenu, sigi' nai.”

Kisah Rasul-rasul 20:32

In tarékan, ni kamu én iayoku wia si Mahpiara in tatéren-Na wo ni kamu zéi'kan mazéi' i ma'éman witu u Nuwu' méitambér-Namé. Ni Sia é mahkawasa i mahenté' um pa'émanen niou wo mahtambéré ung kamang u niimek-Namo in iwéhé wia péléng sé tou linenas-Namo.

Kisah Rasul-rasul 26:18

i mangun am weren néra mawula', wo ni séra zéi'mo menou-nou witu ung karimbengbengan taan menou-nou witu un ayah. Wo menou-nou zéi'mo kinawasa ni tonaas né sétang taan mahkiito um paaz ni Opo Empung. Wo pahpaan um pa'émanen néra wia ni Aku, ni séra é makailek un ampungan wana a singkéla' néra. Wo ni séra kasii é makailek um wéwéténgan im wana an tinotozo in iwéhé ni Opo Empung wia sé tou sé linenas-Na.’

Roma 1:29

Ang genang néra é mawuta-wuta an totoz léwo', an zéi'kan wangun, ang kaangkuman wo ang kawuulan, téutéu, mahwunu' sé kasuat tou, mahéndo-éndoan, an tantowo, ang genang léwo' wo mahsirita an zéi'kan wangun tumoro sé tou walina.

Roma 12:2

Ni kamu én tia'mo mahkii-kiit am pahwangunen né tou wia ung kaayahan, taan iwayamola ung genang lé'os niou im werun ni Opo Empung. Karia in téntu ni kamu én toro makatulap ung kapaaz ni Opo Empung: Am wangun, a mahwangun ni Sia mahpaa-paaz wo zéi'kan siapa pahséro'an.

Roma 6:22

In tarékan, ni kamu é mémoikapilot im wana a singkéla' wo nimaéndomo ata ni Opo Empung. Niitu u nimangun ni kamu nimakailek ung katou-touan u linenas-Na wo ing kamurian mahalimé ung katou-touan makaz ing kauré-uré.

1 Korintus 1:30

Si Opo Empung si nimangun ni kamu nimaesa karia ni Kristus Yesus wo si Kristus Yesus nimangun ni kita makailek ung katulapan ni Opo Empung. Ni kita nimaéndo ulit im witu u sinaru ni Opo Empung, nimaéndo tou linenas ni Opo Empung wo timubus ni kita.

1 Korintus 7:2

taan wo zéi'kan mangun u samek, tawimo si tuama ém wéwéhan mahayo, téntu kangkasii si wéwéné ém wéwéhan mahayo.

2 Korintus 12:21

Ni aku kasii é maindé', sa ni aku méyé sumaup, si Opo Empung mapaiza-izang ni aku witu u sinaru niou makaz un atéku i rumara. Pahpaan, im wia ni kamu é lakezpé' sé memangu-mangunpé' a singkéla' rengan im puuna wo zéi'kampé' timula'u a saparuni, a samek wo mahwangun ang kaizangnokané.

Galatia 5:19

Um pahwangunen né tou mahkiit u lelo un awak i mahwangun a léwo' é ang kenu: wayaan ung kasamekan, saparuni, mahwangun kiit u lelo wana ang kaizangnokané,

Efesus 5:17

Pahpaano niitu, tia'mo kamu mahwangun tanu am pahwangunen né tou lemou, taan pahtata'ula um paaz ni Opo Empung.

Efesus 6:6

Tia' kamu mahtali-talinga wo mahsigi' sé tuang im witu u sinaru néra i mangun uman sé tou mahpaa-paaz, taan ni kamu in ata ni Kristus én uli-ulit mahwangunla ang kapaaz ni Opo Empung.

Kolose 1:9

Niitumo, rengan ni kai in timalingamé tumoro ni kamu, ni kai én zéi'kan kumana' i mengaléi tumoro ni kamu. Ni kai mengaléi wia si Opo Empung i méhémé wia ni kamu ang katulapan wo ang kata'uan ni Roh Lenas, taka-takazan ni kamu uli-ulit mata'u péléng ang kapaaz ni Opo Empung.

Kolose 3:5

Niitumo, zéi'ela im wia ni kamu péléng am paaz i memangu-mangun an ipahkiit uman um paaz ung kaayahan, tanu a mahsamek, a makati'tiren, a lelo léwo' un awak, am paaz i memangu-mangun a léwo'an wo kasii an angkum an tanumokan i mahongkot wo mahsigi' sé opo-opo.

Kolose 4:12

U sigi' ni Epafras wia ni kamu; ni sia én tou esaané wia ni kamu, ata ni Kristus Yesus, ni sia én zéi'kan mazéi' i mahpengaléi ni kamu, wo ni kamu enté' im wana am pa'émanen, in tanu tou lutu'mo wo uli-ulit ma'éman wo mata'u péléng ang kapaaz ni Opo Empung.

1 Tesalonika 4:2

Pahpaan kata'uan niouo kasii, a méipahtuzu' nai wia ni kamu itii éng karia ung kawasa ni Yesus Mahpiara.

1 Tesalonika 4:4

Ni kamu in tuama é méndola si wéwéné esa i maéndo mahayomu in esa, wangunela ung katou-touan niou weresi im witu u sinaru ni Opo Empung wo wangunela ung katou-touan niou im pahsigi-sigi'en né tou.

1 Tesalonika 5:18

Mahkuala u makasé wia si Opo Empung im wana am péléng, pahpaan niitumo ung kapaaz-Na wia ni kamu in tou sé menou-nou nimaesa karia ni Kristus Yesus.

1 Tesalonika 5:23

Mengalé-ngaléi uman si Opo Empung méhémé ung kaluasan witu un até wo mangun péléng un tou niou malenas. Mengalé-ngaléi uman kasii si Opo Empung é mahtéiz si roh, ung genang wo un awak niou, wo kamu lekep wo zéi'kan siapa u sinala' i si Yesus Kristus, Mahpiarata méyé sumaup.

2 Tesalonika 2:13

Katuari-katuari ikararaaté ni Opo Empung! Ni kai sekezé é léwo'zéi' ing kumua u makasé wia si Opo Empung pahpaan ni kamu. Pahpaan rengan im puuna ni kamu ém pinéléng-Namo in ipilot im witu un ukuman wana a singkéla', mengiité um pinaayang ni Roh-Na si nimangun ni kamu lenas wo mengiité um pa'émanen niou wana an tutuzu' ulit am wia ni Sia a méyé.

Titus 2:14

Ni Sia é nimayomola un tou-Na i milot ni kita im wana péléng a léwo'an wo mangun ni kita maéndo tou lenas wo maéndo tou-Na sé zéi'kan mazéi' mahlé'os am wangun.

Ibrani 10:36

Ni kamu én tia' mahkana' i ma'éman zozo' im pahzézéhan, wo ni kamu makailek u méitaaz ni Opo Empung pahpaan nimakawangunola an ikapaaz-Na.

Ibrani 12:16

Tia' im wia ni kamu wéwéhan si samek wo zéi'kan mahrékén a méiwéhé ni Opo Empung tanu um pahwangunen ni Esau si nimangkér um wéténg anu ni oki' tu'a pahpaan uman u sana piring kakanen.

Ibrani 13:21

Mengalé-ngaléi uman si Opo Empung é sumawang ni kamu i mangun péléng am wangun mengiit un ikapaaz-Na, wo maayang witu ung katou-touanta i mangun ni Sia mahpaa-paaz, mengiité si Yesus Kristus. Wia si Kristus uman u sigi' wo looz makaz ing kauré-uré! Amin.

Ibrani 13:4

Péléng sé tou é léwo'zéi' i mahsigi'la u mahkawéng wo tia' ung kokolo'an maéndo tampa pahsamekan, pahpaan si Opo Empung é mukum sé samek wo sé tou sangaya.

1 Petrus 1:2

Si Opo Empung, Ama'ta é niméléngo ni kamu mengiité ung ginenang-Na rengané im puuna. Si Roh Lenas si limenas ni kamu wo kamu mahwangun ang kapaaz ni Yesus Kristus, wo kamu weresin im wana a siningkéla' niou karia im pinikpikan un zaha'-Na. Mengalé-ngaléi uman ung kamang tatambér ni Opo Empung wo ung kaluasan witu un até é menaté-natér ni kamu.

1 Petrus 4:2

Niitumo, karegas ni kamu i menou-noupé' wia ung kaayahan, am pemangu-mangunen niou é mahkiit umanla ang kapaaz ni Opo Empung, tia' mahkiit uman a lelo léwo' un awak.

1 Yohanes 2:17

Ung kaayahan wo péléng ang kapaaz né tou é lelezo mazéi', taan si tou mahwangun ang kapaaz ni Opo Empung é menou-nou makaz ing kauré-uré.

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”

Wahyu 22:15

Taan sé tou tanumokan sé asu wo sé meriara, sé samek, sé mahwunu' tou, sé mahongkot wo mahsigi' sé opo-opo, wo sé totoz paaz an towo wo mahwangun niana, zéi'kan toro muntep witu um wanua tua'na itii.