1 Petrus 4:2 - Taaz Weru Witu u Nunuwu'en Tombulu

² Niitumo, karegas ni kamu i menou-noupé' wia ung kaayahan, am pemangu-mangunen niou é mahkiit umanla ang kapaaz ni Opo Empung, tia' mahkiit uman a lelo léwo' un awak.

1 Petrus 4:2 ပူးပေါင်းရင်းမြစ်များ

Matius 12:50

Pahpaan séi uman si mahlé'os ang kapaaz ni Ama'-Ku si witi kasendukan, ni siamo si katuari-Ku tuama, katuari-Ku wéwéné wo ina'-Ku.”

Matius 20:4

Kuana wia ni séra, ‘Mamomendula kamu witi umaku un tinaneman an anggor, wo ni kamu ém waérangkumokan um wangun ing kailekan niou.’ Kaitalingamé niitu, a séra mangé i mamendu witi uma itii.

Matius 21:31

Sa mengiit ni kamu séi si nimangun ung kapaaz ni ama' néra?” A sé tonaas né tou Yahudi itii mingkotla, “Si oki' tu'a.” Ang kuan ni Yesus wia ni séra, “Uli-ulit ikua-Kuma wia ni kamu, sé menanagi am pajak wo sé wéwéné sangayapé' sé puuna i muntep witi Kakolanoan ni Opo Empung taan ni kamu.

Matius 7:21

Kuan kasii ni Yesus, “Zéi'kan péléng sé tou sé sekezé é mahtawah ni Aku, ‘Tuang, Tuang!’ é maéndo tou witi Kakolanoan ni Opo Empung. Taan akaz uman sé tou mahwangun ang kapaaz ni Ama'-Ku si witi kasendukan sé maéndo tou-Na.

Markus 3:35

Séi uman si mahwangun ung kapaaz ni Opo Empung, ni séramo sé katuari-Ku tuama, katuari-Ku wéwéné wo ina'-Ku.”

Markus 7:21

pahpaan im witu un até né tou mahondolé péléng ang genang léwo', a sinéro' im pahmualin né zéi'kampé' kimawéng, a mahremu', a mahwunu' tou,

Yohanes 1:13

Ni séra nimaéndo oki' ni Opo Empung én zéi'kan uman pahpaan um paaz né tu'a, zéi'kan pahpaan um paaz un awak wo kasii zéi'kan pahpaan um paaz ni tuama, taan pahpaan um paaz ni Opo Empung.

Yohanes 7:17

Si tou paaz mahwangun um paaz ni Opo Empung, ni sia é mata'u an tutuzu' itii ém wia si Opo Empung a méyé kaapa nuwu'-Ku uman in esa.

Roma 12:2

Ni kamu én tia'mo mahkii-kiit am pahwangunen né tou wia ung kaayahan, taan iwayamola ung genang lé'os niou im werun ni Opo Empung. Karia in téntu ni kamu én toro makatulap ung kapaaz ni Opo Empung: Am wangun, a mahwangun ni Sia mahpaa-paaz wo zéi'kan siapa pahséro'an.

Roma 14:7

Pahpaan zéi'kan siapa zozo' in esa im wia ni kita si menou-nou kumiit uman ung ginenangna in esa, wo zéi'kan siapa zozo' in esa si maté kumiit uman ung ginenangna in esa.

Roma 6:11

Ni kamu kangkasii é léwo'zéi' mahgenangla i ni kamu é nimatémo wana a singkéla', taan ung katou-touan niou ém wia uman si Opo Empung mengiité si Kristus Yesus.

Roma 6:2

Zéi'kan! A singkéla' én zéi'mo kimawasa wia ni kita, kaa kahuman kita memua-mualipé' a singkéla'?

Roma 7:4

Téntu kangkasii ni kamu katuari-katuari. Ni kamu én tanu nimatémo im witu un ukum Torat, pahpaan ni kamu ém pina'esamo karia un awak ni Kristus, wo ni kamu maéndomo anu ni Kristus, si méitou sumaup im wia sé nimaté wo ung katou-touanta wéwéhan torona im wia si Opo Empung.

2 Korintus 5:15

Si Kristus nimatémo pahpaan péléng sé tou, wo ni séra sé menou-noupé' wia ung kaayahan kenu, ung katou-touan néra én zéi'mo anu néra taan anumo ni Kristus, si nimatémo wo méitoumomé sumaup ni Opo Empung pahpaan ung kawangunan néra.

Efesus 2:3

Im puuna ni kita péléng é masuat karia néra, ni kita menou-nou mahkiit u lelo léwo' un awakta, mahwangun um paaz un awakta wo ang genang léwo'ta. In toro niitu, ni kita kangkasii én tou sé léwo'zéi' i makailek un upi' makaindé'en ni Opo Empung tanu sé tou walina.

Efesus 4:17

Pahpaano niitu, ni aku kumuama wo sumésama wia ni kamu karia ung kawasa ni Mahpiara: Tia'mo kamu menou-nou tanu sé tou zéi'kan mata'u si Opo Empung sé megena-genang uman an zéi'kan siapa torona.

Efesus 5:17

Pahpaano niitu, tia'mo kamu mahwangun tanu am pahwangunen né tou lemou, taan pahtata'ula um paaz ni Opo Empung.

Efesus 6:6

Tia' kamu mahtali-talinga wo mahsigi' sé tuang im witu u sinaru néra i mangun uman sé tou mahpaa-paaz, taan ni kamu in ata ni Kristus én uli-ulit mahwangunla ang kapaaz ni Opo Empung.

Kolose 1:9

Niitumo, rengan ni kai in timalingamé tumoro ni kamu, ni kai én zéi'kan kumana' i mengaléi tumoro ni kamu. Ni kai mengaléi wia si Opo Empung i méhémé wia ni kamu ang katulapan wo ang kata'uan ni Roh Lenas, taka-takazan ni kamu uli-ulit mata'u péléng ang kapaaz ni Opo Empung.

Kolose 3:3

Pahpaan ung katou-touan niou im puuna u mahkiit uman u lelo léwo' wia ung kaayahan é mémoitula'u nioula, ni kamu én tanu nimatémo. In tarékan ung katou-touan niou én zéi'kan katulapan né tou pahpaan ni kamu é nimaesamo karia ni Kristus, si nimaesa karia ni Opo Empung, witi kasendukan.

Kolose 4:12

U sigi' ni Epafras wia ni kamu; ni sia én tou esaané wia ni kamu, ata ni Kristus Yesus, ni sia én zéi'kan mazéi' i mahpengaléi ni kamu, wo ni kamu enté' im wana am pa'émanen, in tanu tou lutu'mo wo uli-ulit ma'éman wo mata'u péléng ang kapaaz ni Opo Empung.

1 Tesalonika 5:18

Mahkuala u makasé wia si Opo Empung im wana am péléng, pahpaan niitumo ung kapaaz-Na wia ni kamu in tou sé menou-nou nimaesa karia ni Kristus Yesus.

Ibrani 13:21

Mengalé-ngaléi uman si Opo Empung é sumawang ni kamu i mangun péléng am wangun mengiit un ikapaaz-Na, wo maayang witu ung katou-touanta i mangun ni Sia mahpaa-paaz, mengiité si Yesus Kristus. Wia si Kristus uman u sigi' wo looz makaz ing kauré-uré! Amin.

Yakobus 1:18

Witu um paaz-Na in esa, ni Sia nimangun ni kita nimaéndo oki'-Na mengiité u nuwu' kaulitan. Winangun-Na téntu wo kita maéndo wua'na kataré im wana am winangun-Na.

1 Petrus 1:14

Menou-noula i mahtali-talinga wia si Opo Empung tanu sé koki' i mahtali-talinga wia sé tu'ana. Tia' mahkiit uman u lelo léwo' un awak niou tanu im puuna in zéi'kampé' mata'u si Opo Empung.

1 Petrus 2:1

Pahpaano niitu, ni kamu éng kumana'mola i memua-muali a léwo'an. Tia'mo mahtowo, tia'mo mahwangu-wangun i lumé'ospé'mé sé tou walina, tia'mo mahtéutéu wo kasii tia'mo mahtawuruk sé tou.

1 Yohanes 2:17

Ung kaayahan wo péléng ang kapaaz né tou é lelezo mazéi', taan si tou mahwangun ang kapaaz ni Opo Empung é menou-nou makaz ing kauré-uré.