1 Petrus 4:9 - Taaz Weru Witu u Nunuwu'en Tombulu

⁹ Pahsungkulela si tou mangémé witi walé niou karia in zéi'kan mema'o-ma'os.

1 Petrus 4:9 ပူးပေါင်းရင်းမြစ်များ

Roma 12:13

Sawangala am pemandungen né tou sé linenas ni Opo Empung wo sungkulela karia u mahpaa-paaz sé tou mento' witu um walému.

Roma 16:23

Si Gayus, si niméhé um waléna in ento'angku wo pahréwo-réwokan péléng né jamaat é mapaayoma u sigi' wia ni kamu. Téntu kangkasii si Erastus, si melélé'os an zoit pajak wia um wanua tua'na kenu wo si Kwartus, si katuari esa pa'émanen é mapaayoma u sigi'na wia ni kamu. [

2 Korintus 9:7

Péléng sé tou é léwo'zéi' i mahwéhé a sasawang mengiit ung kapaazna. Tia' mahwéhé a sasawang sa niitu é mahwangun uman un até i rumara kaapa im pahlusun, pahpaan si Opo Empung é rumaraaté sé tou mahwéhé karia i mahpaa-paaz.

Filipi 2:14

Pahpaayangela péléng am péléng karia in zéi'kan menembu-nembut wo mahéndo-éndoan.

1 Timutius 3:2

Niitumo, si tonaas né jamaat é léwo'zéi' in téntii: zéi'kan penuwu-nuwu'en né tou, makamahayo uman si esa, mata'u mahime-imek un touna, tulap, mahsigi' sé tou, paaz mahsungkul sé tou méyéma witi waléna, tulap i mahtuzu' sé tou,

Titus 1:8

taan paaz sumungkul sé tou i mento' witi waléna, paaz péléng am wangun wo lé'os, tulap, zéi'kan mahsanaweka, mahkiit um paaz ni Opo Empung, makaezen wana a lelo,

Filemon 1:14

Taan ni aku é soopé' mangun niitu sa zéi'kampé' niénéannumé. Ni aku é soo lumusu ni ko; kapaazku niitu ém wangunennu karia um paazmu in esa.

Ibrani 13:16

Tia' kamu maliuz i mangun a lé'os wo mahsawangla wia sé léwo'zéi' i sawangan, pahpaan am wangun pahlé'osenta wo a sasawangta wia sé tou é raragésta wia si Opo Empung. Si Opo Empung én totoz paaz a raragés tanu niitu.

Ibrani 13:2

Tia'mo mahzua-zua genang i sumungkul sé tou mangémé witi walé niou. Pahpaan karia i nimangun un téntu, wéwéhan sé woopira tou, zéi'kan kata'uan néra i ni séra é simungkulola sé malaekat witi walé néra.

Yakobus 5:9

Katuari-katuari, ni kamu én tia' mema'o-ma'os wo mahpasasala' si esa wo si esa, wo kamu zéi'kan ukumen. Si mahtotoz am winangun né tou in ulit kaapa zéi'kan é rimendaio witu um pepenet.