1 Petrus 5:8 - Taaz Weru Witu u Nunuwu'en Tombulu

⁸ Ni kamu é léwo'zéi' i mile-ilek wo tuméga-tégam! Pahpaan si tonaas né sétang si kakoro' niou itii é melili-liklik menéro tou ing kalan, masuat wo si singa melili-liklik i menéro tou in tongko'en.

1 Petrus 5:8 ပူးပေါင်းရင်းမြစ်များ

Matius 13:39

Si kakoro' si kimeroza am watuna an tatanemen tanu ang gandum é si tonaas né sétang. Un oras i mupu' én endo ka- akazan ung kaayahan. Wo sé tou mengungupu' itii é sé malaekat.

Matius 24:42

Niitumo, tuméga-tégam, pahpaan zéi'kan kata'uan niou sawisa si Mahpiara niou i mawurimé sumaup.

Matius 25:41

Ang kuan-Na wia sé tou witu ung kawihi-Na, ‘Tumingkasa im witu u sinaru-Ku, é kamu sé tou tinoro un epa'! Muntepoma witu un api zéi'kan mahpaté u niimek in iwéhé wia si tonaas né sétang wo sé malaekatna.

Matius 4:1

A si Yesus ipahwalima ni Roh ni Opo Empung witi kapelasan i mawa'wa'en ni tonaas né sétang.

Matius 4:11

A si Yesus itula'uma ni tonaas né sétang. An ilekena, sé malaekat niméyé i mahselewir ni Sia.

Markus 4:15

Am watuna tatanemen méikagogo witi lalan é masuat wo sé tou timalingama u Nuwu' ni Opo Empung, a méyé si tonaas né sétang a rengan méndoma u Nuwu' un taré talinga nérama.

Lukas 21:34

“Tuméga-tégam un toumu wo tia' megena-genang uman u mahpaa-paaz im wana am pésta, wo u mahelep makaz i matewelen karia in tahlous mahgenang am pemandungennu i mendo-endo, wo i si Oki' ni Tou méyé sumaup ni kamu én zéi'kan mengompo'.

Lukas 21:36

Niitumo ni kamu én tuméga-tégamla karia i mengaléi, wo kamu makailek ung kaenté'an wo makawawa i mahsaru a mamuali itii wo ezen i rimendai witu u sinaru ni Oki' ni Tou.”

Lukas 22:31

Ang kuan ni Yesus wia si Simon Petrus, “Simon, Simon, amoké talinganuma ung kenu! Si tonaas né sétang é nimenutu'momé i mema'wa' ni kamu wo ni kamu én tanumokan ang gandum im pahgéigéien wo ikatampasé witu un itingna.

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

2 Korintus 2:11

Winangunku téntu, wo kita zéi'kan towoan ni tonaas né sétang, pahpaan kata'uanta ung ginenangna.

Efesus 4:27

wo tia' si tonaas né sétang wéwéhan témpo i mangun ni kamu sumingkéla'.

Efesus 6:11

Tanu sé suraro nimaké am pemamakén ing kumoro' i sumaru sé kakoro' néra, téntu kangkasii ni kamu é léwo'zéi' i maké péléng ang kakaraien ing kumoro' a méiwéhémé ni Opo Empung wo kamu makawawa i mahsaru ang genang léwo' ni tonaas né sétang.

1 Timutius 2:15

Taan zozo' in téntu, si wéwéné én ipilot im witu un ukuman wana a singkéla' pahpaan in timoumé si koki', asal uman sia zéi'kan mazéi' i ma'éman wia si Kristus, rumaraaté si kasuat tou, ung katou-touanna é linenas ni Opo Empung wo ung katou-touan un zéi'kan tahlouso.

1 Timutius 2:9

Téntu kangkasii sé wéwéné. Kapaazku ni séra éng kimarai am wangun ing karaien, zéi'kan kaizangnokané wo zéi'kan tahlouso. Um wuuk néra én zéi'kan niayam, zéi'kan nimaké a mas kaapa mutiara, kaapa kimarai ang karai mahal.

1 Timutius 3:11

Téntu kangkasii sé mahayo néra é léwo'zéi' in tou lé'os sé pahsigi-sigi'en, zéi'kan mahtawuruk sé tou walina, mata'u mahime-imek un tou néra wo toro pa'émanen wana péléng am péléng.

1 Timutius 3:2

Niitumo, si tonaas né jamaat é léwo'zéi' in téntii: zéi'kan penuwu-nuwu'en né tou, makamahayo uman si esa, mata'u mahime-imek un touna, tulap, mahsigi' sé tou, paaz mahsungkul sé tou méyéma witi waléna, tulap i mahtuzu' sé tou,

2 Timutius 4:17

Taan si Mahpiara én timatér wo nimenté' ni aku makaz u Nuwu' Lé'os toro ipakawoka'ku wo talingana péléng né tou zéi'kan Yahudi. Karia in téntu, ni aku é méikapiloté im witu um patéan tanumokan méikapiloté witu u sumah ni singa.

Titus 1:8

taan paaz sumungkul sé tou i mento' witi waléna, paaz péléng am wangun wo lé'os, tulap, zéi'kan mahsanaweka, mahkiit um paaz ni Opo Empung, makaezen wana a lelo,

Titus 2:12

Ni Sia é mahtuzu' ni kita wo kita zéi'mo menou-nou i mahsaru ni Sia wo zéi'mo mahkiit a lelo léwo' né tou wia ung kaayahan wo menou-nou karia in tulap, zéi'kan mahsanaweka wo mahkiit uman um paaz-Na im wia ung kaayahan in tarékan.

Titus 2:2

Sésaala sé tuama tu'amo wo séra mahime-imek un tou néra, pahsigi'en né tou, tulap, zéi'kan mazéi' i ma'éman, zéi'kan mazéi' rumaraaté si kasuat tou wo ezen witu un zézéha.

Titus 2:4

wo séra toro mahtuzu' sé wéwéné tuari néramé i rumaraaté si mahayo wo sé oki' néra,

Titus 2:6

Téntu kangkasii sé tarétumou, pahsésaala séra, wo séra makaezen a lelo néra im wana am péléng

Yakobus 4:7

Niitumo, iwéhéla un tou niou wo kumiitla si Opo Empung, sarula si tonaas né sétang, wo sia tumingkasé im wia ni kamu.

1 Petrus 1:13

Niitumo, imekela ung genang niou i maayang am wangun, tuméga-tégam wo mahéré' uman witu ung kamang tatambér ni Opo Empung un iwéhé-Na wia ni kamu witu un oras si Yesus Kristus i mawurimé sumaup.

1 Petrus 4:7

Ung kaakazan ung kaayahan é lelezokan. Niitumo, pahimikela ung katou-touan niou wo tuméga-tégam, wo kamu toro uli-ulit i mengaléi.

Wahyu 12:10

An talingangkumé u nuwu' rimez witi kasendukan u mahkuamé, “In tarékan én orasnamo si Opo Empung i milot sé tou-Na im witu un ukuman wana a singkéla' i mapailek ung kawasa-Na, merénta ing kolano wo si Kristus si méitaaz-Na i mapailek ung kawasa-Na ing kolano wia ung kaayahan. Pahpaan si tonaas né sétang si im puuna endo wo wengi rimendai witu u sinaru ni Opo Empung i mahtoké sé katuari esa pa'émanen é méiondolomé an ilombo'mé wia ung kaayahan.

Wahyu 12:12

Niitumo, o kasendukan, mahpaa-paazola, wo ni kamu péléng sé mahento' witu. Taan ikaléwo'la kamu sé wia um wawo un tana' wo sé witi tasik! Pahpaan karia in totoz maupi' si tonaas né sétang én timumpamoma wia ni kamu. Pahpaan un orasna i mahwangun a léwo' én zéi'mo mauréma.”

Wahyu 12:9

Si naga tua'na itii é si ulé' tu'a, si pahkuan kangkasii in tonaas né sétang kaapa si sétang mahlulu sé tou. Ni siamo si limulu péléng sé tou wia ung kaayahan wo ni sia kasii méilombo'mé wia ung kaayahan karia né malaekatna.

Wahyu 20:10

Si tonaas né sétang si limulu sé tou itii é méiwerita witu un tasik api wo walélang melaya-layas, um wineritan kasii si binatang makaindé'en wo si nabi towo. Im witu ni séra péléng ém pahzézéhan endo wo wengi makaz ing kauré-uré.

Wahyu 20:2

Si naga, si ulé' tu'a itii, si pahkuan tonaas né sétang wo sétang mahlulu sé tou én tinionan ni malaekat itii. Si naga itii é niapusna sana riwuna ta'un ung kauréna.