1 Tesalonika 2:4 - Taaz Weru Witu u Nunuwu'en Tombulu

⁴ Taan si Opo Empung niméhé um paayangen wia ni kai i mahwoka' u Nuwu' Lé'os tumoro si Yesus, pahpaan pahgenangen-Nala i ni kai ém wangun i maayang niitu. Niitumo ni kai i mahnuwu'ma én zéi'kan i mangun un até né tou mahpaa-paaz, taan i mangun un até ni Opo Empung mahpaa-paaz. Ni Sia si mahtata'u un até nai.

1 Tesalonika 2:4 ပူးပေါင်းရင်းမြစ်များ

Lukas 12:42

Si Yesus mingkotla, “Séi si ata mahtali-talinga wo tulap si éndon ni tuangna i maéndo tonaas né ata walina wo mahimek ung kanen né ata itii in orasnamo ing kuman?

Lukas 16:11

Niitumo, sa tumoro a sangkum wia ung kaayahan ni kamu én zéi'kan ulit, séi si paaz méhé um paayangen wia ni kamu i mimek u sangkum witi kasendukan?

Yohanes 21:17

Kuan ni Yesus wia ni sia ing katelu, “Simon oki' ni Yohanes, apa ni ko rumaraaté ni Aku?” Pahpaan si Yesus kimua, “Apa ni ko rumaraaté ni Aku?” ing katelumo, niitumo un até ni Petrus é rumara. A sia kumuala wia si Yesus, “Tuang, ni Ko é mata'u péléng am péléng, kata'uan-Nu i ni aku é rumaraaté ni Ko.” A si Yesus kumuala wia ni sia, “Piarala sé domba-Ku.

Roma 8:27

Si Opo Empung si mata'u am witu un até né tou, mata'u ung kapaaz ni Roh Lenas pahpaan si Roh Lenas itii si mahpengaléi sé tou linenas ni Opo Empung mengiit ung kapaaz-Na.

1 Korintus 7:25

In tarékan u méipantikku én tumoro sé tou zéi'kampé' kimawéng. Tumoro niitu, ni aku én zéi'kan nimakailek um perénta ni Mahpiara. Taan zozo' in téntu, ni aku si tou toro pa'émanen niou pahpaan u raraatéan ni Opo Empung é méhéma u sésésa wia ni séra.

1 Korintus 9:17

Sa aku mahwoka' u Nuwu' Lé'os tumoro si Kristus pahpaan um paazku uman, ni aku é léwo'zéi' i makailek um wawaér. Taan ni aku i nimangun niitu zéi'kan pahpaan um paazku in esa. Si Opo Empung si niméléng ni aku an aku iatu-Na i mahwoka' u Nuwu' Lé'os itii.

2 Korintus 2:17

Ni kai én zéi'kan mahwangun tanu sé tou lakez walina, pahpaan ni séra i mahwoka' u Nuwu' ni Opo Empung én tanu mahwangkér i menéro uman ang kawa'ilanan néra. Taan ni kai i mahkiit si Kristus én uli-ulit mahwoka' uman u Nuwu' ni Opo Empung wia sé tou, witu u sinaru-Na wo mahkiit uman a méiperénta-Na.

2 Korintus 4:2

Taan ni kai i mahpaayang én zéi'kan mahwuni-wuni ang kaizangnokané. Ni kai kasii én zéi'kan mahtowo wia sé tou wo zéi'kan mahtuzu' an zéi'kan ulit tumoro u Nuwu' ni Opo Empung. Taan, ni kai mahtuzu' an ulit ing kumiit am paaz ni Opo Empung. Karia in téntu, péléng sé toumokan sé mahtata'ula mengiit ung genang lé'os niou witu u sinaru ni Opo Empung, sa an ipahtuzu' nai ulit kaapa zéi'kan.

2 Korintus 5:11

Kata'uan nai ung kalakoan u maindé' si Mahpiara. Niitumo, ni kai é mahtututu' makaz sé tou zéi'kampé' ma'éman é ma'éman wia si Mahpiara. Totoz kata'uan ni Opo Empung um witu un até nai, niitumo ni kai mengalé-ngaléi maan ni kamu é mata'u am witu un até nai mengiit ung genang lé'os niou.

2 Korintus 5:16

Niitumo, ni kai én zéi'kan mahukur si tou tanu um pakahukur in tou uman, sé lumelo uman am wia ung kaayahan, zozo' im puuna ni kai i mahukur si Kristus én tanu um pakahukur in tou.

Galatia 1:10

Niitumo in tarékan, apa sé tou wé sé wangunengku i mahpaa-paaz kaapa si Opo Empung? Kaapa, apa um pahpenérongku é mangun sé tou mahpaa-paaz? Sa ni aku mahtututu'pé' i mangun uman sé tou mahpaa-paaz, ni aku én zéi'mo ata ni Kristus.

Galatia 2:7

Lumousé niitu, in toro niitu kinata'uan nérala i ni aku é winéhan paayangen i mahwoka' u Nuwu' Lé'os tumoro si Yesus wia sé tou zéi'kan Yahudi, tanu si Petrus im winéhan paayangen i mahwoka' u Nuwu' Lé'os tumoro si Yesus wia sé tou Yahudi.

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

Efesus 6:6

Tia' kamu mahtali-talinga wo mahsigi' sé tuang im witu u sinaru néra i mangun uman sé tou mahpaa-paaz, taan ni kamu in ata ni Kristus én uli-ulit mahwangunla ang kapaaz ni Opo Empung.

Kolose 3:22

É kamu sé ata, mahtali-talingala wia sé tuang niou im wia ung kaayahan im wana péléng am péleng, tia' kamu mapailek i mahtali-talinga witu u sinaru néra uman i mangun ni séra mahpaa-paaz, taan mahtali-talingala wia ni séra karia ung genang lé'os pahpaan i maindé' si Mahpiara.

1 Timutius 6:20

Timotius, pahilekela lé'os péléng a mémoitarawésa wia ni ko. Tia' mahkii-kiit i mahsirita an zéi'kan siapa torona wo an zéi'kan mahsigi' si Opo Empung wo a mahzéi-zéi'an tumoro ang kata'uan,

2 Timutius 1:14

Wo karia u sasawang ni Roh Lenas si menou-nou witu un atéta, téi-téizan a sangkum totoz wangun a mémoiwéhé wia ni ko.

2 Timutius 2:2

An tinalingamumo wia ni aku witu u saru-sarun né tou lakez, itarawésala wia sé tou toro tarawésaan niitu, sé siga' kangkasii i mahtuzu' sé tou walina.

Titus 1:3

Im witu un oras tinotoz-Na, ni Sia nimapaileko u Nuwu'-Na mengiité u Nuwu' Lé'os tumoro si Yesus u méitarawésa in iwoka'ku mengiit um perénta ni Opo Empung, si nimilot ni kita im witu un ukuman wana a singkéla'.

Ibrani 4:13

Zozo' in esa én zéi'kan siapa sé winangun-Na sé méikawuni im witu u sinaru-Na. Pahpaan péléng am péléng éng kaile-ilekan-Na, niitumo ni kita péléng é léwo'zéi' makaulit wo mengali am wua'na am pemuali-mualinta witu u sinaru-Na.

1 Petrus 4:11

Sa wéwéhan tou tinambéran i mahkua u Nuwu' ni Opo Empung wia sé tou, ni sia é léwo'zéi' mahnuwu' mahkiit u Nuwu'-Na. Wo sa wéwéhan si tinambéran i sumawang sé kasuat tou, pahwangunennala niitu karia ung ketez méiwéhémé ni Opo Empung wia ni sia. Niitumo, wangunen nioula lumé'o-lé'os an tatambér itii wo sé tou lumooz wo sumigi' si Opo Empung. Karia in téntu si Opo Empung é loozen wo sigi'en wana péléng am péléng mengiité si Yesus Kristus. Ni Siamo si mahkawasa wo wangun i sigi'en wo loozen makaz ing kauré-uré. Amin.

Wahyu 2:23

Péléng sé mahkii-kiit si wéwéné itii ém wunu'eng-Ku, wo toro kata'uala né jamaat i ni Aku é mata'u am pegena-genangen ni tou wo am witu un aténa. Ni Aku é maér wia sé tou mengiité am pinahwanguné ni esa wo ni esa.