1 Korintus 8:9 - Taaz Weru Witu u Nunuwu'en Tombulu

⁹ Zozo' kamu toro kuman péleng ang kakanen, taan mile-ilek én taa kamu maéndo raraung wia sé katuari zéi'kampé' enté' um pa'émanen néra.

1 Korintus 8:9 ပူးပေါင်းရင်းမြစ်များ

Matius 18:10

“Gena-genangen! Tia' meroros si esaané im wia sé koki' kenu. Pahpaan ikua-Kuma wia ni kamu, wéwéhan sé malaekat mahtéiz ni séra sé witi kasendukan, sé mengile-ngilek uman ung gio ni Ama'-Ku. [

Roma 15:1

Ni kita sé enté'mo um pa'émanen é léwo'zéi' in ezen im wana an zéi'kan enté' né tou zéi'kan enté' um pa'émanen néra, tia' ni kita menéro uman u mahpaa-paazta in esa.

1 Korintus 10:24

Ni kamu én tia' mahtututu' i menéro ang kawangunan niou, taan mahtututu'la i menéro ang kawangunan né tou walina.

1 Korintus 10:28

Taan sa wéwéhan si tou kumuala wia ni kamu, “Ang kakanen itii é mémoiragés wia sé opo-opo.” Niitu én tia'mo kanen niou. Pahpaan mahgenang si tou kimua niitu wo ung genang lé'osna.

1 Korintus 10:29

Um paza'ingkula itii, zéi'kan ung genang lé'os niou um wutez taan ung genang lé'os ni tou itii. Wéwéhan woo si mahkua, “Ni aku én zéi'kan ata, kaa rékén um pahwangunengku én totoz ipahkiit ung genang lé'os né tou walina?

1 Korintus 10:32

Tia' ung katou-touan niou é nimaéndo watu pahkasangkilan né tou Yahudi kaapa né tou Yunani kaapa né jamaat ni Opo Empung.

1 Korintus 8:10

Niitu én téntii: ni kamu é mata'umo im péléng ang kakanen én toro kanen. Taan sa wéwéhan tou si zéi'kampé' enté' um pa'émanenna mileka ni kamu i mahkan witi walé pahragésan wia sé opo-opo, si tou itii én ikakiit im paaz kuman ang kakanen méiragéso wia sé opo-opo.

1 Korintus 8:12

Sa ko mangunla a singkéla' tanu niitu wia sé katuari ma'émano wo mangun ung genang weresi néra i rumara, ni ko é nimangunola u singkéla' wia si Kristus.

1 Korintus 9:22

Sa aku kimaria sé tou zéi'kampé' tahlous enté' um pa'émanen, ni aku é mahasa-asar ni séra, wo ni aku toro sumawang ni séra i ma'éman wia si Kristus. Winangunku ung katou-touangku én tanu ni séra péléng, wo wéwéhan sé wia ni séra sé toro ipiloté im witu ukuman wana a singkéla'.

2 Korintus 11:21

Pahgenangen niou sa ni aku én totoz maizang pahpaan zéi'kan wuaya i mahwangun an téntu? Zéi'kan! Taan sa sé tou walina ém wuaya i mahlooz un tou néra, ni aku kangkasii ém wuaya i mahlooz tanu ni séra. (Ang kenu é nuwu'ku tanu sé tou lemou).

2 Korintus 11:29

Sa wéwéhan si tou mahpendanla in zéi'kan enté', ni aku kangkasii é mahpendan in zéi'kan enté'. Sa wéwéhan si tou nimangunla sé tou walina mahwangun a singkéla', un atéku én totoz rumara.

2 Korintus 6:3

Ni kai mahtututu' i mahpaayang uman am wangun, wo am pahpaayangen nai zéi'kan maéndo tanu watu pahkasangkilan né tou, wo zéi'kan siapa si mapahsasala' am pinaayang nai.

Galatia 5:13

Katuari-katuari, ni kamu én ulit tinawahmo i maéndo tou zéi'mo pahata-atan. Taan tia' un zéi'mo pahata-atan itii én éndon niou oras i menou-nou mahwangun a singkéla'. Taan tawimo pahsawangala sé tou walina karia u raraatéan.

Kolose 2:8

Mile-ilek, én taa wéwéhan sé maheenou ni kamu karia an tutuzu' néra an zéi'kan siapa torona wo mahlululu uman um pa'émanen niou um wia si Kristus. An tutuzu' néra én zéi'kan mahkiit an tutuzu' ni Kristus, taan mahkiit uman ang kinanaram né nimaopo néra im puuna wo ung kapaaz né roh wia ung kaayahan.

1 Petrus 2:16

Ni kamu én zéi'mo ata a singkéla' taan ni kamu é mémoipiloté im wana a singkéla'. Taan tia' wo pahpaano niitu, ni kamu ém wayaan uman um wangunen i mahwuwuni a singkéla' niou. Niitumo ung katou-touan niou é maéndola ata ni Opo Empung.

2 Petrus 2:19

Sé méster towo itii é méhé un taaz wia sé tou i lamaéndo tou zéi'mo ata, taan ndéén sé méster towo itii ém pahata-atan ang kinanaram néra wana a léwo'an a mahléwo' sé tou. Pahpaan si kinalamo é nimaéndomola ata ni kimala ni sia.

Wahyu 2:14

Taan wéwéhan ang kasoo-Ku wia ni kamu: Sé woopira im wia ni kamu é mahkiit an tutuzu' ni Bileam, si mahtuzu' si Balak i mahlululu sé tou Israel ing kuman ang kakanen a mémoiragés wia sé opo-opo wo mahsamek.