1 Petrus 4:6 - Taaz Weru Witu u Nunuwu'en Tombulu

⁶ Pahpaano niitu, u Nuwu' Lé'os tumoro si Yesus é méipapata'umo kangkasii wia sé tou nimatémo, wo maan an awak néra é nimatémo pahpaan niukum, masuat wo a mamuali wia péléng sé tou, taan sé roh néra é mamenou-nou mengiit um paaz ni Opo Empung.

1 Petrus 4:6 ပူးပေါင်းရင်းမြစ်များ

Matius 24:9

In toro niitu, ni kamu én iayo in zézéhan. Ni kamu ém wunu'en wo maikazi'zis péléng né tou pahpaan mahkiit ni Aku.

Roma 8:2

Pahpaan si Roh ni Opo Empung si nimangun ung katou-touanta nimaesa karia ni Kristus Yesus si nimilotomé ni kita im witu un ukuman wana a singkéla' u nimahalimé um patéan.

Galatia 2:19

Pahpaan un ukum Torat én zéi'mo siapa torona im wia ni aku, niitu én tanu un ukum Torat é nimatémo im wia ni aku. Wo ni aku toro menou-nou wia si Opo Empung, ni aku é sinalipo karia ni Kristus.

Galatia 5:25

Sa ung katou-touanta é mahkiito um paaz ni Roh Lenas, iwéhéla ung katou-touanta im pahtu'tul ni Roh Lenas.

1 Petrus 1:12

Sé nabi itii éng kinuaan sa am pahtata'un néra én zéi'kan méipapata'u in tumulung uman un tou néra in esa, taan in tumulung ni kamu. Sé nabi itii éng kinawasa ni Roh Lenas si witi kasendukan a méyé i mapata'u u Nuwu' Lé'os tumoro si Yesus wia ni kamu. A méipahtuzu' nérama itiimo ang kapaaz né malaekat im pahtata'un.

1 Petrus 3:18

Pahpaan si Kristus kangkasii é nimaté makasa uman in ziméi' a singkéla'ta. Ni Sia si mahwangun an ulit é nimaté in timubus sé tou mahwangun an zéi'kan ulit, wo kita toro ipahwali-Na wia si Opo Empung. Ni Sia ém winunu' i ni Sia in tou uman, taan ni Sia é méitoumé sumaup ni Roh Lenas im wia sé nimaté.

1 Petrus 3:19

Wo pahpaan kinawasa ni Roh lenas, ni Sia mahwoka' u Nuwu' Lé'os ni Opo Empung wia sé roh witi bui.

Wahyu 14:18

Wo wéwéhan kasii si malaekat walina nimondolé witu um pahtunuan a raragés wia si Opo Empung. Ni sia é mahkawasa mahimek un api witu. A sia numuwu'mé karia i rimez wia si malaekat timion um pahagi' tewel itii, kuana, “Itayumoma um pahagi'mu tewel itii wo upu'enoma am wua'na an anggor wia ung kaayahan, pahpaan am wua'na an anggor itii én orasnamo in upu'en.”