1 Korintus 7:9 - Taaz Weru Witu u Nunuwu'en Tombulu

⁹ Taan sa séra zéi'kan makaezen u lelo un awak néra, tawimo séra ing kumawéngla. Pahpaan tawimo séra ing kimawéng én taa séra zézéhan u lelo néra itii.

1 Korintus 7:9 ပူးပေါင်းရင်းမြစ်များ

Kisah Rasul-rasul 19:36

Zéi'kan siapa si tou toro zuméi' niitu. Niitumo ni kamu én tia'mo mahrikoka' wo tia'mo wayaan ung kamualian.

1 Korintus 7:2

taan wo zéi'kan mangun u samek, tawimo si tuama ém wéwéhan mahayo, téntu kangkasii si wéwéné ém wéwéhan mahayo.

1 Korintus 7:28

Taan sa ko kumawéngla, ni ko én zéi'kan nimangun a singkéla'. Téntu kangkasii, si raraha sa kumawéngla, ni sia én zéi'kan nimangun a singkéla'. Taan sé tou kimawéngla itii, witu ung katou-touan kenu, ni séra é mamendan ang kasusaan. Ung kapaazku ni kamu én zéi'kan mamendan ang kasusaan itii.

1 Korintus 7:36

Sa si tuama gumenangla i ni sia é nimangunola un zéi'kan wangun wia si kalé'osna wo si kalé'osna éng katu'anamo, tawimo séra kumawéngla, niitu én zéi'kan singkéla'.

1 Korintus 7:39

Si wéwéné kimawéngo én anu ni mahayona sa si mahayona menou-noupé'. Sa si mahayona nimatémoma, si wéwéné itii én zéi'mo anu ni mahayona. Sa si wéwéné zéi'mo siapa mahayo itii paaz kumawéng, ni sia én toro kumaweng karia ni kapaazna, asal uman si tuama itii é ma'éman.

1 Tesalonika 4:4

Ni kamu in tuama é méndola si wéwéné esa i maéndo mahayomu in esa, wangunela ung katou-touan niou weresi im witu u sinaru ni Opo Empung wo wangunela ung katou-touan niou im pahsigi-sigi'en né tou.

1 Timutius 5:11

Taan sé wéwéné mahesa-esamokan zéi'kampé' tahlous tu'a, tia'pé' ipahrékén i makailek a sasawang. Pahpaan sa mawiamé u lelo néra wia sé tuama, ni séra én tumula'u si Kristus wo paazo kawéngen sumaup.

1 Timutius 5:14

Niitumo sé wéwéné mahesa-esamokan sé zéi'kampé' tahlous tu'a, kapaazku ni séra éng kumawéngla sumaup. Sa séra kumawéngla sumaup, ni séra én toro makaileké koki' wo mahtu'tul sé sana awuna. Karia in téntu, sé kakoro'ta én zéi'kan mata'u mahtawuruk u ngaranta.