1 Petrus 3:4 - Taaz Weru Witu u Nunuwu'en Tombulu

⁴ Taan u nimangun ni kamu kéndis ém witu un até a méyé un zéi'kan mahzéi-zéi'la tanu ang kenu: eluz uman wo zéi'kan mengupi-ngupi'. Niitumo un totoz kapaaz ni Opo Empung.

1 Petrus 3:4 ပူးပေါင်းရင်းမြစ်များ

Matius 11:29

Kumiitola um perénta-Ku tanumokan i masaan um pasangan méipasaan-Ku, wo mahtata'umé wia ni Aku, pahpaan ni Aku én eluz uman wo roros até, wo si rohmu é makailek ung kaenaan.

Matius 21:5

“Ikuamola wia sé tou witi Sion: Ilekena, si Kolano niou é mahéyémo wia ni kamu. Ni Sia én eluz uman wo simaké wia si keledai, si anak ni keledai peranggangpé'.”

Matius 23:26

É kamu sé sana réwok tou Farisi sé letok! Weresimpé'la un untepna am pengengelepan niou, karia in téntu u liklikna am pengengelepan niou kangkasii é maweresi.

Matius 5:5

Mahpaa-paazola sé tou roros até, pahpaan ni séra sé lamakaanu ung kaayahan.

Lukas 11:40

Ni kamu én totoz lemou! Si Opo Empung si nimangun a liklik wo péléng um witu un tou niou.

Lukas 16:15

Ang kuan ni Yesus wia ni séra, “Ni kamu é mapailek wia sé tou i ni kamu én ulit, taan kata'uan ni Opo Empung am witu un até niou. Pahpaan am pahgenangela né tou in totoz wangun im wia ung kaayahan, niitu én ikazi'zis ni Opo Empung.

Roma 1:23

Ni séra é simawel ung kawangko'an ni Opo Empung si makaz ing kauré-uré karia né patong opo-opo sé masuat wo sé tou sé zéi'kan makaz ing kauré-uré, sé masuat wo sé tumétéwél, sé masuat wo sé binatang epat a'é kaapa sé masuat wo sé binatang mahlangkou.

Roma 2:29

Taan si uli-ulit tou Yahudi é si uli-ulit tou Yahudi witu un aténa, wo si uli-ulit sinunat é si tou witu un aténa ém pahpaayangano ni Roh ni Opo Empung, zéi'kan uman méipantik witu um pahpantikan. U lolooz wia si tou tanu ni sia én zéi'kan wia si kasuat tou a méyé, taan wia si Opo Empung a méyé.

Roma 6:6

Kata'uanta sa ung katou-touanta im puuna é sinalipo pinahwali-wali karia ni Kristus, wo ni kita zéi'mo kinawasa ung kinanaram i mahsingkéla', wo ni kita zéi'kan pahata-atan a singkéla'.

Roma 7:22

Pahpaan um witu un atéku ém paaz an tinotoz ni Opo Empung.

2 Korintus 10:1

Ni aku Paulus, si pahkuan niou in zéi'kan wuaya sa nimasaruan karia niou, taan wuaya uman im wana am pinantikku sa nimazou'an karia niou. Ni aku mahaléi wia ni kamu witu u ngaran ni Yesus Kristus si roros até wo lé'os uman.

2 Korintus 4:16

Niitumo, ni kai én zéi'kan mazéi' i mahéré'. Zozo' ung kaenté'an un awak nai kauréna ém pahkainaan, taan si roh nai sekez in endo ém pahwerun.

Galatia 5:23

eluz wo makawawa ing kumawasa witu un tou in esa. Zéi'kan siapa un ukum toro mapahsasala' niana.

Efesus 4:2

Irorosla un até niou, mahelu-eluzan umanla wo meze-ezen. Ipapailekla u raraatéan niou karia i mahsawa-sawangan.

Kolose 3:12

Pahpaan nimaéndomo tou pinéléng wo ikararaaté wo linenas ni Opo Empung, niitumo ni kamu é mapailekla u raraatéan, ung kalé'osan, u roros até, ung kaeluzan wo ung kaezenan.

Kolose 3:3

Pahpaan ung katou-touan niou im puuna u mahkiit uman u lelo léwo' wia ung kaayahan é mémoitula'u nioula, ni kamu én tanu nimatémo. In tarékan ung katou-touan niou én zéi'kan katulapan né tou pahpaan ni kamu é nimaesamo karia ni Kristus, si nimaesa karia ni Opo Empung, witi kasendukan.

1 Tesalonika 4:11

Ni kamu é léwo'zéi' mahtututu'la i mahraa-raatéan karia né tou walina. Tia' mahsembo-sembor wana an urusan né tou walina. Ni kamu kasii é léwo'zéi' maayangla i menéro ang kakanen wo am pemandungen niou in esa, tanu u méipengua-ngua naimo wia ni kamu.

2 Tesalonika 3:12

Wia sé tou tanu ni séra, ni kai é mapagenanga wo sumésama karia ung kawasa ni Yesus Kristus Mahpiara, wo séra menou-nou karia im wangun wo maayangla i makailek an tikohon.

1 Timutius 2:2

Ipengaléi kasiila sé kolano wo péléng sé mahkawasa wana am wanua, wo kita toro menou-nou karia in ena' wo zéi'kan siapa u mahraung i mahtali-talinga wo mahsigi' si Opo Empung.

2 Timutius 2:25

Ni sia én totoz eluz uman i mahsésa wia sé tou tampezéi', pahpaan si Mahpiara ém woo méhé un oras wia ni séra, wo séra tumula'u a singkéla' néra wo mangun ni séra mata'u ung kaulitan.

Titus 3:2

Ni séra kasii én zéi'kan toro mahtawuruk, zéi'kan toro mahéndo-éndoan. Ni séra é léwo'zéi' in eluz uman wo roros até wia péléng sé tou.

Yakobus 1:21

Niitumo, itia'la péléng a makazi'zisen wo a léwo' totoz lakez am pemangu-mangunen niou. Wo sungkulela u nuwu' ni Opo Empung u mémoiwéhé witu un até niou karia u roros até. Pahpaan u nuwu' itii ém wéwéhan kawasa i milot ni kamu im witu un ukuman wana a singkéla'.

1 Petrus 1:23

Pahpaan niitumo, ni kamu nimakailekola ung katou-touan weru. Ung katou-touan weru itii én zéi'kan wia si tou si toro uman maté a méyé, taan witu u Nuwu' ni Opo Empung um pa'émanenta a méyé. U Nuwu' itii é menou-nou wo memia-mia makaz ing kauré-uré.

1 Petrus 3:15

Taan sigi'ela si Kristus im witu un até niou pahpaan ni Sia é Mahpiara. Tumégamla i mingkot sa wéwéhan si tou meligau tumoro um pahéré'an niou wia si Kristus. Taan ni kamu i mahwingkot é maheluz umanla wo karia i mahsigi',