1 Tesalonika 2:3 - Taaz Weru Witu u Nunuwu'en Tombulu

³ Ni kai i mahsésama én zéi'kan i mahlululu ni kamu, zéi'kan karia ang genang léwo' wo kasii zéi'kan in tumowo wia sé kasuat tou.

1 Tesalonika 2:3 ပူးပေါင်းရင်းမြစ်များ

Kisah Rasul-rasul 13:15

I nimakabacamola ung kitap Torat wo um pinantik né nabi, sé tonaas um walé peraragésan é nimatuma tou i meligau wia si Paulus wo si Barnabas in téntii, “Katuari-katuari, sa kamu wéwéhan un ipahkukua i maheenté' um pa'émanen né tou kenu, ikuamoma!”

Kisah Rasul-rasul 4:36

Si Yusuf si pahkuan né aatu ni Yesus im ‘Barnabas’ ung kalakoana é mahenté' un até né tou wo ni sia kangkasii é suzu ni Lewi si nimatou witi Siprus é nimangun kangkasii un téntu.

2 Korintus 11:13

Pahpaan sé tou itiimo sé aatu towo. Ni séra i mahpaayang é mahtowo wia sé tou wo mahasa-asar sé aatu ni Kristus.

2 Korintus 2:17

Ni kai én zéi'kan mahwangun tanu sé tou lakez walina, pahpaan ni séra i mahwoka' u Nuwu' ni Opo Empung én tanu mahwangkér i menéro uman ang kawa'ilanan néra. Taan ni kai i mahkiit si Kristus én uli-ulit mahwoka' uman u Nuwu' ni Opo Empung wia sé tou, witu u sinaru-Na wo mahkiit uman a méiperénta-Na.

2 Korintus 4:2

Taan ni kai i mahpaayang én zéi'kan mahwuni-wuni ang kaizangnokané. Ni kai kasii én zéi'kan mahtowo wia sé tou wo zéi'kan mahtuzu' an zéi'kan ulit tumoro u Nuwu' ni Opo Empung. Taan, ni kai mahtuzu' an ulit ing kumiit am paaz ni Opo Empung. Karia in téntu, péléng sé toumokan sé mahtata'ula mengiit ung genang lé'os niou witu u sinaru ni Opo Empung, sa an ipahtuzu' nai ulit kaapa zéi'kan.

2 Korintus 4:5

An ipahwoka' nai én zéi'kan tumoro ni kai, taan tumoro si Yesus Kristus Mahpiara. Ni kai nimaéndo ata niou, pahpaan ni kai é mahpaayang ang kapaaz ni Yesus.

2 Korintus 6:8

Ni kai ém pahsigi'en taan kasii pahséro'an, pahloozen taan kasii ipahsalou, pahkuan in tantowo taan un ulitna én zéi'kan tantowo.

2 Korintus 7:2

Katuari-katuari, sungkulené kai karia u raraaté. Ni kai én zéi'kan siapa sinala'la wia si séi uman, zéi'kan siapa zozo' in esa si tou tinowoan nai wo zéi'kan siapa zozo' in esa si tou niéndoan nai kauntungan.

1 Tesalonika 2:11

Kata'uan niou um pahwangunen nai wia ni kamu é masuat wo um pahwangunen ni ama' im wia sé oki'na. Ni kai é mahsésa wo mahenté' an até niou si esa wo si esa

1 Tesalonika 4:7

Si Opo Empung én timawah ni kita i menou-nou karia ung kalenasan, zéi'kan i mahwangun ang kasamekan.

2 Tesalonika 2:11

Niitumo si Opo Empung niméhémé ung kawasa u nimangun ni séra ikalulu, taka-takazan ni séra é ma'éman an zéi'kan ulit.

2 Petrus 1:16

Pahpaan ni kai i mahtuzu' wia ni kamu tumoro si Yesus Kristus Mahpiarata i mawurimé sumaup tanu si Kolano karia ung kawasa-Na, zéi'kan mahkiit a sirita towo am winangun uman né tou, taan ni kai sé nimilek wo sé timalinga ung kawangko'an-Na.