1 Petrus 4:7 - Taaz Weru Witu u Nunuwu'en Tombulu

⁷ Ung kaakazan ung kaayahan é lelezokan. Niitumo, pahimikela ung katou-touan niou wo tuméga-tégam, wo kamu toro uli-ulit i mengaléi.

1 Petrus 4:7 ပူးပေါင်းရင်းမြစ်များ

Matius 24:42

Niitumo, tuméga-tégam, pahpaan zéi'kan kata'uan niou sawisa si Mahpiara niou i mawurimé sumaup.

Matius 25:13

Ang kuan ni Yesus, “Niitumo, tuméga-tégam, pahpaan zéi'kan kata'uan niou sa sawisa un endo wo un oras niitu i mamuali.”

Lukas 21:34

“Tuméga-tégam un toumu wo tia' megena-genang uman u mahpaa-paaz im wana am pésta, wo u mahelep makaz i matewelen karia in tahlous mahgenang am pemandungennu i mendo-endo, wo i si Oki' ni Tou méyé sumaup ni kamu én zéi'kan mengompo'.

Lukas 21:36

Niitumo ni kamu én tuméga-tégamla karia i mengaléi, wo kamu makailek ung kaenté'an wo makawawa i mahsaru a mamuali itii wo ezen i rimendai witu u sinaru ni Oki' ni Tou.”

Lukas 22:46

Ang kuan-Na wia ni séra, “Kaa ni kamu timekel uman? Tumoozomé wo mengaléiola, wo kamu zéi'kan ikakiit witu um pema'wa'en.”

Roma 12:12

Mahpaa-paazola im wana am pahéré'an, meze-ezen im wana am pengalin wo tia' mahkana' i mahmengaléi.

1 Korintus 15:24

In toro niitu ung kaayahan é mazéi'. Péléng sé mahperénta, péléng sé mahkawasa wo péléng ang ketez wia ung kaayahan kenu é léwo'en ni Yesus. Kumawusa niitu, ung kawasa-Na ing Kolano én iayo-Na wia si Opo Empung, si Ama'-Na.

1 Korintus 7:29

Katuari-katuari! Ung kalakoan u méikuakuma itii én téntii: un endo kaakazan ung kaayahan én zéi'mo uré. Niitumo puunala niitu mamuali, si tuama wéwéhano mahayo wangunenola in tanu ni sia zéi'kampé' siapa mahayo.

Efesus 6:18

Wangunenola niana péléng karia i mengaléi wia si Opo Empung i sumawang ni kamu. Mengaléila karia ung kawasa ni Roh Lenas sekez in endo, tuméga-tégam wo tia' mahkana' i mengaléi. Tuméga-tégam i mengaléi wo tia'mo mazéi' i mahpengaléi sé tou linenas ni Opo Empung.

Filipi 4:5

Mahtututu'la wo ung kalé'osan un até niou éng kata'uana péléng né tou. Pahpaan un endo si Yesus Mahpiara i mawurimé sumaup éng kaleleznamo.

Kolose 4:2

Tia' mazéi' i mengaléi wia si Opo Empung wo tuméga-tégamla karia i mahkua u makasé wia si Opo Empung.

2 Timutius 4:5

Zozo' in téntu, ni ko é léwo'zéi' i mahime-imek un toumu wo ezen im wana an zézéha, ipahwoka'la u Nuwu' Lé'os, wo paayangela a léwo'zéi' im paayangennu wia si Opo Empung.

Titus 2:12

Ni Sia é mahtuzu' ni kita wo kita zéi'mo menou-nou i mahsaru ni Sia wo zéi'mo mahkiit a lelo léwo' né tou wia ung kaayahan wo menou-nou karia in tulap, zéi'kan mahsanaweka wo mahkiit uman um paaz-Na im wia ung kaayahan in tarékan.

Ibrani 10:25

Tia' kita mahzou' im wana am pahréwokan mahwali-wali i mahragés wia si Opo Empung tanu ung kinanaram né tou walina, taan tawimo kita mahsésésaan am wangun pahpaan un endo si Yesus i mawurimé sumaup éng kaleleznamo.

Ibrani 9:26

Pahpaan sa téntu, tantumo ni Sia é léwo'zéi' mazézéha makaz i maté menau-naup rengané ung kaayahan kenu im winangun. Taan wana an endo kaakazan ung kaayahan kenu, ni Sia é makasa uman niméyé i mayo un tou-Na, maéndo raragés in tumubus a singkéla'ta.

1 Petrus 1:13

Niitumo, imekela ung genang niou i maayang am wangun, tuméga-tégam wo mahéré' uman witu ung kamang tatambér ni Opo Empung un iwéhé-Na wia ni kamu witu un oras si Yesus Kristus i mawurimé sumaup.

1 Petrus 3:7

Téntu kangkasii ni kamu in tuama makamahayo, ni kamu é léwo'zéi' i menou-nou karia im wangun wo si mahayo niou si esa wo si esa. Gena-genangen, ung ketez néra én zéi'kan masuat karia ung ketez niou. Pahsigi'ela séra pahpaan ni séra kasii nimakailek ung katou-touan u méitambéré ni Opo Empung. Pahwangunela niitu wo am pengaléien niou talingan ni Opo Empung.

1 Petrus 5:8

Ni kamu é léwo'zéi' i mile-ilek wo tuméga-tégam! Pahpaan si tonaas né sétang si kakoro' niou itii é melili-liklik menéro tou ing kalan, masuat wo si singa melili-liklik i menéro tou in tongko'en.

Wahyu 16:15

“Ilekené, ni Aku i méyé én tanu si maremu'. Mahpaa-paazola si tou totoz timégam wo niméhé genang witu ung kinaraina, wo sia i lumampang én zéi'kan maizang pahpaan in timangkol.”