1 Korintus 9:3 - Taaz Weru Witu u Nunuwu'en Tombulu

³ Sa wéwéhan tou mahtawuruk ni aku, ni aku kumua ang kenu ing kumelung un touku. Un ikuakuma én téntii:

1 Korintus 9:3 ပူးပေါင်းရင်းမြစ်များ

Lukas 12:11

Sa wéwéhan tou mahwali ni kamu witu u sinaru né tonaas né tou Yahudi witi walé peraragésan né tou Yahudi, kaapa wia sé mahperénta wo sé mahkawasa, tia'mo ikaarét niou apa u léwo'zéi' in ikua niou wo kura ing kumelung un tou niou.

Kisah Rasul-rasul 22:1

“Sé ama' wo katuari-katuari, talingana, wéwéhan un ipahkukuaku wia ni kamu in tarékan i mahkekelung un touku.”

Kisah Rasul-rasul 25:16

Taan méikuakula wia ni séra in zéi'kan kinanaram né tou Romawi i mukum si tou, puunala si tou itii im pasungkulen karia né tou mahtoké ni sia, wo zéi'kampé' winéhanla tempo ing kumelung un touna wana an ipahtoké itii.

1 Korintus 14:37

Sa wéwéhan tou mahkua i ni sia é nabi, kaapa tinambéran ni Roh Lenas, ni sia é léwo'zéi' mata'u sa péléng am pinantikku kenu ém perénta ni Mahpiara.

1 Korintus 9:2

Zozo' sé tou walina mahkua ni aku én zéi'kan aatu ni Yesus, taan ni kamu é mahkua i ni aku é aatu ni Yesus. Ni kamu i ma'émano wia si Opo Empung un tumuzu'mé um pinaayangku in aatu ni Yesus.

1 Korintus 9:4

zéi'kan toro wé kai kuman wo melep im wana am pinaayang nai?

2 Korintus 13:10

Niitumo, ni aku i nimantik um pinantik kenu i nimazou'an karia niou, wo sa ni aku méyé in tumondong, ni aku én zéi'mo suméro' ni kamu karia ung kawasa méiwéhé ni Opo Empung wia ni aku. Ung kawasa itii méiwéhé i mahwawangun ni kamu, zéi'kan i luméwo' um pa'émanen niou.

2 Korintus 13:3

Pahpaan ni kamu mahaléi wia ni aku i mapailek un toro tumuzu'mé, sa um pahnuwu'engku ém wia si Kristus a méyé. Sa si Kristus mahpaayang wia ni kamu, ni Sia mahpaayang karia ung ketez wo ni Sia mapatuzu' ung kawasa-Na witu ung katou-touan niou.

2 Korintus 13:5

Amoké wa'wa'en nioula un tou niou, wo kata'uan nioula sa ni kamu én uli-ulit ma'éman wia si Kristus kaapa zéi'kan. Pahtata'ula un até niou, ni kamu én uli-ulit mata'u i si Kristus Yesus ém witu un até niou kaapa zéi'kan! Pahpaan sa kamu zéi'kan uli-ulit mahkiit si Kristus, um pa'émanen niou én zéi'kan malekep im pema'wa'en.

Filipi 1:17

Taan sé mahtéutéu wo mahéndo-éndoan kariaku é mahwoka' tumoro si Kristus pahpaan i ma'éndo uman ung kauntungan néra in esa wo ung kalakoan an tutuzu' néra én zéi'kan wangun. Pahgenangen nérala, karia séra i mahwoka'ma tumoro si Kristus pahpaan uman i menéro ung kauntungan néra in esa, nimangun ni aku kalousna in zézéha wia um bui wo un atéku kalousna i masusa.

Filipi 1:7

Ni aku é mapaayo u makasé wia si Opo Empung pahpaan ni kamu ém witu un atéku. Ni aku é nimakailek ung kamang méitambér ni Opo Empung zozo' in tarékan ni aku ém binuipé'. Ni aku kangkasii é nimakailek ung kamang méitambér ni Opo Empung i mahtuzu' sa u Nuwu' Lé'os tumoro si Yesus én ulit, wia sé tou sé mahkua niitu in zéi'kan ulit, wo kasii i mangun ni séra in uli-ulit ma'éman. Ni kamu kangkasii é nimakailek ung kamang méitambér ni Opo Empung tanu ung kinailekangkumé.

2 Timutius 4:16

Ing kataré ni aku i mahkelung un touku im witi pahtotozan, zéi'kan siapa zozo' in esa si kimaria ni aku, péléng ni séra én timula'uma ni aku. Mengalé-ngaléi uman si Opo Empung én zéi'kan mapahsasala' ni séra pahpaan um winangun néra itii.