1 Petrus 2:2 - Taaz Weru Witu u Nunuwu'en Tombulu

² Tanumokan si taré itoumé si sekezé é mekisusu, ni kamu kangkasii é léwo'zéi' im paaz un uli-ulit Nuwu' ni Opo Empung um witi kasendukan a méyé. Pahpaan karia in téntu ni kamu é mahtou wo ipiloté im witu un ukuman wana a singkéla'.

1 Petrus 2:2 ပူးပေါင်းရင်းမြစ်များ

Matius 18:3

Ang kuan-Na, “Uli-ulit ikua-Kuma wia ni kamu, sa kamu zéi'kan tumula'ula a singkéla' niou wo maéndo tanu si koki' kenu, ni kamu én zéi'kan ikauntep witi Kakolanoan ni Opo Empung.

Matius 19:14

Taan kuan ni Yesus wia sé pahtuzu'en-Na, “Iwayamola sé koki' itii i méyé wia ni Aku! Tia' pahséro'en niou séra, pahpaan sé tou tanu sé koki' kenumo sé makaanu ung Kakolanoan ni Opo Empung.”

Markus 10:15

Uli-ulit ikua-Kuma wia ni kamu: Séi uman sé zéi'kan sumungkul ung Kakolanoan ni Opo Empung tanu sé koki' kenu, ni sia én zéi'kan ikauntep witu.”

Lukas 18:17

Uli-ulit ikua-Kuma wia ni kamu: Séi uman sé zéi'kan sumungkul ung Kakolanoan ni Opo Empung tanu sé koki' kenu, ni sia én zéi'kan ikauntep witu.”

Roma 6:4

Karia in téntu, ni kita é méilewengo karia-Na pahpaan i sinarani, wo tanu si Kristus i méitou sumaup ni Ama' im wia sé nimaté pahpaan ung kawangko'an ni Opo Empung, ni kita kangkasii é menou-nou witu ung katou-touan weru.

1 Korintus 14:20

Katuari-katuari, tia' um pakahgena-genang niou én tanu um pakahgena-genang né koki'. Im wana a léwo'an masarola um pakahgena-genang né koki' sé zéi'kampé' mata'u a léwo'an. Taan um pakahgena-genang niou é masarola um pakahgena-genang né tu'amo!

Efesus 2:21

Ni Siamo si timu'tul péléng am wéténgna um walé itii maéndo walé Lenas ni Opo Empung.

Efesus 4:15

Taan, karia i nimenté' in timion an tutuzu' ulit pahpaan i mahraa-raatéan, ni kita im wana am péléng kauréna éng kalekepna tanu si Kristus, ni Siamo si nimaéndo tanu un Ulu wia ni kita.

2 Tesalonika 1:3

Katuari-katuari, pahpaan ni kamu ni kai sekezé é léwo'zéi' ing kumua u makasé wia si Opo Empung. Ni kai é léwo'zéi' i mahwangun un téntu pahpaan ni kamu éng kalousnamo i ma'éman wia si Yesus wo ni kamu si esa wo sé walina éng kalousnamo i mahraa-raatéan,

1 Petrus 1:23

Pahpaan niitumo, ni kamu nimakailekola ung katou-touan weru. Ung katou-touan weru itii én zéi'kan wia si tou si toro uman maté a méyé, taan witu u Nuwu' ni Opo Empung um pa'émanenta a méyé. U Nuwu' itii é menou-nou wo memia-mia makaz ing kauré-uré.

2 Petrus 3:18

Taan, ni kamu é mahtututu'la wo kalousna i mé'an ung kamang tatambér ni Yesus Kristus Mahpiara wo si nimilot ni kita im witu un ukuman wana a singkéla'. Mahtututu'la wo ni kamu totoz mata'u ni Sia. U looz wo sigi' ém wia uman ni Sia, in tarékan makaz ing kauré-uré. Amin.