1 Petrus 5:3 - Taaz Weru Witu u Nunuwu'en Tombulu

³ Tia' wo ni kamu mahpeperénta uman wia sé tou ma'éman sé méitarawésama ni Opo Empung wia ni kamu, taan ni kamu é maéndola kékéréan wangun wia ni séra.

1 Petrus 5:3 ပူးပေါင်းရင်းမြစ်များ

Yohanes 13:15

Ni Aku mahwéhéma wia ni kamu ung kékéréan, wo ni kamu kangkasii é mahwangunla am winangun-Kumoma wia ni kamu.

Kisah Rasul-rasul 20:28

Niitumo, mile-ilek wo pahilekela péléng sé jamaat. Pahpaan ni kamumo sé tinotoz ni Roh Lenas in tumatér sé jamaat ni Opo Empung i miara ni séra. Ni séra nimaéndo jamaat-Na pahpaan ni séra ém winaér-Namo karia un zaha' ni Oki'-Na.

1 Korintus 11:11

Zozo' in téntu, wia ni kita i ma'éman wia si Opo Empung, zéi'kan siapa wéwéné si zéi'kan memandung si tuama wo zéi'kan siapa tuama si zéi'kan memandung si wéwéné.

1 Korintus 3:5

Séi wé si Apolos? Séi wé si Paulus? Ni kai é méiatu uman ni Opo Empung i sumawang ni kamu wo toro ma'éman wia si Kristus. Ni kai é maayang uman a méiatu ni Opo Empung wia si esa wo si esa.

1 Korintus 3:9

Ni kai éng kapaayang ni Opo Empung. Ni kamu én tanu an uma ni Opo Empung wo tanu um walé winangun ni Opo Empung.

2 Korintus 1:24

Ni kai é mahkua an téntu wia ni kamu, zéi'kan i merénta ni kamu tumoro u léwo'zéi' im pa'émanen niou, pahpaan um pa'émanen niou wia si Kristus én enté'mo. Taan kapaaz nai, ni kita én toro maayang mahwali-wali, wo ni kamu toro mahpaa-paaz.

2 Korintus 4:5

An ipahwoka' nai én zéi'kan tumoro ni kai, taan tumoro si Yesus Kristus Mahpiara. Ni kai nimaéndo ata niou, pahpaan ni kai é mahpaayang ang kapaaz ni Yesus.

Filipi 3:17

Katuari-katuari, kéréala am pahwangunengku wo pahwéhanla genang sé menou-nou tanu ni kai sé tou toro maéndo kékéréan niou.

Filipi 4:9

Péléng am pinahtata'u niouo wo péléng ang kinailekan niouo, wo péléng an tinalinga niouo wo péléng a niilek niouo wia ni aku, pahwangunela niitu. Karia in téntu, si Opo Empung si mahwéhémé ung kaluasan witu un até é lamahwali-wali karia niou.

1 Tesalonika 1:7

Karia in téntu ni kamu é nimaéndomola kékéréan wangun péléng né tou sé ma'éman wia si Yesus sé witi tana' Makedonia wo Akhaya.

2 Tesalonika 3:9

Ni kai mahwangun an téntu zéi'kan pahpaan ni kai én zéi'kan siapa u léwo'zéi' ing kailekan naimé im wia ni kamu, taan ni kai mahtututu' i mahpaayang, wo toro maéndo kékéréan niou.

1 Timutius 4:12

Tia' wo wéwéhan sé tou mahgenangla i ni ko én tou roros pahpaan ni ko ém weru tou. Mahtututu'la i maéndo kékéréan wangun né tou ma'éman wia si Opo Empung, wana an ipahkuamu, wana am pemangu-mangunennu, wana a raraatéannu, witu um pa'émanennu wo witu ung katou-touannu un zéi'kan penéro-néro'an né tou.

Titus 2:7

wo wangunela ung katou-touannu i maéndo kékéréan wangun wia ni séra. I mahtuzu' wia sé tou, ni ko é léwo'zéi' in uli-ulit mahtuzu' wo tia' mahtowo,

1 Petrus 2:9

Taan ni kamumo sé pinéléng ni Opo Empung, walian i mahpaayang wia si Opo Empung si Kolano, tahsasana wanua linenas, nimaéndo tou méisanapa' wia ni Sia, wo ni kamu mahwoka' am pahwangunen ni Opo Empung an totoz wangko'. Si Opo Empung si timawahmomé ni kamu mondolé im witu ung karimbengbengan a muntep witu un ayah-Na un totoz makakompo'en.