1 Korintus 8:4 - Taaz Weru Witu u Nunuwu'en Tombulu

⁴ In tarékan ni aku é mingkot am peligauen né katuari in téntii, “Toro wé ing kuman a lé'ona mémoiragés wia sé opo-opo?” Tanu ung kata'uantamo, “Zéi'kan siapa sé opo-opo wia ung kaayahan, wo si Opo Empung én esa uman, zéi'kan siapa walina.”

1 Korintus 8:4 ပူးပေါင်းရင်းမြစ်များ

1 Timutius 2:5

Pahpaan si Opo Empung én esa uman. Wo esa uman si nimangun sé tou mawurian sumaup karia ni Opo Empung, ni Siamo si Kristus Yesus si tou uman.

Efesus 4:6

wo si Opo Empung én esa uman si nimaéndo Ama' péléng né tou. Ni Siamo si Opo Empung péléng né tou, si mahpaayang wia péléng sé tou wo si mahkawasa wia péléng sé tou.

Markus 12:29

A si Yesus mingkotla, “Um perénta totoz ipahpuu-puuna é: ‘Talingana lumé'o-lé'os, é tou Israel! Si Opo Empungta, si Opo Empung itii én esa uman.

Yudas 1:25

Si Opo Empung si esa uman, si nimiloté ni kita im witu un ukuman wana a singkéla', mengiité si Yesus Kristus Mahpiarata. Wia ni Sia uman u sigi' wo looz, ung kawangko'an, ung kaketezan wo ung kawasa um wiamo rengané im puuna, in tarékan wo makaz ing kauré-uré. Amin.

1 Korintus 8:10

Niitu én téntii: ni kamu é mata'umo im péléng ang kakanen én toro kanen. Taan sa wéwéhan tou si zéi'kampé' enté' um pa'émanenna mileka ni kamu i mahkan witi walé pahragésan wia sé opo-opo, si tou itii én ikakiit im paaz kuman ang kakanen méiragéso wia sé opo-opo.

1 Korintus 8:1

Tarékan ni aku kumuama tumoro a lé'ona méiragés wia sé opo-opo. Ung kata'uanta, “Ni kita péléng ém wéwéhano ang kata'uan.” Ang kata'uan tanu niitu nimangun si tou nimaloozan, taan u rumaraaté é mahenté' un até ni tou.

Kisah Rasul-rasul 19:26

In tarékan, ni kamu é nimileko wo timalingamo kura si Paulus i mahenou wo mahlululu sé tou lakez, zéi'kan uman wia u Efesus taan kangkasii tawi péléng am witi tana' Asia, karia i mahkua sa am winangun né tou én zéi'kan opo-opo.

Kisah Rasul-rasul 14:15

“É kamu péléng, kaa kamu mahwangun an téntu? Ni kai én tou uman masuat wo ni kamu. Ni kai i niméyé wia'i é mémahwoka' u Nuwu' Lé'os tumoro si Yesus wia ni kamu, wo kamu tumula'ula am pahwangunen niou an zéi'kan siapa torona kenu, wo méyé wia si Opo Empung si menou-nou. Ni Sia si nimangun u langit wo ung kaayahan, un tasik wo péléng am witu.

1 Timutius 1:17

U looz wo u sigi' wangko' makaz ing kauré-uré wia si Opo Empung laléi, si Kolano makaz ing kauré-uré, si zéi'kan pahileken wo si esa uman! Amin.

Kisah Rasul-rasul 15:20

Taan ni kita é léwo'zéi' i mantika um pinantik iwéhé wia ni séra, wo séra tia' mahkan ang kakanen a mémoiragés wia sé opo-opo, mahseza' a lé'ona né binatang nimaté ing kinezangan wo un zaha'. Ni séra kasii én zéi'kan toro mahsamek.

1 Korintus 8:11

Karia in téntu si tou zéi'kampé' enté' um pa'émanenna én ikaléwo' pahpaan ang kata'uan niou. Un ulitna ni sia éng katuari niou esa pa'émanen wo si Kristus kangkasii nimaté wia ni sia.

Galatia 4:8

Im puuna i ni kamu zéi'kampé' mata'u si Opo Empung, ni kamu ém pahata-atan né opo-opo sé zéi'kan wangun im pahsigi'en, taan sé opo-opo itii én zéi'kan Opo Empung.